Part 25 ഫോൺ ഓൺ ആയെന്ന് കണ്ടതും ഒരു നമ്പറിലേക്ക് : " Now she is with me and Mine forever " എന്ന് അയച്ചു. അതിന് അപ്പുറം നിന്ന ആളിൽ നിന്നും മറുപടി വന്നും അവൻ ഒന്ന് ചിരിച്ചു. ഒരുപാട് അർഥങ്ങൾ ഉള്ള ചിരി. ________________________________________ സ്ഥലം മാറി കിടന്നത് കൊണ്ടോ ഉള്ളിൽ ഇപ്പോഴും വിട്ട് മാറാത്ത പേടി നില്കുന്നത് കൊണ്ടോ പതിവിലും നേരത്തെ തന്നെ ഗൗരി എണീറ്റു. പരിചയം ഇല്ലാത്ത ഇടം കണ്ടതും ആദ്യം ഒന്ന് അന്തിച്ച് പോയെങ്കിലും കഴിഞ്ഞതെല്ലാം ഒരു തിരശീല പോലെ ഓർമ വന്നതും ഒന്ന് നിശ്വസിച്ച് മുഖം അമർത്തി തുടച്ച് കൊണ്ട് എണീറ്റു. വീട്ടിൽ നിന്ന് ഒരു ഷീറ്റ് ഒന്ന് കൊണ്ട് വന്നിരിന്നു അവൾ അതാണ് പുതക്കാൻ ഉപയോഗിച്ചത്. അതും മടക്കി വെച്ച് നേരെ നോക്കിയത് കഴുത്തിൽ കിടക്കുന്ന താലി ചരടിൽ ആണ്. അമ്മയുടെ മുഖത്ത് നോക്കി അവൾ ഒന്ന് ചിരിച്ചു, തീർത്തും നിർജീവമായ ചിരി. പിന്നെ ഷാളും എടുത്ത് കഴുത്തിലൂടെ ഇട്ട് മുറിക്ക് പുറത്തേക്ക് ഇറങ്ങി. വെട്ടം വീഴുന്നതേ ഉണ്ടായിരുന്നുള്ളു അത് കൊണ്ട് തന്നെ ചുറ്റും നേരിയ വെട്ടം മാത്രേ ഉണ്ടായിരുന്നുള്ളു. അവൾ നേരെ അടുക്കളയിലേക്ക് പോയി. അവിടെ തലേന്ന് എടുത്ത് വെച്ച വേസ്റ്റ് കണ്ടതും അത് കളയണം എന്ന് ഓർമ വന്നതും അടുക്കളയുടെ വാതിൽ തുറന്ന് വാതിൽ പടിയിൽ നിന്നു. പുലർച്ചെ ആയത് കൊണ്ട് തന്നെ വാതിൽ തുറന്നതും നല്ല തണുത്ത കാറ്റ് അവളെ വന്നു പൊതിഞ്ഞു. അത് ഇഷ്ടപ്പെട്ടത് പോലെ ശരീരം ഒന്ന് കോരി തരിച്ചു. വാതിലിൽ നിന്ന് പത്തടി വ്യത്യാസത്തിൽ ആദ്യം കാണുന്നത് കിണർ ആണ് അതിനോട് ചേർന്ന് തന്നെ ഒരു തുണികളും ഉണ്ട്. കുറച്ച് മാറി ഒരു ഷീറ്റ് ഇട്ട കുളിമുറിയും. ഫ്രന്റിൽ ഉള്ളത്ര പോച്ച ഒന്നും അവിടെ ഇല്ലായിരുന്നു. കുളിമുറിയിലേക്ക് ഉള്ള വഴി ആയത് കൊണ്ട് ആയിരിക്കാം എന്ന് അവൾ ഊഹിച്ചു. അവൾ കഴുത്തിലൂടെ ഇട്ടിരുന്ന ഷാൾ എടുത്ത് പുത്തച്ച് കൊണ്ട് വേസ്റ്റും എടുത്ത് പുറത്തേക്ക് ഇറങ്ങി. മുന്നിൽ പോയി അവളുടെ ചെരുപ്പ് എടുക്കാൻ ഉള്ള മടി കൊണ്ടും കണ്ണൻ ഇപ്പൊ എഴുനേറ്റ് വരില്ല എന്ന വിശ്വാസം കൊണ്ടും അവൾ അവിടെ കിടന്ന കണ്ണന്റെ ചെരുപ്പും ഇട്ട് ഇറങ്ങി. അവൾ പതിയെ വീടിന്റെ ബാക്ക് വശത്തേക്ക് നടന്നു. അവിടെയും അല്പസ്വല്പം കാട് പിടിച്ച് കിടപ്പുണ്ട്. അവിടെ രണ്ട് തെങ്ങും ഒരു നെല്ലി മരവും നിൽപ്പുണ്ട്,  ഇത് കൂടാതെ മറ്റേതോ മരം കൂടി ഉണ്ട് പക്ഷെ അതിൽ പോച്ച കേറി നശിച്ച് നില്കുന്നു. വല്ല ഇഴജന്തുക്കളും കാണും എന്ന ചിന്തയിൽ കയ്യിൽ ഇരുന്ന കവർ തുറന്ന് വേസ്റ്റ് തെങ്ങിന്റെ ചുവട്ടിൽ ഇട്ട് ചുറ്റും ഒന്നുകൂടി നോക്കി അവൾ തിരിച്ച് നടന്നു. വീട്ടിലേക്ക് കയറുന്നതിനു മുൻപ് അവൾ നേരെ ബാത്റൂമിലേക്ക് നടന്നു. അത്യാവിശം നല്ല വലിപ്പം ഉള്ള ബാത്രൂം ആയിരുന്നു അത്. അത് തന്നെ അര മതിൽ വെച്ച് രണ്ടായിട്ട് ഭാഗിച്ചിട്ടുണ്ട്, ഒന്നിൽ കുളിമുറിയും മറ്റേ ഭാഗം ടോയ്‌ലെറ്റും ആണ്. വെള്ളത്തിനായി ടാപ് തുറന്ന് നോക്കിയെങ്കിലും വെള്ളം വരാഞ്ഞത് കണ്ട് ഒന്ന് നിശ്വസിച്ച് കൊണ്ട് ബക്കറ്റും എടുത്ത് കിണറ്റിന് അരികിലേക്ക് പോയി. വെള്ളവും കോരി ബക്കറ്റ് നിറച്ച് അത് തിരിച്ച് കൊണ്ട് ചെന്ന് ബാത്റൂമിലേക്ക് വെച്ചപ്പോഴേക്കും അവൾ ആകെ തളർന്ന് പോയിട്ടുണ്ടായിരുന്നു. ഇനി എന്തായാലും കുളിച്ച് കൂടി ഇറങ്ങാം എന്ന ചിന്തയിൽ മുറിയിൽ പോയി ബ്രഷും വസ്ത്രവും എടുത്തിട്ട് വന്നു. കിണറ്റിന് കരയിൽ നിന്ന് പല്ല് തേച്ച് അവിടെ തന്നെ ബ്രഷും വെച്ചു അവിടെ  മഗ്ഗിൽ ഇട്ട് വെച്ചിരുന്ന സോപ്പും എടുത്ത് അവൾ കുളിമുറിയിലേക്ക് കയറി. അപ്പോഴേക്കും നേരം വെളുത്ത് തുടങ്ങിയിട്ടുണ്ടായിരുന്നു. അതിരാവിലെ ആയതിനാൽ തന്നെ നല്ല തണുപ്പ് ഉണ്ടായിരുന്നു വെള്ളത്തിന്, അവളുടെ ഉള്ളിൽ തിളച്ച് മറിയുന്ന ചൂടിനെ കെടുത്താൻ ഒരു പൊടിക്ക് ആ തണുത്ത വെള്ളത്തിനു കഴിഞ്ഞു എന്നതാണ് സത്യം. മറ്റ്‌ പണികൾ ഒന്നും ഇല്ലാത്തതിനാൽ പതിയെ വളരെ സമയം എടുത്ത് തന്നെ കുളി എല്ലാം കഴിഞ്ഞത്. കഴുകാൻ ഉള്ള തുണി ബാക്കി വന്ന വെള്ളത്തിൽ മറ്റൊരു ബക്കറ്റിൽ മുക്കി വെച്ച് തലയിൽ തോർത്തും ചുറ്റി കുളിമുറിയിൽ നിന്ന് ഇറങ്ങി. വാതിലും കുറ്റിയിട്ട് തിരിഞ്ഞതും അടുക്കള വാതിൽ പടിയിൽ നിൽക്കുന്നവനെ കണ്ട് ഒന്ന് ഞെട്ടി, അവന്റെ നോട്ടം തന്റെ കാലിലേക്ക് ആണ് തിരിച്ചറിഞ്ഞതും തല താഴ്ത്തി നോക്കിയതും ഗൗരി പകച്ച് പോയി. ഇപ്പോഴും അവന്റെ ചെരുപ്പ് ഇട്ടാണ് താൻ നില്കുന്നത് എന്ന ബോധം വന്നതും അവൾക്ക് ആകെ ഒരു വെപ്രാളം തോന്നി. ഏറെ നിമിഷങ്ങൾ കഴിഞ്ഞിട്ടും തന്നിൽ നോട്ടം എയ്ത് നിൽക്കുന്നവനെ കണ്ടതും ഗൗരി പിന്നെ ഒരു ഓട്ടം ആയിരിന്നു. ചെരുപ്പ് വാതിലിന് മുന്നിൽ ഇട്ട് അവന് മുഖം കൊടുക്കാതെ അകത്തേക്ക് ഓടി കയറി. അവളെ തന്നെ നോക്കി നിന്നവന് ഒരു നിമിഷം എന്താ സംഭവിച്ചേ എന്ന അവസ്ഥ ആയിരുന്നു. പിന്നെ പെണ്ണിന്റെ വെപ്രാളംവും ഓട്ടവും ഓർത്ത് അവന്റെ ചൊടിയിൽ ഒരു ഇളം മന്ദഹാസം വിടർന്നു. ഇതേ സമയം ഗൗരിയുടെ ഓട്ടം ചെന്ന് അവസാനിച്ചത്ത് മുറിയിൽ ആണ്. ഓടിയത് കൊണ്ടോ വെപ്രാളം കൊണ്ടോ അവൾ നിന്ന് കിതക്കുന്നുണ്ടായിരുന്നു. കിതപ്പ് ഒന്ന് അടങ്ങിയതും അവന്റെ ചെരുപ്പ് ഇട്ടത് അവൻ കണ്ടോണ്ട് വന്നതോർത്ത് അവൾക്ക് വല്ലാത്ത ജാള്യത തോന്നി. " കണ്ടോ അമ്മ ഞാൻ ഇനി എങ്ങനെ അയാളുടെ മുന്നിൽ പോയി നിക്കും. മുന്നിൽ മുഴുവൻ കാട് വളർത്തി ഇട്ടിരിക്കുന്നത് കൊണ്ട് എനിക്ക് ഈ വെളുപ്പിന് അങ്ങോട്ട് പോകാൻ ഉള്ള മടി കൊണ്ട് അല്ലെ ഞാൻ എന്റെ ചെരുപ്പ് എടുത്ത് ഇടാഞ്ഞേ. ഇതിപ്പോ ഇങ്ങനെ ഒരു പണി തരും എന്ന് ഞാൻ കണ്ടോ. ശേ അയാൾ എന്ത് കരുതി കാണും. അയാൾ ഈ വെളുപ്പിന് ഒക്കെ എണീറ്റ് വരും ഞാൻ അറിഞ്ഞോ, അമ്മാ എന്ന അമ്മ ഇപ്പൊ ഞാൻ ചെയ്യാ. ശോ ഏത് നേരത്താണോ ആ ചെരുപ്പ് എടുത്ത് ഇടാൻ തോന്നിയെ എന്തോ. അയ്യോ ഇനി ചെരുപ്പ് എടുത്ത് ഇട്ടേഞ്ഞ് എന്നെ വഴക്ക് വല്ലതും പറയുവോ....? " : ആദ്യം അമ്മയോട് പരിഭ്രമവും നാണക്കേടും കൊണ്ട് പറഞ്ഞവൾ പെട്ടെന്ന് കണ്ണന്റെ സ്വഭാവം ഓർത്ത് പേടി നിറഞ്ഞു. എത്ര ഒക്കെ ആയിട്ടും അവൾക്ക് ഉള്ളിൽ കണ്ണനോട് ഉള്ള പേടിക്ക് മാത്രം ഒരു കുറവ് വന്നില്ല. ഇതുവരെ മാന്യൻ ആയിട്ട് നിന്നെന്ന് കരുതി എപ്പോഴും അങ്ങനെ തന്നെ ആകണം എന്ന് ഇല്ലല്ലോ എന്ന ഭാവം ആണ് അവൾക്ക് ഉള്ളിൽ. കൂടാതെ അന്ന് വീട്ടിൽ വന്നപ്പോഴും ഇന്നലെയും ഉള്ള അവന്റെ ദേഷ്യം അവളുടെ വിശ്വാസത്തെ ഒന്നുകൂടി ഉറപ്പിക്കുകയാണ് ചെയ്തത്. " ഗൗരി നന്ദ " : ഓരോന്ന് ആലോചിച്ച് ഇരുന്നപ്പോഴാണ് മുറിക്ക് പുറത്ത് നിന്ന് കണ്ണൻ അവളെ വിളിച്ചത്. തന്നെ വഴക്ക് പറയാൻ ആയിരിക്കോ അവൻ വിളിക്കുന്നെ എന്ന പേടിയിൽ പോകണോ എന്ന് പരിഭ്രാമിച്ച് നില്കുവാണ് ഗൗരി. ഇനിയും ചെന്നില്ലെങ്കിൽ അതിനും കൂടി വഴക്ക് കിട്ടും എന്ന തോന്നലിൽ പതിയെ മുറിക്ക് പുറത്തേക്ക് വന്നു. അവിടെ അവളെയും കാത്ത് നിൽക്കുന്ന കണ്ണനെ കണ്ടതും പെട്ടന്ന് തന്നെ മുഖം താഴ്ത്തി കൈ ഇട്ടിരുന്ന ഷാളിൽ കോരുത്ത് വലിച്ചു. " ഞ... " " അ.. അത് ഞ.. ഞാൻ മനഃപൂർവം അല്ല എന്റെ ചെ... ചെരുപ്പ് മുന്നിൽ അ..വിടെ കാട് പിടിച്ച് കി.. കിടക്കുനോണ്ട് ഒറ്റക്ക് പൊ.. പോകാൻ വയ്യാഞ്ഞോണ്ട. " : കണ്ണൻ എന്തോ പറയാൻ വന്നതും അതിന് മുന്നേ ഗൗരി പറഞ്ഞു. പക്ഷെ ഈ പറഞ്ഞതൊന്നും ധൈര്യത്തോടെ ആയിരുന്നില്ല എന്ന് മാത്രം മറിച്ച് ഇതിന്റെ പേരിൽ തന്നെ വഴക്ക് പറയുമോ ഉപദ്രവിക്കുമോ എന്നുള്ള ഭയം ആണ് അവളെ കൊണ്ട് അത് പറയിച്ചത്. അല്പം നേരം കഴിഞ്ഞിട്ടും അനക്കം ഒന്നും ഇല്ല എന്ന് അറിവിൽ ഗൗരി പതിയെ തല പൊക്കി നോക്കിയതും തന്നിൽ തന്നെ ഉറ്റ് നോക്കി നിൽക്കുന്നവനെ ആണ് കാണുന്നത്. പൊടുന്നനെ അവളുടെ തല വീണ്ടും കുനിഞ്ഞു. " ഇനി ഇടുല " : താൻ ഏറ്റ് പറഞ്ഞത് കൊണ്ട് വഴക്ക് പറഞ്ഞില്ല എന്നാ ആശ്വാസത്തിൽ ഒരു ഉറപ്പും കൂടി കൊടുത്തു അവൾ. അതും കൂടി കേട്ടതും ഇനി കേൾക്കാൻ വയ്യെന്ന പോലെ അവൻ നെറ്റി ഒന്ന് തടവി ഒന്ന് വിശ്വസിച്ചു. " ഞാൻ പുറത്തോട്ട് പോകുവാ. ഒരു 10 മണി ഒക്കെ ആകുമ്പോൾ വരാം അപ്പോഴേക്കും റെഡി ആയി നിക്ക്. " : അതും പറഞ്ഞ് അവൻ പോകാൻ ഇറങ്ങി. അപ്പോഴാണ് ഇന്നലെ അവൻ പറഞ്ഞ കാര്യം അവൾക്ക് ഓർമ വന്നത്. അതിന് താനും വേണോ എന്ന് അവൾക്ക് ചോദിക്കണം എന്ന് ഉണ്ടായിരുന്നെങ്കിലും ഇപ്പൊ അത് ചോയ്ച്ചത് നേർത്തതിനും കൂടി ചേർത്ത് കേൾക്കേണ്ടി വരും എന്ന തോന്നലിൽ അവൾ വേണ്ടെന്ന് വെച്ചു. എങ്കിലും അവനോടൊപ്പം പോകണം എന്ന ചിന്തയിൽ അവളിൽ വല്ലയിമ നിറഞ്ഞു. വാതിലിന് അടുത്തെത്തിയതും അവളോട് എന്തോ പറയാൻ ആയി തിരിഞ്ഞതും എന്തോ ചിന്തയിൽ നിൽക്കുന്നവളെ കണ്ടതും രണ്ട് നിമിഷം അവനൊന്ന് നോക്കി നിന്നു. കുളിച്ചിട്ട് തലയിൽ ചുറ്റിയ തോർത്ത് ഇപ്പോഴും ഉണ്ട്. ഒരു ചുരിദാർ ആണ് വേഷം കൂടാതെ ഒരു ഷാൾ കഴുത്തിലൂടെ ചുറ്റിയിട്ടുണ്ട്. അവളുടെ ചിന്ത ഇപ്പോഴൊന്നും തീരില്ല എന്ന് മനസിലായതും അവൻ ഒന്ന് മുരടനക്കി. അത് കേട്ടതും ഒരു നോട്ടം അവനിലേക്ക് എയ്ത് മിഴികൾ താഴ്ത്തി അവൾ. " കുറച്ച് കഴിയുമ്പോൾ പോച്ച ചെത്താൻ പണിക്കാർ വരും. വാതിൽ തുറക്കാൻ നിക്കണ്ട. ഞാൻ വന്ന് തട്ടി വിളിക്കാം അപ്പൊ തുറന്ന മതി. " : അതും പറഞ്ഞ് ഒരിക്കൽ കൂടി അവളെ ഒന്ന് നോക്കി കൊണ്ട് അവൻ പുറത്തേക്ക് നടന്നു. അവൻ പോയെന്ന് കണ്ടതും ചെന്ന് വാതിൽ അടച്ച് അവിടെ ഇട്ടിരുന്ന സെറ്റിയിൽ ഇരുന്നു. പ്രെത്തേകിച്ച് പണി ഒന്നും ഇല്ലാത്തത് കൊണ്ട് അവൾക്ക് ചെറിയ മടുപ്പ് തോന്നി. വീട്ടിൽ ആയിരുന്നെങ്കിൽ നടു നുക്കാൻ ഉള്ള സമയം പോലെ കിട്ടില്ല, ചിന്തകൾ വീണ്ടും വീടും മറ്റും കടന്ന് വന്നതും അവൾക്ക് ഉള്ളിൽ സങ്കടം ഇരച്ചെത്തി. പിന്നെ അതിലേക്ക് ശ്രദ്ധ കൊടുക്കാതെ അവൾ ചുറ്റും വീക്ഷിച്ചു. ഇതുവരെ ഇതൊക്കെ നോക്കി നിൽക്കാൻ പറ്റിയ ഒരു മാനസികാവസ്ഥ അല്ലായിരുന്നല്ലോ. ഇപ്പോഴും അതിന് വലിയ മാറ്റം ഒന്നും ഇല്ലെങ്കിലും എന്ത് വന്നാലും ഇനി താൻ ഒറ്റക്കെ ഉള്ളു എന്നും അതൊക്കെ ഒറ്റക്ക് നേരിടണം എന്ന തിരിച്ചറിവിൽ ഉദിച്ച ധൈര്യം ഉണ്ട് അവൾക്ക് ഇപ്പൊ പക്ഷെ അപ്പോഴും കണ്ണനോട് ഉള്ള പേടി അതെ പോലെ നിലനിൽപ്പുണ്ട്. ____________________________________________ " സരസ്വതി എനിക്ക് ഒരു അത്യാവിശ ഓട്ടം വന്നു, ദൂരെയാത്രയാ മുടക്കാൻ തോന്നിയില്ല കൂടി പോയാൽ രണ്ട് മണിക്കൂർ അതിനുള്ളിൽ ഞാൻ തിരിച്ചെത്താം അപ്പോഴേക്കും നിങ്ങൾ റെഡി ആയി നിന്നാൽ മതി. " : അതും പറഞ്ഞ് സതീശൻ വണ്ടിയുടെ താക്കോലും എടുത്ത് ഇറങ്ങി. ഹാളിൽ ലത ഇരുന്ന് പത്രം വായിക്കുന്നുണ്ട് അവരെ ഒന്ന് നോക്കി കൊണ്ട് അയാളെ യാത്രയാക്കാൻ സരസ്വതിയും കൂടെ ചെന്നു. സതീശൻന്റെ ഓട്ടോ കണ്ണിൽ നിന്ന് മറഞ്ഞ് നിമിഷങ്ങൾക്ക് ഉള്ളിൽ ഗേറ്റ് കടന്ന് വരുന്നവരെ കണ്ട് സരസ്വതിയുടെ നെറ്റി ചുളിഞ്ഞു. തുടരും...... #💌 പ്രണയം ##trending ##viral #തുടർകഥ