#क्रिकेटपटू शिखर धवन परत अडकणार लग्नबंधनात Shikhar Dhawan 2nd Wedding: रोहित शर्माचा सलामी जोडीदार माजी खेळाडू शिखर धवन पुन्हा बोहल्यावर चढणार आहे. शिखर धवन गर्लफ्रेंड सोफी शाईनबरोबर लवकरच लग्न करणार आहे. शिखर धवन आणि सोफी शाईन पहिल्यांदा चॅम्पियन्स ट्रॉफीदरम्यान एकत्र दिसले होते. यानंतर त्यांनी सोशल मीडियावर आपल्या नात्याची कबुली दिली होती. त्यानंतर आता दोघेही लग्न करणार आहेत. शिखर धवनच्या ४०व्या वाढदिवसानिमित्त सोफीने सोशल मीडियावर त्याच्यासाठी एक खास पोस्ट शेअर केली होती. ज्यामध्ये तिने शिखर धवनला माझं प्रेम व बेस्ट फ्रेंड म्हणत शुभेच्छा दिल्या होत्या. यानंतर आता शिखर धवनच्या लग्नाबाबत माहिती समोर आली आहे. शिखर धवनचं हे दुसरं लग्न असणार आहे. धवनची पहिली पत्नी आयेषा मुखर्जीसह त्याचा ऑक्टोबर २०२३ मध्ये घटस्फोट झाला. या दोघांना झोरावर नावाचा मुलगादेखील आहे. हिंदुस्तान टाईम्समधील एका वृत्तानुसार, धवन आणि सोफी फेब्रुवारीच्या तिसऱ्या आठवड्यात लग्न करणार आहेत. हा लग्नसोहळा दिल्लीत असून खूप भव्यदिव्य होणार असल्याची माहितीदेखील समोर आली आहे. क्रिकेट आणि बॉलिवूडमधील अनेक सेलिब्रिटींना त्यात सहभागी होण्यासाठी आमंत्रित करण्यात आलं आहे