#🗞ଓଡ଼ିଶା ଅପଡେଟ📺 ବଲାଙ୍ଗିର : ପ୍ରେମ ଆଗରେ ସବୁ ତୁଚ୍ଛ। ବିବାହ ବେଦୀରେ ଅଗ୍ନିକୁ ସାକ୍ଷୀ ରଖ୍ ସାତ ଜନମର ସାଥୀ ହେବାକୁ ନେଇଥିବା ଶପଥ ନିମିଷକ ମଧ୍ୟରେ ପାଣିର ଗାର ପାଲଟୁଛି । ବିବାହର ୧୦ ଦିନ ପରେ ବା ବାପଘରକୁ ବୁଲିବାକୁ ଆସିଥିବା ନବବଧୂ ନିଜ ସ୍ବାମୀଙ୍କୁ ପର କରି ପ୍ରେମିକ ସହ ଫେରାର୍ ହୋଇଯାଇଥିବା ଅଭିଯୋଗ ହୋଇଛି। ଏଭଳି ଏକ ଘଟଣା ବଲାଙ୍ଗିର ଜିଲା କଣ୍ଟାବାଞ୍ଜି ଥାନା ତଥା କଣ୍ଟାବାଞ୍ଜି ସ‌ହର ୧ ନମ୍ବର ୱାର୍ଡ ଧୋବାପଡ଼ାରେ ଦେଖି ବାକୁ ମିଳିଛି । ଝିଅ ଫେରାର୍ ହୋଇଯାଇଥିବା ନେଇ ଖୋଦ ନବବଧୂଙ୍କ ବାପା କଣ୍ଟାବାଞ୍ଜି ଥାନାରେ ଅଭିଯୋଗ କଲାପରେ ପୁଲିସ ମାମଲା ରୁଜୁ ସହ ତଦନ୍ତ କରୁଛି। ମୁରିବାହାଲ ଥାନା କର୍ଲା ଗାଁର ମୁକେଶ ବିଶ୍ଵାଳ ୮ରେ କଣ୍ଟାବାଞ୍ଜି ଥାନା ତ‌ଥା ସହର ୱାର୍ଡ୍ ନଂ-୧, ଧୋବାପଡ଼ାର ବଳଦେବ ବେହେରାଙ୍କ ଝିଅ ଲକ୍ଷ୍ମୀପ୍ରିୟା ଓରଫ୍ ବିନିଙ୍କୁ ବୈଦିକ ରୀତିରେ ବିବାହ କରିଥିଲେ। ବିବାହ ପରେ ନବଦମ୍ପତି କର୍ଲା ଗାଁ ସ୍ଥିତ ମୁକେଶଙ୍କ ଘରକୁ ଯାଇଥିଲେ । ବିବାହର ୧୦ ଦିନ ପରେ ୧୮ରେ ଲକ୍ଷ୍ମୀପ୍ରିୟା ପ୍ରଥମ ଥର ପାଇଁ ପ୍ରାୟ ୫ଟା ୩୦ରେ ଲକ୍ଷ୍ମୀପ୍ରିୟା କାହାକୁ କିଛି ନ ଜଣାଇ ଘରୁ କୁଆଡ଼େ ଚାଲିଯାଇଥିଲେ । ପ୍ରେମିକ ପ୍ରଶାନ୍ତ ମଚ୍ଛଖଣ୍ଡଙ୍କ ସହ ଲକ୍ଷ୍ମୀପ୍ରିୟା ଫେରାର୍ ହୋଇଯାଇଥିବା ନେଇ ପରିବାର ଲୋକେ ସନ୍ଦେହ କରିଛନ୍ତି। ଘରୁ ଫେରାର୍ ହେବା ସମୟରେ ସେ ୩ ଲକ୍ଷ ଟଙ୍କାର ସୁନାଗହଣା ସହ ନଗଦ ୨୦ ହଜାର ଟଙ୍କା ନେଇ ଯାଇଥିବା ବାପା ବଳଦେବ ୨୨ ତାରିଖରେ ଥାନାରେ ଅଭିଯୋଗ କରିଛନ୍ତି । କଣ୍ଟାବାଞ୍ଜି ପୁଲିସ ମାମଲା ରୁଜୁ ସହ ତଦନ୍ତ ଆରମ୍ଭ କରିଥିବା ଥାନା ଅଧିକାରୀ ଗୋପାଳ କଣ୍ଠ ସୂଚନା ଦେଇଛନ୍ତି ।