#🕋 ഇസ്ലാമിക് സ്റ്റാറ്റസ് #🕌 ഇസ്ലാമിക് ഭക്തി #🛐 മുത്ത്നബി #☪️ ദീനിയായ ഇസ്ലാം #നിൻ്റെ പൊരുത്തത്തിലായി ജീവിക്കാൻ നീ ഞങ്ങൾക്ക് ഭാഗ്യം നൽകണേ റബ്ബേ സമ്പന്നനായ* *മുത്ത് നബി ﷺ* 🩷🧡💛 ❤️ തുല്യതയില്ലാത്ത സ്നേഹവും കാരുണ്യവുമാണ് മുത്ത്നബിﷺ എല്ലാ വിഭാഗം ജനങ്ങളോടും കാണിച്ചിരുന്നത്. മൃഗങ്ങളോടും സസ്യങ്ങളോടു പോലും അവിടുന്ന് കാരുണ്യം കാണിച്ചിരുന്നു. ❤️ ഖുർആൻ പറയുന്നു: നബിയേ, ലോകത്തിന് അനുഗ്രഹമായിട്ടല്ലാതെ അങ്ങയെ നാം അയച്ചിട്ടില്ല. ❤️ വിശ്വാസികൾ നേർമാർഗ്ഗത്തിൽ സഞ്ചരിക്കണമെന്നും മുന്നേറണമെന്നും തിരുനബി ﷺ ആഗ്രഹിച്ചു. അതിനുവേണ്ടി എത്രയോ പ്രയാസങ്ങളും ദുരിതങ്ങളും സഹിച്ചു. ജനങ്ങൾ കഠിനമായി ദ്രോഹിച്ചപ്പോഴും അവരെ ശപിക്കുകയോ അവരോട് കോപിക്കുകയോ ചെയ്തില്ല. മറിച്ച് അവരുടെ നന്മക്ക് വേണ്ടി പ്രാർത്ഥിക്കുകയാണ് ചെയ്തത്. ❤️ ഉഹ്ദ് യുദ്ധവേളയിൽ തിരുനബിﷺയെ ശത്രുക്കൾ കല്ലെറിഞ്ഞു. അവിടുത്തെ പവിത്രമായ മുൻപല്ല് ഇളകിപ്പോയി. മുഖത്തു നിന്ന് രക്തം വാർന്നു. അനന്തരം തിരുനബി ﷺ പാർത്ഥിച്ചു. അളളാഹുവേ... എന്റെ സമുദായത്തിന് നീ പൊറുത്ത് കൊടുക്കേണമേ.. അവർ അറിവില്ലാത്തവരാകുന്നു. ❤️ തിരുനബി ﷺ നിസ്‌കാരം നിർവ്വഹിക്കുമ്പോൾ കുഞ്ഞുങ്ങളുടെ കരച്ചിൽ കേട്ടാൽ അവരുടെ മാതാക്കൾക്ക് വിഷമം ഉണ്ടാകുമെന്ന് കരുതി നിസ്കാരം ചുരുക്കി നിർവ്വഹിക്കുമായിരുന്നു. ❤️ മുത്ത് നബി ﷺ കുട്ടികളെ അതിരറ്റ് സ്നേഹിച്ചു. അവിടുന്ന് പറഞ്ഞു : അള്ളാഹുവിൻ്റെ പൂന്തോപ്പിലെ സുന്ദര പുഷ്‌പങ്ങളാണ് കഞ്ഞുങ്ങൾ. അവരുടെ തലയിൽ അവിടുത്തെ തൃക്കരങ്ങൾ വെച്ച് നന്മക്കുവേണ്ടി അള്ളാഹുവോട് പ്രാർത്ഥിക്കാറുണ്ടായിരുന്നു. ❤️ തിരുനബി ﷺ വാഹനത്തിൽ കയറി യാത്ര ചെയ്യുമ്പോൾ വഴിയിൽ കുഞ്ഞുങ്ങളെ കണ്ടാൽ അവരെ എടുത്ത് നിമിഷങ്ങളോളം കൂടെ വെക്കും. ചിലപ്പോൾ തിരുനബി ﷺ കുഞ്ഞുങ്ങളുടെ കൂടെ കളിക്കുകയും ചെയ്യാറുണ്ടായിരുന്നു. ❤️ ഒരിക്കൽ ഉമ്മുഖൈസ് എന്ന യുവതി തൻ്റെ കുഞ്ഞുമായി തിരുനബി ﷺ യുടെ അടുക്കൽ വന്നു. സ്നേഹവാത്സല്യത്തോടെ കുഞ്ഞിനെ വാരിയെടുത്ത് മടിയിൽ ഇരുത്തി. കുഞ്ഞ് ഉടനെ മൂത്രമൊഴിച്ചു. കോപിക്കുകയോ വിഷമിക്കുകയോ ചെയ്‌തില്ല. തിരുനബി ﷺ പിന്നീട് തൻ്റെ വസ്ത്രം വെള്ളംകൊണ്ട് കഴുകി. ❤️ നബി ﷺ പൂച്ചക്ക് വെള്ളം കുടിക്കാൻ വേണ്ടി വെള്ളപ്പാത്രം നീട്ടും. അതിന്റെ ദാഹം തീരാതെ ഉയർത്തുകയില്ല.