#RAMDAS ATHAWALE# कृपया प्रसिध्दीसाठी *एक दिवस भारत जगातील प्रथम क्रमांकाची अर्थव्यवस्था होईल - केंद्रीय राज्यमंत्री रामदास आठवले* मुंबई दि.1 - भारत आज जगातील सर्वात मोठी लोकसंख्या असणारा देश आहे. चीनला मागे टाकुन आता भारत लोकसंख्येत प्रथम क्रमांकाचा देश झाला आहे. प्रधानमंत्री नरेंद्र मोदीच्या नेतृत्वात भारताने मेक इन इंडियाचा नारा दिल्यामुळे भारताची अर्थव्यवस्था अग्रेसर होत आहे. भारत देश विकास करीत आहे. त्यामुळे भारत आज चौथ्या क्रमांकाची अर्थव्यवस्था झालेला आहे आणि तो दिवस दुर नाही एक दिवस भारत जगातील प्रथम क्रमांकाचा अर्थव्यवस्था असणारा महासत्ता देश होईल असे प्रतिपादन रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना. रामदास आठवले केले. मुंबईत गोरेगांव येथे मोस्को मैदानात हॉटेल अँड हॉस्पिटॅलिटी प्रदर्शनाच्या समारोप सोहळयात ना.रामदास आठवले प्रमुख पाहुणे म्हणून बोलत होते. यावेळी ऐश्वर्या रिसॉर्ट चे प्रमुख प्रदिप चंदेल, शंकर भारद्वाज, मिहीर सरकार, मनोज चव्हाण, सतीश डांगे, प्राइड हॉटेल समुहाचे प्रमुख जैन, आयपीएस कैसर खलिद, भाजपच्या नगरसेविका सिमा शिंदे, गीतेश पवार;दिप्ती मुळे, आदि अनेक मान्यवर उपस्थित होते. या प्रदर्शनात विविध हॉटेल आणि हॉस्पीलिटी कंपनीच्या स्टॉलला ना. रामदास आठवले यांनी भेट दिली. वर्ल्ड ऑफ हॉस्पीलिटी नावाने या प्रदर्शनाचे आयोजन करण्यात आले होते. भारताच्या सर्व उद्योग समुहांमध्ये हॉस्पीटॅलिटी अर्थात सेवाभाव हा प्रकर्षाने जाणवतो. सेवाभावातुनच उद्योग हे मोठे होतात. त्यामुळे उद्योग असो वा व्यक्तीगत जीवन असो सेवाभाव हा महत्वाचा आहे. ज्या शहरांमध्ये सेवाभाव आहे ती शहरे ;ती गावे ;तो देश चांगला प्रगती करतो. ज्या उद्योग समुहाने सेवाभावाने काम केलं ते उद्योग यशस्वी होतात. हास्पीलिटी अर्थात सेवाभाव हे आवश्यक आहे असे प्रतिपादन ना. रामदास आठवले यांनी यावेळी केले. भारत सरकार हे उद्योजकांच्या पाठीशी उभे आहे. उद्योगामुळेच रिकाम्या हातांना रोजगार मिळतो. देशात रोजगार वाढविण्यासाठी उद्योग वाढविले पाहिजे. त्या दृष्टीने उद्योगांनाही भारत सरकार प्रोत्साहन देत असल्याचे ना. रामदास आठवले यावेळी म्हणाले. हेमंत रणपिसे प्रसिध्दीप्रमुख ##Breakingnews #follow #RAMDASATHAWALE #🎭Whatsapp status