మానవాళి జీవితాలతో ఆటలాడుకునే కలుషితమైన నీటితో తస్మాత్ జాగ్రత్త! లేదా సీజనల్ వ్యాధుల బారినపడకుండా ఉండాలంటే మాత్రం కాచి చల్లార్చిన నీరే ప్రజలకు అత్యంత శ్రేయస్కరం! బయట హోటళ్ళలోనో లేక రోడ్డు ప్రక్కన వున్న బండి కొట్టు వాళ్ళ దగ్గరనో నీరు త్రాగడం వల్ల అవి పొరపాటున కలుషితమై వుంటే మాత్రం కోరికోరి సీజనల్ వ్యాధులను మనం కొని తెచ్చుకున్నట్లే. ఎందుకంటే కలుషితమైన నీరు సేవనం వలన మానవాళి విలువైన ప్రాణాలకు సైతం పెనుముప్పు వాటిల్లే ప్రమాదం ఎల్లవేళలా పొంచి ఉంటుంది. ముఖ్యంగా కలుషితమైన నీరు తీసుకోవడం మూలాన మానవాళి అతిసార,న్యూమోనియా,చికెన్ పాక్స్ వంటి వ్యాధుల బారినపడి అనేక రకాల ఇబ్బందులకు, ఇక్కట్లకు,ఆనారోగ్య సమస్యలకు గురి అవుతున్నారు అనే మాట సత్య దూరం కాదు.అయితే మానవాళి ఇలాంటి సీజనల్ వ్యాధుల బారిన పడి అనవసరమైన ఇబ్బందులపాలు కాకుండా ఉండాలంటే మాత్రం కాచి వడబోసి చల్లార్చిన నీరే ప్రజలకు శ్రీరామరక్ష వంటిది. అంతేకాదు మనం బయటకు ఎక్కడికి వెళ్లిన మన గృహం నుంచే స్వచ్ఛమైన ఫిల్టర్ అయిన బాటిల్ నీళ్లను తీసుకెళ్లడం ఎంతైనా ఆరోగ్యకరమైన విషయం. ఎందుకంటే ' చేతులు కాలిన తరువాత ఆకులు పట్టుకునే కన్నా ' ముందు జాగ్రత్తగా మనం మంచి పరిశుభ్రమైన నీరును ఎప్పుడు అందుబాటులో పెట్టుకుంటే అది మన ఇంటికి ఒంటికి ఎంతో మంచిది.అంతేగాకుండా కలుషితమైన నీరు సేవించడం అనేది మనల్ని ఎంతటి ప్రమాదకరస్థితిలోకి నెట్టివేస్తుంది అంటే డయేరియా వంటి వ్యాధులు సంక్రమించి ఒక్కొక్కసారి వాంతులు,విరేచనాలు సైతం సంభవించి మానవాళి వున్న ఫలంగా ప్రమాదపు టంచుల్లోకి వెళ్లడమే కాదు ఒక్కొక్కసారి మన కాలం కర్మం సరిగాలేకపోతే మరణాలు సైతం సంభవిస్తూ వుంటాయి.కాబట్టి నిత్యం మనం స్వచ్ఛమైన నీరు త్రాగడం వంటి ఓ మంచి చిట్కాను పాటించడం వలన మన ఆరోగ్యం మరో పది కాలాల పాటు వర్ధిల్లడంతో పాటు మనకు ఎలాంటి ఆనారోగ్యకరమైన సమస్యలు తలెత్తకుండా మన జీవితాలు సాఫీగా సాగెందుకు ఎంతగానో ఆ స్వచ్ఛమైన నీళ్లు దోహదం చేస్తాయి అనే మాట సత్య దూరం కాదు.అన్నింటికి మించి మనం బయట దొరికే చిరుతిండ్ల మూలాన ఎక్కువగా చేటు తెస్తున్నది మాత్రం పానీపూరి కోసం వాడుతున్న నీరు కలుషితం అవుతుండటమే.ఈ విషయంలో మాత్రం ప్రజలు అత్యంత అప్రమత్తంగా,జాగ్రత్తగా వ్యవహరించి వీలయినంత వరకు రోడ్ల ప్రక్కన బండ్లలో దొరికే చిరుతిండ్లకు దూరంగా ఉండటమే మనకు ఎంతో సురక్షితం. ఏదిఏమైన తెలిసో తెలియకో బయటకు వెళ్ళినప్పుడు కలుషితమైన నీరు సేవించడం వలన అది మన ఆరోగ్యం పై తీవ్ర ప్రభావం చూపి మనకు ఎనలేని హాని చేకూర్చవచ్చు.ఒక్కొక్కసారి అది మనపై దీర్ఘకాలికంగా కూడా చాలా తీవ్ర స్థాయిలో ప్రభావం చూపి మొదటికే మోసం చేకూర్చవచ్చు.ఏమైనా ' ఆరోగ్యమే మహాభాగ్యం ' అని మన పెద్దలు సెలవు ఇచ్చినట్లుగా మన ఆరోగ్యాన్ని పదికాలల పాటు కాపాడుకోవడం అనేది మన చేతుల్లోనే వుంది. అలాకాకుండా విచ్చలవిడిగా బయట హోటళ్ళలోనో, మరే ఇతర ప్రాంతాలలోనో దొరికే నీటిని త్రాగితే మాత్రం చేజేతులారా మన ఆరోగ్యాన్ని బ్రష్టు పట్టించుకున్న వారమవుతాము,అదోగతి పాలు అయ్యే దారుణ పరిస్థితిని కల్పించుకుంటాము.కాబట్టి వీటన్నింటిని దృష్టిలో పెట్టుకొని మనం ఎల్లవేళలా స్వచ్ఛమైన, పరిశుభ్రమైన,కాచి వడబోసిన నీటిని సేవిస్తే మాత్రం మనం ఓ మంచి ఆరోగ్యవంతులుగా,ఎలాంటి వ్యాధుల బారిన పడకుండా అత్యంత సురక్షితంగా సుదీర్ఘకాలం పాటు మన జీవిత నౌకను అత్యంత దిగ్విజయంగా ముందుకు తీసుకెళ్లిన వారమవుతాము.కలుషితమైన నీటికి గుడ్ బై చెబుదాం!స్వచ్ఛమైన, పరిశుభ్రమైన నీటికి జై కొడదాం!✍️✍️✍️ - బుగ్గన మధుసూదనరెడ్డి,సామజిక విశ్లేషకుడు, బేతంచెర్ల,నంద్యాల జిల్లా! #బెజవాడలో కలుషిత నీరు తాగి ఇద్దరు మృతి..