#😍ହୃଦୟସ୍ପର୍ଶୀ ଶାୟରୀ ଭିଡିଓ📹 ଦେଖିଛ କି ' ବସନ୍ତ ' କୁ କେହି ଖୋଜି ଖୋଜି ତାକୁ ଥକିଲିଣି ପାଉନାହିଁ କେଉଁଠି ମୁଁ ଡାକିଡାକି ତଣ୍ଟି ଶୁଖିଲାଣି ଆମ୍ବ ତୋଟା ନାହିଁ ଆଉ ସେଠି ଏବେ କଳ କାରଖାନା କେଉଁଠି ଖୋଜିବି ତାକୁ କିଏ ଦେବ ତାହାର ଠିକଣା ହଳଦୀ ବସନ୍ତ ଅବା ଦେଇଥାନ୍ତା ଠିକଣା ତାହାର କେବେଠୁ ଦେଖିନି ତାକୁ ଶୁଣିନି ବି ତାର କଣ୍ଠ ସ୍ବର ପିଲାଦିନେ ଦେଖିଛି ମୁଁ ମାଳମାଳ ଭଦଭଦଳିଆ ରଚୁଥିଲେ ଇନ୍ଦ୍ରଧନୁ ଆକାଶରେ ବିନା ମେଘ ବାଆ ସେମାନେ ବି କହିଥାନ୍ତେ ବସନ୍ତର ରହଣି ଠିକଣା ତାଙ୍କୁ ବି ଦେଖୁନି କାହିଁ ବସନ୍ତ ବି ବୋଧେ ବାଟ ବଣା ଖୋଜୁଛି ବୋଧେ କୋଈଲି ବସନ୍ତକୁ ଚାରିଆଡ଼େ ବୁଲି ଦେଖାହେଲେ ପଚାରନ୍ତି ସିଏ ବୋଧେ ହେଲାଣି ବାଉଳି ଫୁଲରୁ ଫୁଲକୁ ଉଡି ମଧୁମକ୍ଷି ଦଳଦଳ ହୋଇ ଖୋଜି ଥାନ୍ତେ ବସନ୍ତକୁ ସେମାନଙ୍କ ଦେଖା ମଧ୍ୟ ନାହିଁ ଖୋଜି ଖୋଜି ଥକିଲେଣି ବୋଧହୁଏ ପ୍ରଜାପତି ଦଳ ସରବେ ମଉନ ତେଣୁ ପକ୍ଷୀଙ୍କର ନାହିଁ କୋଳାହଳ କାହାରି ଦେହରେ ନାହିଁ ବସନ୍ତର ଭୂଷଣ ବସନ ଦିଗଙ୍ଗନାମାନେ ତେଣୁ ଦିଶୁଛନ୍ତି ନିଷ୍ପ୍ରଭ ମଳିନ କେହି ହେଲେ କହିଦିଅ ରୁଷିଛିକି ବସନ୍ତ କେଉଁଠି ମଳୟକୁ ନେଇ ସାଥେ ନିଶ୍ଚିତ ମୁଁ ପହଞ୍ଚିବି ସେଠି ।