🙏 ఓం శ్రీ గురుభ్యోనమః 🙏 🔅పంచాంగం🔅 శ్రీరస్తు - శుభమస్తు - అవిఘ్నమస్తు, తేదీ ... 01 - 03 - 2026, వారం ... భానువాసరే ( ఆదివారం ) శ్రీ విశ్వావసు నామ సంవత్సరం, ఉత్తరాయనం, శిశిర ఋతువు, ఫాల్గుణ మాసం, శుక్ల పక్షం, *_నేటి మాట_* *మానవుడు - మాధవుడు* మానవుని మనస్సు ఇరవై నాలుగు గంటల లోపల ఊసరవెల్లి మాదిరి ఎన్నో రకాలుగా మార్పు చెందుతోంది... ప్రొద్దున చూస్తే యోగము, మధ్యాహ్నము చూస్తే భోగము, రాత్రి చూస్తే రోగము! బయట చూస్తే ఆనందము, లోపల గమనిస్తే విషయ వాసన! యోగమంటే చిత్తవృత్తి నిరోధము! అన్ని వృత్తులనూ పరమాత్మునికే అర్పణ చేయాలి. ఇంట్లో పోగొట్టుకున్న సూది కోసం, ఇంట్లో చీకటిగా ఉందని, వీధిదీపం క్రింద వెదకటం వెఱ్ఱితనమే కదా! ఎక్కడ పోగొట్టుకున్నారో అక్కడ వెతికినప్పుడే పోయిన వస్తువు దొరుకుతుంది. అట్లనే, అంతర్ముఖంలో అజ్ఞానంతో పోగొట్టుకున్న మనశ్శాంతిని అక్కడే వెతికి సంపాదించాలి. బహిర్ముఖంలో వెతికితే అది ఏనాటికీ లభ్యం కాదు. మట్టిలో మాణిక్యమున్నట్లు మానవునిలోనే పరమాత్మజ్యోతి ఉంది. దానిని అజ్ఞానంతో మూసిపెట్టి, అక్కడ చీకటిగా ఉందనుకోవడం పొరపాటు... అజ్ఞానాన్ని నిర్మూలించుకుంటే మానవుడే మాధవుడవుతాడు... *_🔅శుభమస్తు🔅_* 🙏సమస్త లోకా సుఖినోభవంతు 🙏 రాజేష్ #📅పంచాంగం & ముహూర్తం 2023