ക്രിക്കറ്റ് കണ്ടു തുടങ്ങുമ്പോൾ, ടിവിയുടെ മുന്നിലിരുന്നു വീർപ്പടക്കി, ഒന്നൊഴിയാതെ ബോളുകളും റണ്ണുകളും എണ്ണുമ്പോൾ, ഇന്ത്യയുടെ ഭൂപടത്തിൽ കേരളം ഉണ്ടായിരുന്നെങ്കിലും, ഇന്ത്യൻ ക്രിക്കറ്റിന്റെ ഭൂപടത്തിൽ കേരളം ഉണ്ടായിരുന്നില്ല. ഞങ്ങൾ കൈയടിച്ചത് മുഴുവൻ ബഞ്ചിൽ ഇരിക്കാൻ പോലും ഒരു കേരളക്കാരൻ ഇല്ലാത്ത കളികൾക്കായിരുന്നു. ഞങ്ങൾ കാത്തിരുന്നത് മുഴുവൻ വെള്ളം കൊണ്ടു കൊടുക്കാൻ പോയിട്ട്, ഔട്ട് പെറുക്കാൻ പോലും നീല ജഴ്സി ധരിച്ച ഒരു കേരളക്കാരൻ ഇല്ലാത്ത കളികൾക്കായിരുന്നു. ഞങ്ങൾ നെഞ്ചേറ്റിയത് മുഴുവൻ ഒരൊറ്റ നാട്ടുകാരനു പോലും ടീമിലിടം കിട്ടാത്ത കളികളും കപ്പുകളും ആയിരുന്നു. അങ്ങനെ ഒരു കളിക്കാരൻ ഞങ്ങളുടെ ആഗ്രഹങ്ങളുടെ ബൗണ്ടറിക്കും അപ്പുറത്തായിരുന്നു. മറ്റു സംസ്ഥാനങ്ങളുടെ അഭിമാനമായി കളിക്കാർ സെഞ്ച്വറി അടിക്കുമ്പോൾ, വിക്കറ്റ് പറിക്കുമ്പോൾ, ക്യാച്ചിനു പറപറക്കുമ്പോൾ, മാൻ ഓഫ് ദി മാച്ചും മാൻ ഓഫ് ദി ടൂർണമെന്റും ഉയർത്തുമ്പോൾ, കളിക്കാൻ അറിയാവുന്നവരായി ഞങ്ങൾ ഞങ്ങളെ കരുതിയിരുന്നില്ല. ഇന്ത്യ വിജയിക്കുമ്പോഴും ഞങ്ങൾക്ക് എത്തിച്ചേരാനാവാത്ത ഉയരമായിരുന്നു അങ്ങനെ ഒരു കളിക്കാരൻ. ഞങ്ങൾ സച്ചിനു കൈയടിച്ചതു പോലെ, ഞങ്ങൾ ശ്രീനാഥിനും വെങ്കിടേഷ് പ്രസാദിനും അനിൽ കുംബ്ലേക്കും വേണ്ടി നെഞ്ചിടിച്ചതു പോലെ, ഞങ്ങൾ ജഡേജക്കും ഗാംഗുലിക്കും ദ്രാവിഡിനും റോബിൻ സിങ്ങിനും വേണ്ടി വിളിച്ചു കൂവിയതു പോലെ — രാജ്യം മുഴുവൻ ആർപ്പുവിളിക്കുന്ന ഞങ്ങളുടെ നാട്ടുകാരനായ ഒരു കളിക്കാരൻ. ഇന്ന്, എന്റെ മക്കൾ ക്രിക്കറ്റ് കണ്ടപ്പോൾ, അവർ വീർപ്പടക്കി കണ്ടത് മുഴുവൻ സഞ്ജു സാംസനെ ആയിരുന്നു. അവർ ദുഃഖിച്ചത് മുഴുവൻ സെഞ്ച്വറി തികയ്ക്കാതെ സഞ്ജു മടങ്ങിയപ്പോഴായിരുന്നു. അവരുടെ ഏറ്റവും പ്രിയപ്പെട്ട കളിക്കാരൻ സഞ്ജു ആയിരുന്നു. അവർക്കു മാത്രമായിരിക്കില്ല — ഇന്ത്യ എന്ന മഹാരാജ്യത്തിന്റെ മുക്കിലും മൂലയിലുമുള്ള കുട്ടികൾ ഇന്ന് ഏറ്റു വിളിച്ചത് സഞ്ജു സാംസൺ എന്നായിരിക്കും. സഞ്ജു, നിങ്ങൾക്കറിയില്ല — എത്ര മലയാളി തലമുറകളുടെ കാത്തിരിപ്പിനെയാണ് നിങ്ങൾ ബാറ്റുകൊണ്ട് തച്ചുതകർത്തതെന്ന് ❤️ കണ്ണൂർകാരൻ ❤️❤️❤️❤️ #🏆 ഇത് ചരിത്രം; ലോകകപ്പിൽ മുത്തമിട്ട് ഇന്ത്യ, സഞ്ജു ടോപ് സ്കോറർ! #🔥 കട്ട ഹീറോയിസം #👌 വൈറൽ വീഡിയോസ് #🤘 Motivation Video #💃 Reels വീഡിയോസ്