అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Wednesday, April 1 🌷🌷🌷 *''కావున మీరు వారి మధ్య నుండి బయలు వెడలి ప్రత్యేకముగా ఉండుడి'' (2 కొరింథీ 6:17).* యెహోషువ దినములలో దేవుని ప్రజలు యెబూసీయులను యెరూషలేము నుండి వెళ్లగొట్టుటలో తప్పిపోయిరి. ప్రభువు తన ప్రజలకు కనాను దేశమంతటిని స్వాస్థ్యముగా ఇచ్చినప్పుడు, అచ్చట నున్న ఏడు జాతులవారు అసహ్యకరమైన అన్య ఆచారములను కలిగి యుండుటచే, వారినచ్చట నుండి వెళ్లగొట్టవలసినదిగా దేవుడు ఆజ్ఞాపించెను. కాని ఇశ్రాయేలీయులు యెబూసీయులను పట్టణములోని బలమైన స్థానములో నుండనిచ్చిరి. కొన్ని సంవత్సరముల తరువాత దావీదు యెరూషలేములో రాజైనప్పుడు, వారు దావీదును అపహసించుట కారంభించి, తమయందు తమకు దృఢ నమ్మకమును కలిగియుండిరి. రాజైన దావీదును, అతని పక్షపు వారును వారిపైకి వెళ్లినప్పుడు వారు ''ఇచ్చటి గ్రుడ్డివారిని, కుంటి వారిని నీవు తోలివేసిననే గాని నీవు ఇచ్చటకి రాలేవని'' తమను అతడు జయింపలేడను ఉద్దేశముతో అనిరి. కాని యెబూసీయులను అచ్చట నుండి వెళ్లగొట్టుటయే దేవుని ఉద్దేశము గనుక ఆయన దావీనకు, అతని వారికి విజయము కలుగజేసెను (2 సమూయేలు 5:1-10). ఇశ్రాయేలీయుల అన్ని గోత్రముల మీద నిజముగా సీయోనులో దావీదు రాజుగా అయినప్పుడే దేవుడు యెబూసీయులు ఇచ్చట ఉండరాదని అతనికి చూపించెను. ప్రభువు యొక్క గృహనిర్మాణములో నీవు పాలిభాగము పొందవలెననిన, పరలోకపురాజుగా యేసుక్రీస్తు ప్రభువునకు నీవు సంపూర్ణముగా లోబడవలెను. యేసుక్రీస్తు ప్రభువును మన హృదయములలో, మన కుటుంబములో, మన సంఘములో రాజుగా ప్రతిష్ఠించిన యెడల, దేవుడు తన సంఘము యెడల కలిగియున్న ప్రణాళికను నీవు చూచుటకు ఆరంభించుదువు. ఈ దినములలో రక్షణలేని వారికి దేవుని యింటిలో స్థలము గాని, భాగము గాని లేనట్లు యెబూసీయులకు దేవుని ఇంటిలో ఏ విధమైన పాలుపంపులు లేవు. ఈ దినములలో దేవుని పనిలో అనేకులు యెబూసీయులవలె కనబడుచున్నారు. రక్షింపబడనప్పటికిని, వారి ధనము, స్థానము, లోకసంబంధమైన అర్హతలను బట్టి కొందరు పదవులు చేపట్టి, కార్య నిర్వాహక సభ సభ్యులుగా, తమ పలుకుబడి చేతనే ఎన్నికచేయబడుచున్నారు. మిగిలిన వారు రక్షణ లేకుండగానే పాదిర్లుగా, డీకన్లుగా చేయబడుచున్నారు. అట్టి వారికి దేవుని ఇంటిలో గాని, దేవుని పనిలో గాని ఎట్టి పాలుపంపులు ఉండవు. వారు నిజమైన పాస్టర్లు, కాపరులుగా దేవుని మందను నడిపంచలేరు, శ్రద్ధ వహించలేరు, యెబూసీయులవలె వారిని ప్రక్కన బెట్టవలెను. కొద్దిమంది యెబూసీయులున్ననను దేవుని పని వెనుకబడును, ఆటంకపరచబడును. దావీదు యెరూషలేముకు వచ్చినప్పుడు చాలామందిని తరిమివేసెను గాని, కొందరిని వదిలివేసెను. బహుశా వారు మాకు మంచి చేసిరి. వారు మంచివారు, వారిని కష్టపెట్టుట ఎందుకని వదిలియుండవచ్చును. కాని అందరిని తరిమివేయు వరకు దేవుడు దావీదును శిక్షించెను. Download Daily Devotions by Brother Bakht Singh Mobile App, using link: https://rb.gy/iv32b1 #😇My Status #📀యేసయ్య కీర్తనలు🎙 Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com