#💘ప్రేమ కవితలు 💟 *వింత పోకడ* కుడిచేయి ఎడమచేతిని చూసి ఎగతాళి చేసిందట.. అధమ పనులకు తప్ప ఉపయోగం ఏముందంటూ.. నవ్వేసి బిగుసుకు పోయింది నాలుగు రోజుల పాటు.. తప్పలేదు తిప్పలు కుడిచేతికి బోధపడింది తత్వం.. ఎడమ చేతి గొప్ప అర్థమై గౌరవించడం మొదలెట్టింది.. సృష్టిలో అణువంత మనిషికి కొండంత అహంభావం.. తూరుపు రంగంపై ఉదయించే సూరీడుకి లేదు పక్షపాతం.. కాలితో గుండెలపై తొక్కుతున్నా నవ్వుతూ భరించిన నేలతల్లి.. సిరులతో పట్టెడన్నం పెట్టిందే కానీ ద్వేషించలేదు ఎవ్వరినీ.. జీవజలంతో ప్రాణాలను నిలిపి పాపాలను ప్రక్షాళన చేసింది కానీ పతితులుగ ఎంచదెవ్వరినీ.. మానసరాగం పాడుతూ చెట్టు పుట్ట ధనిక పేదలను తాకినా.. మైలంటూ ఏ మనిషిని దూరం పెట్టలేదు వాయుదేవుడు.. ఆకాశం నుండి దిగొచ్చిన వర్షానికి లేదు వర్ణ వివక్ష.. సృష్టిలో అణువంత మనిషి బుర్రలో అధిక తెలివి గల వింతజీవిననే అహంకారంతో వచ్చిందీ అంటురోగం.. నన్నంటుకోకు నా మాలకాకనే పాడు బుద్ధితో.. గతితప్పిన మానవత్వం గంటకో మానభంగం అరగంటకో అరాచకం.. మహిళని మనిషిగా చూడలేని కళ్ళున్న కామాంధుల పొగరు.. కదిలే బస్సు కామాసురులకు బసగా మారితే నిర్భయలకు రక్షణేది.. జగమంత కుటుంబం నాదనే విశ్వజనీన తలపు.. ప్రతి మదిలో మెదిలే క్షణం కోసం.. వేయి కళ్ళతో ఎదురు చూస్తున్నా చకోరంలా ఆశగా..! *గోవర్ధన్ ఆముదాలపల్లి* #🔊తెలుగు చాట్‌రూమ్😍 #షేర్ చాట్ బజార్👍 #♌నేటి రాశిఫలాలు #🙆 Feel Good Status