https://youtube.com/watch?v=V6rmPYFi7K0&si=_C9yUEg3Gd8ombte #✌️నేటి నా స్టేటస్ ee నా అంతర్మథనం: ఆవేదన నుండి ఆత్మీయ శాంతి వరకు నా 28 ఏళ్ల అనుబంధం: గత 28 ఏళ్లుగా నాకు ఆ దేవుడు తప్ప మరెవరూ తెలియదు. నా జీవితమంతా ఆయన చుట్టూనే తిరిగింది. ఈ 28 ఏళ్లలో దాదాపు -15 సంవత్సరాల నుండి నేను క్రమం తప్పకుండా మాల వేసుకుంటూ వస్తున్నాను. గతంలో నాకు ఎన్నో ఉద్యోగాలు వచ్చాయి, గ్రూప్స్ వచ్చాయి. కానీ వాటన్నింటినీ వదిలేసి నేను కేవలం ఒక్క ఉద్యోగం కోసమే ఎదురుచూశాను. ఆ ఉద్యోగం నాకు వచ్చింది కూడా! కానీ సరిగ్గా పోస్టింగ్ సమయంలో అది నా చేతి వరకు వచ్చి చేజారిపోయింది. ఈ ఒక్క విషయం నన్ను గత ఏడాది కాలంగా లోలోపల నలిపేస్తోంది. "అంత దగ్గరకు వచ్చి ఎందుకు మిస్ అయింది అన్న బాధతో ఆ దేవుడి మీద నాకు కోపం కలిగింది. అలక మరియు నిద్రలేని రాత్రులు: ఆ ఉద్యోగం మిస్ అయిన బాధతో, ఈ ఏడాది మాల వేసుకోకూడదని గట్టిగా నిర్ణయించుకున్నాను. కానీ ఆ నిర్ణయం తీసుకున్నప్పటి నుండి నా మనసులో తీవ్రమైన అలజడి మొదలైంది. బుధవారం, గురువారం రాత్రంతా అస్సలు నిద్ర పట్టలేదు. ఫాదర్ ఆత్మీయ పలకరింపు: ఈరోజు ఉదయాన్నే చర్చికి వెళ్లి ఫాదర్‌ను కలిశాను. నన్ను చూడగానే ఆయన,లాస్ట్ టైమ్ నేను నీ దగ్గరికి వచ్చినప్పుడు ఎందుకు నువ్వు నాతో మాట్లాడలేదు ఎందుకు నాన్న నాతో నువ్వు మాట్లాడలేదు అని ఎంతో ఆత్మీయంగా అడిగారు. ఆ ప్రశ్న విన్నాక నేను ఇక దాచలేకపోయాను. మనసు విప్పి చెప్పిన నిజం: దేవుడు స్వయంగా రాకుండా తన ప్రతినిధిగా మిమ్మల్ని పంపారు, అందుకే మీపైనే నా కోపం చూపించాను అని, ఆ ఉద్యోగం విషయం వల్ల దేవుడిపై అలిగానని నా మనసులో ఉన్నదంతా ఫాదర్‌కు చెప్పేశాను. అప్పుడు ఆయన ఎంతో ప్రేమతో "టెన్షన్ పడకు నాన్న, దేవుడు కార్యం చేస్తాడు" అని నన్ను ఓదార్చారు. దీక్షా స్వీకారం & ప్రశాంతత: ఫాదర్ మాటలతో నా పట్టుదల సడలిపోయింది. "నా వల్ల ఇంకా కాలేదు" అని గ్రహించి, మధ్యాహ్నం 2 గంటల సమయంలో మాల ధరించి ఇంటికి వచ్చాను. రాగానే ఇన్నాళ్ల నా నిద్రలేమి అంతా ఒక్కసారిగా పోయి నాకు గాఢ నిద్ర పట్టింది. నేను అంత ప్రశాంతంగా పడుకోవడం దేవుడు నాకు ఇచ్చిన మొదటి సంకేతం. నాతో మాట్లాడిన దేవుడు: సాయంత్రం నిద్ర లేచాక స్నానం చేసి ప్రార్థనలో కూర్చున్నప్పుడు.. దేవుడు ఒక వాక్యం ద్వారా నాతో మాట్లాడారు. ఆ వాక్యం విన్నాక నాలో ఉన్న సందేహాలన్నీ తీరిపోయాయి. దేవుడు కచ్చితంగా నాతోనే ఉన్నారని నాకు అర్థమైంది. Tq "థాంక్యూ జీసస్".....Srk...