*പെരുന്നാളും പുതു വസ്ത്രവും* `പുതു വസ്ത്രം വാങ്ങുമ്പോൾ വളരെയധികം ശ്രദ്ധിക്കേണ്ട കുറച്ച് കാര്യങ്ങൾ` ഭാര്യമാർക്ക് വസ്ത്രം വാങ്ങി കൊടുക്കുന്ന ഭർത്താക്കന്മാരും,മക്കൾക്ക് വസ്ത്രം വാങ്ങി കൊടുക്കുന്ന ഉപ്പമാരും, ഉമ്മമാരും,പിന്നെ സ്വന്തം ഇഷ്ടപ്രകാരം വസ്ത്രം വാങ്ങുന്ന സഹോദരീ സഹോദരന്മാരും ശ്രദ്ധിക്കുക..! പ്രിയമുള്ളവരേ, പെരുന്നാൾ ആണ് വരുന്നത്.. എല്ലാവരും പെരുന്നാളിന് വേണ്ടി പുതു വസ്ത്രം വാങ്ങുന്ന തിരക്കിലായിരിക്കാം എന്നറിയാം.. വസ്ത്രം വാങ്ങുമ്പോൾ ഞാനും നിങ്ങളും ശ്രദ്ധിക്കേണ്ട കുറച്ച് കാര്യങ്ങൾ ഉണർത്താനാണ് ഈ എഴുത്ത്.. വസ്ത്രധാരണയെ കുറിച്ച് ഹബീബ്ﷺ തങ്ങളുടെ അഭിപ്രായം നോക്കൂ!!! സ്ത്രീകളെപ്പോലെ വേഷം ധരിക്കുന്ന പുരുഷന്മാരെയും, പുരുഷന്മാരെപ്പോലെ വേഷം ധരിക്കുന്ന സ്ത്രീകളെയും അല്ലാഹുവിന്റെ റസൂൽﷺ ശപിച്ചിരിക്കുന്നു..! (ബുഖാരി). പുരുഷൻ സ്ത്രീയുടെ വസ്ത്രം ധരിക്കുന്നതിനെയും സ്ത്രീ പുരുഷന്റെ വസ്ത്രം ധരിക്കുന്നതിനെയും പ്രവാചകൻﷺ വിലക്കിയിട്ടുണ്ട് (അബൂദാവൂദ്). ഇമാം നവവി (റ) 'ശറഹു മുസ്ലിം' എന്ന ഗ്രന്ഥത്തിൽ പറയുന്നതു നോക്കൂ..! "സ്ത്രീകൾക്ക് മാത്രം ഉപയോഗിക്കാൻ യോഗ്യമായ എല്ലാത്തരം വസ്ത്രങ്ങളും പുരുഷന്മാർ ധരിക്കുന്നതും, തിരിച്ചും പുരുഷന്മാരുടെ വസ്ത്രങ്ങൾ സ്ത്രീകൾ ധരിക്കുന്നതും ഹറാമാണ്. ഇനി കാര്യത്തിലേക്ക് കടക്കാം... പെരുന്നാളിന് എന്ത് ഡ്രസ് ആണ് എടുക്കുന്നത്? എന്ന ചോദ്യത്തിന് പലരുടെയും മറുപടി "എന്താണോ ഇപ്പോൾ ട്രെൻഡിങ് ആയിട്ടുള്ളത്, അതു തന്നെ" എന്നായിരിക്കും മറുപടി... സഹോദരിമാരോട്, ഇപ്പോൾ ട്രെൻഡിങ് ആയിട്ടുള്ള വസ്ത്രം എന്താണോ എന്ന് ചോദിക്കുമ്പോൾ.. ഒരുപക്ഷേ,ജീൻസ് പാൻ്റും ഷർട്ടും എന്നായിരിക്കും മറുപടി... ഇനി,ജീൻസ് പാൻ്റും ഷർട്ടും ആണോ നിങ്ങൾ വാങ്ങുന്നതും ധരിക്കുന്നതും എന്ന് ചോദിക്കുകയാണെങ്കിൽ... സ്ത്രീകൾക്ക് വേണ്ടി ഇറക്കുന്ന ജീൻസും ടീഷർട്ടും അല്ലെങ്കി ഷർട്ടും ധരിക്കുന്നതിൽ എന്ത് തെറ്റുണ്ട് എന്ന് ചോദിക്കുന്ന പലരുമുണ്ട് നമുക്കിടയിൽ... *സഹോദരിമാരെ നിങ്ങൾ മനസ്സിലാക്കുക..!* ജീൻസ് പാൻ്റും ഷർട്ടും പുരുഷന്മാരുടെ വേഷമാണ്.അതിനെ ഇനി എത്ര മോഡിഫൈ ചെയ്താലും അതിൽ ഇനി ഒരു മാറ്റവും വരാൻ പോകുന്നില്ല!!! സഹോദരിമാരെ, നിങ്ങൾ ധരിക്കുന്ന വസ്ത്രം പുരുഷ സാദൃശ്യമുള്ള വസ്ത്രമല്ല എന്ന് ഉറപ്പു വരുത്തുക..! അതേ പോലെ തന്നെ ശരീരത്തിലേക്ക് ഒട്ടിപ്പിടിച്ച് ശരീരത്തിൻ്റെ ആകൃതി നന്നായി കാണുന്ന വിധമുള്ള വസ്ത്രവും,തൊലിയുടെ നിറം കാണുമാർ കട്ടിയില്ലാതതുമായ വസ്ത്രങ്ങൾ ധരിക്കുന്നതും ഇസ്‌ലാം വിലക്കിയിരുന്നു..! *ഒരു കാര്യം കൂടി സ്ത്രീകളോട് പ്രത്യേകം ഉണർത്തട്ടെ!?* ചുണ്ടിൽ ലിപ്സ്റ്റിക് തേച്ച്,മുഖത്ത് മേക്കപ്പ് പിടിപ്പിക്ക് ഔറത്ത് വെളിവാക്കി നടക്കുന്നതും പൂർണമായും ഒഴിവാക്കുക... കാരണം, `നമ്മുടെ ദീൻ ഒരിക്കലും അതിനെ പ്രോത്സാഹിപ്പിക്കുന്നില്ല!!!` ഈ ഒരു കാര്യം പറയുമ്പോൾ ചിലരൊക്കെ ചോദിച്ചേക്കാം " മേക്കപ്പ്,ലിപ്സ്റ്റിക് ഇടാത്തവരൊക്കെ സ്വർഗത്തിൽ പ്രവേശിക്കും അലെങ്കി,മേക്കപ്പ് ലിപ്സ്റ്റിക് ഇടുന്നവർ സ്വർഗത്തിൽ പ്രവേശിക്കില്ല എന്ന് എവിടെയെങ്കിലും / ഏതെങ്കിലും കിതാബിൽ പറഞ്ഞിട്ടുണ്ടോ?" എന്ന്... അങ്ങനെ ചോദിക്കുന്നവരോട് എനിക്ക് പറയാനുള്ളത് " ആര്, എങ്ങനെ ജീവിക്കുന്നവർ സ്വർഗത്തിൽ പ്രവേശിക്കും എന്ന് യാതൊരാൾക്കും മുൻ കൂട്ടി പറയാൻ സാധിക്കില്ല..! മേക്കപ്പ് ഇടാത്തവർക്ക് സ്വർഗമുണ്ടെന്നോ, മേക്കപ്പ് ഇടുന്നവർക്ക് സ്വർഗമില്ലെന്നോ പറയാനുള്ള അവകാശം എനിക്കില്ല... എന്നാലും, നമ്മൾ മുഅ്മിനീങ്ങൾ നമ്മളുടെ ദീൻ പറയുന്നത്,ഹബീബ്ﷺ തങ്ങൾ പഠിപ്പിച്ചു തന്നത് എന്താണോ അത് അനുസരിച്ച് ജീവിക്കുക..! ദീൻ നിരോധിച്ചത് എന്തോ,അത് നമ്മൾ പാടെ ഒഴിവാക്കുക..! പിന്നെ പൂർണമായും ഔറത്ത് മറയുന്ന രീതിയിലായിരിക്കണം മുഅ്മിനീങ്ങളായ നമ്മളുടെ വസ്ത്ര ധാരണ..! ട്രെൻഡിങ് ആയ ഡ്രസ് എടുക്കുകയോ ധരിക്കുകയോ ചെയ്യരുത് എന്നല്ല ഞാൻ പറയുന്നത്... ഇസ്ലാം നിഷേധിക്കുന്ന തരത്തിലുള്ള ഡ്രസ് ധരിക്കരുത്! എന്ന് മാത്രമാണ്... *സഹോദരന്മാരെ, നിങ്ങളോട് പറയാനുള്ളത്...* നിങ്ങളുടെ വസ്ത്ര ധാരണ സ്ത്രീയുടെ വസ്ത്ര ധാരണയുമായി സാദൃശ്യമുള്ളതല്ല എന്ന് ഉറപ്പു വരുത്തുക..! പുരുഷന്മാർ ഞെരിയാണിക്ക് താഴെ വസ്ത്രം വലിച്ചിറക്കുന്നത് ഇസ്ലാമിൽ കർശനമായി നിരോധിച്ച കാര്യമാണ്..! പുരുഷന്മാർക്ക് പട്ടു വസ്ത്രവും അനുവദനീയമല്ല..! പുരുഷന്മാർ തലയുടെ കുറച്ച് ഭാഗം മാത്രം മുടി ക്രോപ്പ് ചെയ്യുന്നതും ഇസ്ലാം വിലക്കിയിരുന്നു..! *കുട്ടികൾക്ക് വസ്ത്രം വാങ്ങി കൊടുക്കുന്ന മാതാപിതാക്കൾ ശ്രദ്ധിക്കുക..!* നിങ്ങളുടെ മക്കൾക്ക് നിങ്ങൾ വാങ്ങിക്കൊടുക്കുന്ന വസ്ത്രം ഇസ്‌ലാമിക ചിട്ടയിലുള്ള വസ്ത്രം തന്നെയാണെന്ന് ഉറപ്പു വരുത്തുക..! അവർ കുട്ടികളല്ലേ.. എന്ന് പറഞ്ഞ്, ഏതു രീതിയിലുള്ള വസ്ത്രവും ധരിക്കാം എന്ന് ഇസ്ലാമിലിൽ പറയുന്നില്ല..! നിങ്ങൾ അവരുടെ ചെറു പ്രായത്തിൽ അവർക്ക് പഠിപ്പിക്കുന്ന സംസ്കാരം എന്തോ അതു തന്നെയാണ് അവർ കണ്ട് വളരുന്നതും ജീവിതത്തിൽ പ്രാവർത്തികമാക്കുന്നതും എന്ന് മറന്നിടല്ലേ..! നിങ്ങളുടെ ജീവിതം എങ്ങനെയാണോ,അതു തന്നെയാണ് നിങ്ങളുടെ മക്കൾ കണ്ട് വളരുന്നതും... മറ്റുള്ളവർക്ക് കാണാൻ വേണ്ടിയോ, ട്രെൻഡിംഗിന് വേണ്ടിയോ അല്ല വസ്ത്രം ധരിക്കേണ്ടത്.. ഔറത്ത് മറക്കാൻ വേണ്ടി മാത്രമാണ് വസ്ത്രം ധരിക്കേണ്ടത്!!! എന്നാൽ, ധരിക്കുന്ന വസ്ത്രം ശുദ്ധിയുള്ളതും വൃത്തിയുള്ളതുമായിരിക്കണം..! നല്ല വസ്ത്രം ധരിക്കുന്നത് അള്ളാഹുﷻ വിന് ഇഷ്ടമുള്ള കാര്യമാണ്... ധൂർത്ത് പാടില്ല!!! ഇവിടെ മുഅ്മിനീങ്ങളായ നമ്മൾ ഓർക്കേണ്ട കാര്യം... "കാലത്തിനനുസരിച്ച് കോലം കെട്ടി, ട്രെൻഡിംഗിലൂടെ സഞ്ചരിച്ച്, റീൽ ചിത്രീകരിച്ച് ജീവിക്കേണ്ടവരല്ല മുഅ്മിനീങ്ങൾ..." അല്ലാഹുﷻവിൻ്റെ ദീൻ പറയുന്നതെന്തോ, ഹബീബ്ﷺ തങ്ങൾ പഠിപ്പിച്ചതെന്തോ,അത് അനുസരിച്ച് ജീവിക്കേണ്ടവരാണ് മുഅ്മിനീങ്ങൾ!!! ആര് എന്ത് പറഞ്ഞാലും, മുഅ്മിനീങ്ങളായ നമ്മൾ നമ്മുടെ ദീൻ പഠിപ്പിക്കുന്നതെന്തോ അത് അനുസരിച്ച് ജീവിക്കുക..! ദുനിയാവിലെ സുഖ സൗകര്യങ്ങളില്ല യഥാർത്ഥ സുഖ സൗകര്യങ്ങൾ എന്ന തിരിച്ചറിവോടെ, ആഖിറം വെളിച്ചമുള്ളതാകാനുള്ള കാര്യങ്ങൽ ചെയ്ത് ജീവിക്കുക..! ഒരുപക്ഷേ,നിങ്ങൾ ഇസ്‌ലാമിക ചിട്ടയോടെ ജീവിക്കുകയാണെങ്കിൾ.. പലരും പലതും പറഞ്ഞേക്കാം! എന്നാലും... ഞാൻ വീണ്ടും വീണ്ടും പറയുന്നു... പറയുന്നവൻ എന്തു പറയട്ടെ... നിങ്ങള് നിങ്ങളുടെ ദീൻ പഠിപ്പിച്ചത് അനുസരിച്ച് ജീവിക്കുക!!! നിങ്ങളുടെ ഖബറിൽ കിടക്കേണ്ടത് നിങ്ങളാണ്... അല്ലാതെ മറ്റൊരാളും നിങ്ങളുടെ ഖബറിൽ കിടക്കാൻ വരികയില്ല!!! നിങ്ങളുടെ സമ്പത്ത്,ഭക്ഷണം,വസ്ത്രം,പാർപ്പിടം മറ്റെല്ലാ കാര്യത്തിലും ഹറാം കലരുന്നില്ല എന്ന് ഉറപ്പു വരുത്തേണ്ടത് നിങ്ങളുടെ കടമയാണ്..! നിങ്ങൾ നിങ്ങളുടെ ജീവിതത്തിൽ ഒരു ഹറാം പോലും കടന്നു വരുന്നില്ല എന്ന് ഉറപ്പിക്കുക..! നിങ്ങളുടെ ഇതുവരെയുള്ള ജീവിതത്തിൽ എന്തെങ്കിലും രീതിയിലുള്ള തെറ്റ് വന്നിട്ടുണ്ടെങ്കിൽ, നിങ്ങൾ അതിനെ ഓർത്ത് നിരാശരാകേണ്ടതില്ല... ഇപ്പോൾ തന്നെ തൗബ ചെയ്ത് മടങ്ങിക്കോളൂ!!! അള്ളാഹുﷻ ഏറെ കാരുണ്യവാനും, കരുണാനിധിയുമാണ്... എത്ര വലിയ തെറ്റാണെങ്കിലും അള്ളാഹുﷻ പൊറുത്തു നൽകും... ഒരു തെറ്റിൽ നിന്നും ഒരിക്കൽ തൗബ ചെയ്തു മടങ്ങിയാൽ പിന്നീട് ഒരിക്കലും ആ തെറ്റിലേക്ക് മടങ്ങി പോകരുത്!!! അള്ളാഹു നമുക്ക് എല്ലാവർക്കും ദീൻ പറയുന്നത് അനുസരിച്ച് ജീവിച്ച് മരിക്കുവാനുള്ള തൗഫീഖ് നൽകട്ടെ! آمين പെരുന്നാളിൻ്റെ പേരിൽ ഹറാം കാട്ടി കൂട്ടി റമദാൻ മാസത്തിൽ ചെയ്ത സുകൃതങ്ങൾ ബാത്തിലാക്കല്ലേ പ്രിയപ്പെട്ടവരേ..! പുതിയ വസ്ത്രങ്ങളും മറ്റും വാങ്ങുവാനും ഉപയോഗിക്കുവാനും പ്രത്യേക ദിവസം നോക്കേണ്ടതുണ്ടോ? എന്നത് പലരുടെയും സംശയമാണ്... അതിനുള്ള ഒരു മറുപടി കൂടി ഇതിൽ ചേർക്കാം!!! പുതിയ വസ്ത്രങ്ങളും മറ്റും ഏതു ദിവസം വാങ്ങലും ധരിക്കലും അനുവദനീയമാണ്. ഹറാമോ കറാഹത്തോ ഇല്ല. അതിനു മതത്തിൽ വിലക്കുമില്ല, എങ്കിലും നല്ല ദിവസങ്ങളും സമയങ്ങളും നോക്കി വസ്ത്രങ്ങളും മറ്റും വാങ്ങുന്നതും ഉപയോഗിക്കുന്നതും നല്ലതാണെന്നും അതു കാരണം പല നന്മകളും വന്ന് ചേരാൻ സാധ്യതയുമുണ്ടെന്നും മഹാൻമാരിൽ ചിലർ പറഞ്ഞു തന്നിട്ടുണ്ട്. . ശനി, ഞായർ, ചൊവ്വ ദിവസങ്ങളിൽ വസ്ത്രം വാങ്ങാതിരിക്കലാണ് നല്ലത് ( റൂഹുൽ ബയാൻ: 4/8) ശനിയാഴ്ച പുതിയ വസ്ത്രം വാങ്ങിയാൽ / ധരിച്ചാൽ ആ വസ്ത്രം ധരിക്കുമ്പോഴെല്ലാം എന്തെങ്കിലും അസുഖം വരാനും ഞായറാഴ്ചയാണെങ്കിൽ ദു:ഖവും ടെൻഷനും വരാനുമിടയുണ്ട്.തിങ്കൾ ആണെങ്കിൽ കൂടുതൽ ബറകത്തും അനുഗ്രഹവും ഉണ്ടാകും.ചൊവ്വാഴ്ചയാണെങ്കിൽ തീ കാരണമോ കളവ് കാരണമോ നഷ്ടപ്പെടാൻ സാധ്യതയുണ്ട്. ബുധനാഴ്ചയാണെങ്കിൽ വിജ്ഞാനത്തിൽ വർദ്ധനവും ആയുസിൽ ബറകതും ഉണ്ടാകും.വ്യാഴാഴ്ചയാണെങ്കിൽ ആവശ്യങ്ങൾ നിറവേറുകയും വീണ്ടും വസ്ത്രങ്ങൾ ലഭിക്കുവാനും വെളളിയാഴ്ചയാണെങ്കിൽ സമ്പത്ത് വളരാനും സാധ്യതയുണ്ട്... (തദ്കിറതുൽ വാഇളീൻ: പേജ് 21 ) (അൽ മവാഹിബുൽ ജലിയ്യ, പേജ്: 500, ഖസാഇസുൽ അയ്യാമി വശ്ശുഹൂർ: പേജ്: 203) എഴുത്ത് ഒരുപാട് നീണ്ടു പോയതിൽ ക്ഷമ ചോദിക്കുന്നു... ഒരുപാട് എഴുതണമെന്ന് ഉദ്ദേശിച്ചതല്ല. എന്നാൽ, എഴുതി തുടങ്ങിയപ്പോൾ ഒരുപാട് ആയിപ്പോയി... എൻ്റെ എഴുത്ത് കാരണം ആർക്കെങ്കിലും ഏതെങ്കിലും തരത്തിലുള്ള ബുദ്ധിമുട്ട് തോന്നിയെങ്കിൽ ക്ഷമ ചോദിക്കുന്നു... ആർക്കെങ്കിലും ഉപകാരപ്രദമെന്ന് തോന്നിയാൽ ജീവിതത്തിൽ പകർത്തും എന്നും കൂടി വിശ്വസിക്കുന്നു... `ചിന്തിക്കുന്നവർക്ക് ദൃഷ്ടാന്തമുണ്ട്` أوصيكم بالدعاع ✍️Ishqinte_Thozhi https://whatsapp.com /channel/0029VaeiJHB3rZZZpqy1zV1n #🕌 റമളാൻ സന്ദേശം #👴 മഹത് വചനങ്ങള്‍ #🤲🏻 റമളാൻ Quotes 📝 #📝 ഞാൻ എഴുതിയ വരികൾ #🤲 റമളാൻ കരീം 🕋