ക്രമസമാധാനം ഉറപ്പാക്കുന്നതിൽ കേരള പൊലീസിന്റെ കരുത്തുറ്റ കാവൽ എന്നും മലയാളികൾകൊപ്പമുണ്ട്. കുറ്റാന്വേഷണത്തിലെ മികവും സാങ്കേതികവിദ്യയുടെ ഫലപ്രദമായ ഉപയോഗവുമാണ് കേരള പൊലീസിനെ രാജ്യത്തെ ഏറ്റവും മികച്ച പൊലീസ് സേനയായി നിലനിർത്തുന്നത്. സ്ത്രീകൾക്കും കുട്ടികൾക്കും ഭിന്നശേഷിക്കാർക്കും സൗഹൃദപരമായ പോലീസ് സ്റ്റേഷനുകൾ ഒരുക്കി, ജനസൗഹൃദമായ പൊലീസ് സംവിധാനമാണ് സംസ്ഥാനത്ത് നടപ്പാക്കുന്നത്. സൈബർ കുറ്റകൃത്യങ്ങൾ ഫലപ്രദമായി തടഞ്ഞതിനായി കേന്ദ്ര സർക്കാരിന്റെ പുരസ്‌കാരം നേടിയ കേരള പോലീസ്, സൈബർ തട്ടിപ്പുകളിലൂടെ നഷ്ടമായ 66.88 കോടി രൂപ വിജയകരമായി തിരികെപ്പിടിച്ചു. ലഹരിവിരുദ്ധ പ്രവർത്തനങ്ങൾ ശക്തമാക്കാൻ ‘ഡി-ഹണ്ട്’ ക്യാംപെയ്ൻ നടപ്പാക്കിയതോടൊപ്പം, കുട്ടികളിൽ വർധിച്ചു വരുന്ന ഡിജിറ്റൽ ആസക്തിക്കെതിരെ ‘ഡി-ഡാഡ്’ പോലുള്ള ബോധവത്കരണ പദ്ധതികളും നടപ്പാക്കി, സുരക്ഷയെ വെറും നിയമസംരക്ഷണമായി മാത്രമല്ല സാമൂഹിക ഉത്തരവാദിത്വമായി ഉയർത്തിക്കാട്ടുകയാണ് കേരള പൊലീസ്. #keralagovernment #🆕 ലേറ്റസ്റ്റ് അപ്ഡേറ്റ്