#🌼रथसप्तमी🙏 #🌸रविवार भक्ती स्पेशल🌟 #✨रविवार स्पेशल✨ #😊ओरिजिनल शुभेच्छा #🎭Whatsapp status " रथसप्तमी व सूर्योपासनेचे रहस्य " २५ जानेवारी २०२६ -------------- 🚩🌞 🚩 --------------- १) ह्याच दिवशी 'कश्यप ऋषी' व 'आदिती माता' यांना सूर्यदेव; पुत्ररूपात प्राप्त झाले. माघ शुक्ल सप्तमीला सूर्य, त्याचा रथाचा सारथी अरुण (कश्यप व विनता यांचा पुत्र) यांची पूजा व ७ ही घोड्यांच्या रथासह करण्याची प्रथा आहे. २) काही ठिकाणी सूर्याच्या दोन पत्नी त्याच्यासह दाखवतात. त्या अनुक्रमे मुख्य पत्नी "संध्या" व दुसरी "छाया" आहेत. संध्येपासून सूर्यास यम, यमी (यमुना नदी), दोन अश्विनीकुमार (नकुल सहदेव यांचे मूळ रूप), तर छायेपासून शनिदेव, तप्ती (तापी नदी), भद्रा , सावर्णी मनू अशी अपत्ये झाली. रामायणातील सुग्रीव व महाभारतातील कर्ण हे दोघेही सूर्याचेच पुत्र होत. ३) सूर्याच्या रथाला असलेली "१२ चक्र १२ राशींचे प्रतीक आहेत". प्रत्येक दिवशी सूर्य १ अंश पुढे जातो, अश्या तऱ्हेने ३० दिवसांत ३० अंश पूर्ण करतो. म्हणूनच, १ महिन्यात ३० दिवस असतात. अश्या १२ राशी गुणिले ३० अंश ; म्हणजे अंदाजे ३६० दिवसांचे एक सौरवर्ष असते. सूर्य प्रत्येक महिन्याच्या १४ / १५ तारखेला रास बदलतो म्हणजे संक्रमण करतो. ४) कंबोज (सध्याच्या अफगाण - ताजिकिस्तान) राज्यात यशोवर्मा नामक संतानहीन राजा" होता, संतानप्राप्ती हेतु त्याने भगवंताची आराधना करून एक पुत्र प्राप्त करून घेतला. परंतु तो पुत्र कायम आजारी राहत असे. राजाने एका तपस्वींना पुत्राच्या दीर्घायुष्यासाठी उपाय विचारला. तपस्वींच्या सांगण्यानुसार राजा आणि राजपुत्र यांनी माघ शुक्लपक्ष सप्तमी (रथसप्तमी) चा उपास करून पूजा केली आणि अश्या प्रकारे तो राजपुत्र दीर्घायुषी व निरोगी झाला. ५) ज्योतिषशास्त्र: ग्रहतारे यांचा पृथ्वीवर होणारा परिणाम अभ्यासण्यासाठी आपण असे मानतो, की सूर्य १२ राशींतून फिरतो, वस्तुतः पृथ्वी स्वतःच्या अक्षाभोवती फिरत सूर्याची अंडगोलाकार परिक्रमा करते. हा शोध प्राचीनकाळी कणाद महर्षी व आर्यभट्टाने सर्वप्रथम लावला. १० आसनांचा १ सूर्य नमस्कार, अश्या १२ सूर्यनमस्कारांचा नित्य अभ्यास करण्याने शरीराचे भरण - पोषण होते. ६) प्राचीन ग्रीक, सुमेर व इजिप्शियन (मिश्रदेश) येथील संस्कृतींमध्ये सूर्य उपासना प्रचलित होती. "सूर्याची अनेक मंदिरे पूर्ण भारतवर्षात आहेत", ज्यात प्रामुख्याने --- कोणार्क सूर्य मंदिर ओडिसा --- मार्तंड भैरव सूर्य मंदिर अनंतनाग, काश्मीर --- मुलतान (मूलस्थान) सूर्य मंदिर, पाकिस्तान; तसेच, आंध्रप्रदेश व तामिळनाडू स्थित नवग्रह मंदिरे आहेत. ७) ऋग्वेदात सूर्याचा उल्लेख मित्र, सविता, आदित्य इत्यादि नावांनी वारंवार येतो. ३३ करोड (३३ प्रकार) देवांमध्ये १२ आदित्य आहेत. महाराष्ट्रीयन / मराठी-पद्धती अनुसार; मकरसंक्रांती ते रथसप्तमी ह्या काळात तीळगुळ देतात व आजचे दिवशी म्हणजे रथसप्तमीला तिळगुळ वाटप' / 'हळदी कुंकू' करण्याचा शेवटचा दिवस असतो. ८) रथसप्तमीनंतर सूर्याचे उत्तरायण पूर्णगतीने आरंभ होते, ह्याच्या चार दिवसांनी येणाऱ्या एकादशीस भीष्म पितामहानी प्राणत्याग केला होता, म्हणून पुढच्या दिवसास "भीष्म द्वादशी" म्हणतात. महाभारतातील कर्ण व रामायणातील सुग्रीव हे सुध्दा सूर्यपुत्र होत. ९) आजच्याच दिवशी महादेवाचे अंशाने "नर्मदा" प्रकट झाली आणि मध्यप्रदेशातील अमरकंटक येथून नदीरूपात वाहू लागली. म्हणून आजच्या दिवसाला "नर्मदा जयंती" सुध्दा म्हणतात. १०) सूर्याचा समावेश पंचायतनामध्ये होतो, गणपती, शिव, देवी, विष्णू व सूर्य; ह्या पंचायतन मधील देवता असतात. यातील सूर्यासह प्रत्येक देवतेचे स्वतंत्र असे अथर्वशीर्ष आहे. परंतु केवळ देवी अथर्वशीर्ष पाठ केल्याने पाचही अथर्वशीर्ष पाठ केल्याचे फळ मिळते. ११) सत्राजीत (सत्यभामेचा पिता) व श्रीकृष्णाने सुद्धा सूर्यपूजा केली होती. यावर प्रसन्न होऊन सत्राजितास सूर्यदेवाने स्यमंतक मणी भेट दिला होता, जो रोज काही मण सोने देत असे. मल्हारी चरित्रात आलेल्या वर्णन अनुसार म्हाळसा देवी आणि नंतर बाणाई या दोघींना सूर्यदेव सदेह दर्शन देत असत. १२) आजच्या तिथीस ; --- सूर्याष्टक स्तोत्र --- सूर्य मण्डल स्तोत्र --- आदित्यहृदय --- गायत्री मंत्र --- सूर्य मंत्र यांचे पठण / श्रवण विशेष फलदायी आहे. १३) श्रीपाद श्रीवल्लभ चरित्र अध्याय १३ मध्ये स्वतः दत्तात्रेय श्रीपाद प्रभू गायत्री मंत्र सर्वाक्षर महिमा सांगतात. पंचमुखी स्वरूप गायत्री देवी ही सूर्याची आदिदेवता/ मूळ स्वरूप आहे. 🚩 "ॐ ह्रीं घृणिः सूर्य आदित्य ॐ" 🚩