_*🌶️ ഇന്നത്തെ പാചകം 🍳*_ _*നാടന്‍ മീന്‍കറി*_ _( തേങ്ങ ചേര്‍ക്കാതെ )_ +------+------+------+--------+ _മീന്‍കറി പല തരത്തിലുമുണ്ടാക്കാം. തേങ്ങയരച്ചു ചേര്‍ത്തും കുടംപുളി ചേര്‍ത്തുമെല്ലാം._ _തേങ്ങ ചേര്‍ക്കാന്‍ താല്‍പര്യമില്ലാത്തവര്‍ക്ക് എളുപ്പം ഉണ്ടാക്കാന്‍ സഹായിക്കുന്ന ഒരു മീന്‍കറിയാണ് താഴെ പറയുന്നത്. ഇത് പരീക്ഷിച്ചു നോക്കൂ._ _മാംസം കൂടുതലുള്ള മീനോ അയിലയോ ഉപയോഗിച്ച് ഉണ്ടാക്കിയാല്‍ കൂടുതല്‍ നന്നായിരിക്കും._ _______________________ _*ചേരുവകൾ*_ _______________________ _മീന്‍-1 കിലോ_ _തക്കാളി - 1 എണ്ണം_ _ചുവന്നുള്ളി -15 എണ്ണം_ _വെളുത്തുള്ളി -10 എണ്ണം_ _ഇഞ്ചി - ഒരു കഷ്ണം_ _മുളകുപൊടി - 2 ടീസ്പൂണ്‍_ _പച്ചമുളക് - 3 എണ്ണം_ _മഞ്ഞള്‍പ്പൊടി -1 ടീസ്പൂണ്‍_ _ഉലുവ - അര ടീസ്പൂണ്‍_ _കുടംപുളി - 4 എണ്ണം_ _കടുക് -1 ടീസ്പൂണ്‍_ _കറിവേപ്പില , ഉപ്പ് , വെളിച്ചെണ്ണ - ഇവ ആവശ്യത്തിന്‌_ ________________________ _*തയ്യാറാക്കുന്ന വിധം*_ ________________________ _മീന്‍ കഴുകി വൃത്തിയാക്കി ചെറിയ കഷ്ണങ്ങളാക്കി വയ്ക്കുക. ഇതില്‍ മഞ്ഞള്‍പ്പൊടി, ഉപ്പ് എന്നിവ പുരട്ടി വയ്ക്കണം._ _കുടംപുളി വെള്ളത്തിലിട്ടു കുതിരാന്‍ വയ്ക്കുക._ _ചെറിയുള്ളി, വെളുത്തുള്ളി, ഇഞ്ചി എന്നിവ നീളത്തില്‍ കനം കുറച്ച് അരിയുക._ _ഒരു പാനില്‍ എണ്ണ തിളപ്പിച്ച് കടുകും ഉലുവയും പൊട്ടിയ്ക്കുക. ഇതിലേയ്ക്ക് അരിഞ്ഞു വച്ച രണ്ടു തരം ഉള്ളികളും ഇഞ്ചിയും ചേര്‍ക്കണം._ _ഇത് നല്ലപോലെ മൂത്തു കഴിയുമ്പോള്‍ തക്കാളി അരിഞ്ഞു ചേര്‍ത്ത് നല്ലപോലെ വഴറ്റുക. ഇതിലേയ്ക്ക് മുളകുപൊടി, പച്ചമുളക് എന്നിവ ചേര്‍ത്തിളക്കണം. ഇവ നല്ലപോലെ വഴന്നു കഴിയുമ്പോള്‍ കുടംപുളി പിഴിഞ്ഞൊഴിയ്ക്കുക._ _ഇത് തിളക്കുമ്പോള്‍ മീന്‍ കഷ്ണങ്ങള്‍ ഇതിലേയ്ക്കിട്ട് ഇളക്കുക. ഇത് കുറഞ്ഞ ചൂടില്‍ വേവിച്ചെടുക്കുക._ _മീന്‍വെന്തു ചാറു കുറുകുമ്പോള്‍ കറിവേപ്പില, വെളിച്ചെണ്ണ എന്നിവയൊഴിച്ചു വാങ്ങുക._ _ചോറിനു കൂട്ടാന്‍ നല്ലൊന്നാന്തരം മീന്‍കറി തയ്യാര്‍_ +------+------+-----+-------+ #🍲 ഭക്ഷണപ്രേമി