ஜனநாயகன் எப்போது ரிலீஸ்? இப்படியான சூழலில் சுமார் 500 கோடி ரூபாய் செலவில் தயாரிக்கப்பட்டுள்ள ஜனநாயகன் படத்தின் ரிலீஸில் சிக்கல் தொடருமா? அல்லது முடிவுக்கு வருமா? என்ற கேள்வி எழுகிறது. இதுதொடர்பான மேல்முறையீட்டு வழக்கில் தயாரிப்பு நிறுவனம், சென்சார் போர்டு என இருதரப்பு வாதங்கள், பிரதி வாதங்கள் முடிவடைந்து விட்டன. இன்று தீர்ப்பிற்காக காத்திருக்கிறது. இந்நிலையில் மணீந்திர மோகன் ஸ்ரீவஸ்தவா, ஜி.அருள் முருகன் ஆகியோர் அடங்கிய நீதிபதிகள் அமர்வு எந்த மாதிரியான தீர்ப்பை வழங்குவர் என்று விவாதம் எழுந்திருக்கிறது. தணிக்கை வாரியத்திற்கு நீதிமன்றம் உத்தரவு ஒருவேளை இரண்டு நீதிபதிகளும் மாறுபட்ட தீர்ப்பை வழங்கினால் என்ன நடக்கும்? ஒரு நீதிபதி ஏற்கனவே பிறப்பிக்கப்பட்ட தீர்ப்பு செல்லும். உடனடியாக சென்சார் வழங்க தணிக்கை வாரியம் நடவடிக்கை எடுக்க உத்தரவிடலாம். மற்றொரு நீதிபதி தனி நீதிபதியின் உத்தரவிற்கு தடை விதித்து உத்தரவு பிறப்பிக்கலாம். இவ்வாறு நடந்தால் ஜனநாயகன் ரிலீஸ் பிரச்சினை மேலும் இழுபறியாகும். இதையடுத்து மூன்று நீதிபதிகள் கொண்ட அமர்விற்கு வழக்கு மாற்றப்படும். ஜனநாயகன் வழக்கில் தீர்ப்பு எப்படி இருக்கும்? இந்த அமர்வை பொறுத்தவரை மூவரில் இருவர் ஒரே தீர்ப்பு வழங்கப்படும் பட்சத்தில் அதனை அமல்படுத்த நடவடிக்கை எடுப்பர். இதற்கிடையில் ஜனநாயகன் வழக்கில் மாறுபட்ட தீர்ப்பிற்கு வாய்ப்புகள் இல்லை என்று சட்ட வல்லுநர்கள் கூறுகின்றனர். எனவே இருவரும் ஒரே தீர்ப்பை வழங்க அதிக வாய்ப்புகள் இருக்கின்றன. அந்த வகையில் சென்சார் வழங்க உத்தரவு பிறப்பிக்கப்படுமா? தணிக்கை வாரியத்தின் சுதந்திரமான செயல்பாட்டிற்கு வழிவகுக்கும் வகையில் உத்தரவிடப்படுமா? போன்ற கேள்விகள் எழுகின்றன. பிப்ரவரி 6ல் ரிலீஸ் ஆகுமா? இதற்கிடையில் ஜனநாயகன் திரைப்படத்திற்கு யு / ஏ சான்றிதழ் வழங்கப்படும் என்றும், வரும் பிப்ரவரி 6ஆம் தேதி ரிலீசாக திட்டமிடப்பட்டுள்ளதாகவும் சமூக வலைதளங்களில் தகவல்கள் வைரலாகி வருகின்றன. எப்படி பார்த்தாலும் சென்னை உயர் நீதிமன்ற இரு நீதிபதிகள் அமர்வின் தீர்ப்பை பொறுத்து தான், படத்தின் தயாரிப்பு குழு ரிலீஸ் தேதியை முடிவு செய்யும். ஏற்கனவே தணிக்கை வாரியத்தின் உத்தரவின் படி 27 திருத்தங்கள் செய்யப்பட்டு விட்டன. மீண்டும் ஒருமுறை படத்தை பார்த்து ஒப்புதல் அளித்தால் போதும். விஜய் ரசிகர்கள், தவெகவினர் மற்றும் பொதுமக்களின் எதிர்பார்ப்பு பூர்த்தி ஆகுமா? இல்லையா? என்பது இன்று காலை 10.30 மணிக்கு பிறப்பிக்கப்படும் தீர்ப்பில் தெரிந்துவிடும். #ஜனநாயகன் படம் #தளபதி ஜனநாயகன் #🤩இணையத்தை கலக்கும் ஜனநாயகன் போஸ்டர் 🥰