വികസന മുന്നേറ്റ ജാഥയുടെ തെക്കൻ മേഖല അധ്യായം ഇന്ന് തിരുവനന്തപുരത്ത് സമാപിക്കുകയാണ്. സമാനതകളില്ലാത്ത ജനാരവമാണ് പിന്നിട്ട വഴികളിലെല്ലാം ജാഥയെ സ്വീകരിച്ചത്. കഴിഞ്ഞ ഒരു പതിറ്റാണ്ട് ഇടതുപക്ഷ സർക്കാർ ജനങ്ങൾക്ക് നടപ്പിലാക്കിയ വികസന പ്രവർത്തനങ്ങളുടെയും കരുതലിന്റെയും നേർസാക്ഷ്യങ്ങളായാണ് ഓരോരുത്തരും ജാഥ കടന്നു വരുന്ന വഴികളിൽ അഭിവാദ്യമർപ്പിക്കാൻ എത്തിയത്. ഓരോ മനുഷ്യരുടെയും കണ്ണുകളിലെ തെളിച്ചം പകരുന്ന ആത്മവിശ്വാസം ചെറുതല്ല. പുരോഗതിയുടെ പടവുകളിൽ നിൽക്കുന്ന കേരളത്തെ ഇനിയും ഉയരത്തിൽ എത്തിക്കാൻ ജാഥ പിന്നിടുന്ന വഴികളിലെല്ലാം കാത്തുനിന്ന സഖാക്കളുടെ, സാധാരണക്കാരുടെ ആത്മസമർപ്പണം മാത്രം മതി. ഇതൊരു ദിശാസൂചിയാണ്. പതിറ്റാണ്ട് മുമ്പ് കേരളത്തെ ഇരുളാണ്ട കാലത്തിലേക്ക് നയിച്ച വലതുപക്ഷം ടീം യുഡിഎഫ് എന്ന പേരിൽ വേഷ പ്രച്ഛന്നരായി കടന്നുവരുമ്പോൾ അവർക്കെതിരെ കാണിക്കേണ്ട രാഷ്ട്രീയ ജാഗ്രത കേരളം പഠിച്ചിട്ടുണ്ട്. അതുറപ്പായും പ്രാവർത്തികമാക്കും. ജാഥ അവസാനിക്കും, ജനങ്ങളോടുള്ള ആത്മസമർപ്പണം തുടരുക തന്നെയാണ്. കാരണം ഇടതുപക്ഷം അതിസാധാരണക്കാരിൽ നിന്നും ഉയിർത്തു വന്ന പ്രസ്ഥാനമാണ്. ജനങ്ങളാണ് അതിന്റെ മൂലധനം. അത് സാക്ഷ്യപ്പെടുത്തുന്ന വൻ ജനാവലിയാണ് പിന്നിട്ട വഴികളിലെല്ലാം നമ്മെ കാത്തു നിന്നത്. ഇതൊരു തുടർച്ചയാണ്. ജനപക്ഷത്തു നിന്ന് ഇനിയും നമ്മൾ പൊരുതും. എല്ലാ ജീവിതങ്ങളും പുഞ്ചിരിക്കും വരെ നമ്മൾ പോരാട്ടം തുടരും. പിന്നിട്ട വഴികളിൽ കണ്ടുമുട്ടിയവരെല്ലാം ഒരേ സ്വരത്തിൽ, ഈ ആവേശത്തിൽ, ഉറക്കെ വിളിച്ചുപറയുന്നു. നന്ദി. വീണ്ടും കാണാം #🆕 ലേറ്റസ്റ്റ് അപ്ഡേറ്റ്