!!! बाप हा बाप असतो!!! कवी - उमेश शां. श. ओवाळ बाप लेकांचे विचार, जुळत नाहीत बहुतांशी घरात! मग,चार माणसात निघते उगीच बदनामीची वरात! बापाला वाटत असतं हो, मुलाचा चुकू नये रस्ता! वाट्याला येऊ नये त्याच्या, दुःख, संकटे व खस्ता! पण मुलांचे गैरसमज, हळूहळू लागतात वाढीला! तिथेच ब्रेक लागतो, नात्यातील प्रेमाच्या गाडीला! पण मित्रांनो, खरंच बाप हा बाप असतो! दरबारात त्याच्या, प्रत्येक गुन्हा माफ असतो! व्यर्थ अहंकार आपला, ठेवा जरा बाजूला सारून! कधीतरी बघा, आपल्या बापालाही मिठी मारून! बाप लेकराच्या नात्यात, येईल चमत्कार घडून! प्रेम व्यक्त करेल आपला बाप, अक्षरशः रडून! कठोर वाटणारा बापही, हळवा होईल क्षणात! फुटेल बांध भावनांचा, दाटून येईल हो मनात! जग जिंकल्यासारखं वाटेल अगदी, त्या बापाला! प्रेम ठेचेल त्यावेळी, मतभेदांच्या विषारी सापाला! बापाचे कष्ट त्याग व माया, ठेवायलाच हवी ध्यानात! कठोर शब्दांची शस्त्रे, त्याच्यासमोर ठेवावी म्यानात! सुकून जातात, झाडापासून विभक्त होणारी फुले! लक्षात ठेवा, बाप गेल्यावर अनाथ होतात हो मुले! #🙏प्रेरणादायक / सुविचार