ଦିନବେଳାର ତୀବ୍ର ଗରମ ପରେ ଅପରାହ୍ନ ବେଳକୁ ହଠାତ୍ ରାଜ୍ୟର ବିଭିନ୍ନ ସ୍ଥାନରେ କାଳବୈଶାଖୀ ଝଡ଼ ଦେଖାଦେଇଛି। କଳା ବାଦଲ ଆକାଶକୁ ଆଛାଦିତ କରି ମାତ୍ର କେଇଟା ସମୟ ମଧ୍ୟରେ ମେଘଗର୍ଜନ ସହ ଭାରି ବର୍ଷା ହୋଇଥିଲା। କେତେକ ଅଞ୍ଚଳରେ ବଜ୍ରପାତ ଓ ବିଜୁଳିର ଭୟାନକ ପ୍ରକୋପ ଦେଖାଯାଇଥିବା ବେଳେ ପବନର ବେଗ ଘଣ୍ଟାପ୍ରତି ୪୦ରୁ ୫୦ କିଲୋମିଟର ପର୍ଯ୍ୟନ୍ତ ପହଞ୍ଚିଥିଲା।ଭୁବନେଶ୍ୱର ସହିତ ନୟାଗଡ଼, ଖୋର୍ଦ୍ଧା, କଟକ, ପୁରୀ, ଗଞ୍ଜାମ, ବାଲେଶ୍ୱର ଓ ଅନ୍ୟାନ୍ୟ ଜିଲ୍ଲାରେ ଝଡ଼-ବର୍ଷା ସହ ବଜ୍ରପାତ ହୋଇଥିଲା। ଏହି ପ୍ରାକୃତିକ ବିପର୍ଯ୍ୟୟରେ ନୟାଗଡ଼ ଓ ଗଞ୍ଜାମ ଜିଲ୍ଲାରେ ଦୁଇ ଜଣଙ୍କ ମୃତ୍ୟୁ ଘଟିଥିବା ସୂଚନା ମିଳିଛି। ହଠାତ୍ ପରିବର୍ତ୍ତିତ ପାଣିପାଗ ପରିସ୍ଥିତି ଲୋକଙ୍କ ମଧ୍ୟରେ ଭୟର ପରିବେଶ ସୃଷ୍ଟି କରିଛି।ପାଣିପାଗ ବିଭାଗ ଅନୁସାରେ, ଆସନ୍ତା କିଛି ଦିନ ଯାଏ କାଳବୈଶାଖୀର ପ୍ରଭାବ ଜାରି ରହିବ। ମୟୂରଭଞ୍ଜ, କେନ୍ଦୁଝର, ବାଲେଶ୍ୱର, ଭଦ୍ରକ, ଯାଜପୁର ଓ କେନ୍ଦ୍ରାପଡ଼ା ଭଳି ଜିଲ୍ଲାରେ ଘନ ମେଘ, ବଜ୍ରପାତ ଓ ଝଡ଼ ବର୍ଷାର ସମ୍ଭାବନା ରହିଛି। ୭ ଓ ୮ ତାରିଖ ପାଇଁ କିଛି ଜିଲ୍ଲାରେ ଅରେଞ୍ଜ ୱାର୍ଣ୍ଣିଂ ଜାରି କରାଯାଇଛି। #🌊ଆଜି ପ୍ରଳୟ ରଚିବ କାଳବୈଶାଖୀ⛈️