🙏 ఓం శ్రీ గురుభ్యోనమః 🙏 🌹పంచాంగం🌹 శ్రీరస్తు - శుభమస్తు - అవిఘ్నమస్తు, తేదీ ... 20 - 02 - 2026, వారం ... భృగువాసరే ( శుక్రవారం ) శ్రీ విశ్వావసు నామ సంవత్సరం, ఉత్తరాయనం, శిశిర ఋతువు, ఫాల్గుణ మాసం, శుక్ల పక్షం, *_నేటి మాట_* *భక్తి అంటే!!...* "భక్తి అనేది ఒక బాహ్యచిహ్నము కాదు, కేవలము గుడికి పోయినప్పుడు, పూజ చేసినప్పుడు, వ్రతములు ఆచరించే సమయంలో భక్తి అనే భావమును పెట్టుకొని తరువాత లౌకికములో మునిగితే తప్పు... పోలీసువాళ్ళు డ్యూటీ చేసేటప్పుడు మాత్రము వేసుకొని, ఇంటికి తిరిగి వచ్చిన తరువాత తీసే యూనిఫామ్ వంటిది కాదు భక్తి. ఒక గురువారమో, సోమవారమో, శనివారమో, ఆనాడు మాత్రమే గుడికి వెళ్ళడం కాదు, భజన సమయంలో మాత్రమే కాదు, సర్వకాల సర్వావస్థలలో భగవన్నామముపై అచంచలమైన శ్రద్ధ, భగవద్ రూపమున ధ్యానము ఉండాలి, భగవంతునిపై నిరంతరము నిశ్చలమైన, నిర్మలమైన, నిస్వార్థమైన ప్రేమ ఉండాలి. అన్ని కర్మలనూ భగవత్రీత్యర్థంగా చేయాలి. ఆ సచ్చిదానందస్వరూపుణ్ణి ధ్యానిస్తూ ఉంటే మీరందరూ సచ్చిదానందస్వరూపులుగా మారవచ్చును. 'సత్' అంటే ఎప్పుడూ ఉండేది, 'చిత్' అంటే అన్నీ తెలిసినది, 'ఆనందం' అంటే అందరినీ ప్రేమించి అందరి ప్రేమను పొందేది. నామజపము, రూపధ్యానము ఈ రెండూ ఉచ్ఛ్వాస నిశ్వాసములవలె అఖండముగా చేస్తూ ఉంటే, మీకు దొరికే ఆనందము వర్ణనాతీతము. "అది దొరికినప్పుడే మానవ జన్మము సార్థకమయ్యేది." *_🌹శుభమస్తు🌹_* 🙏 సమస్త లోకా సుఖినోభవంతు 🙏 రాజేష్ #📅పంచాంగం & ముహూర్తం 2023