#👩‍🍳 പാചകലോകം +------+-------+-------+-------+ _*🌶️ ഇന്നത്തെ പാചകം 🍳*_ *കാരറ്റ് ചമ്മന്തി* +------+-------+-------+-------+ ```തേങ്ങയും പച്ചമാങ്ങയും പുളിയുമൊക്കെ ചേർത്തു തയ്യാറാക്കിയിരുന്ന ചമ്മന്തി ഇന്ന് വ്യത്യസ്തമായ ചേരുവകളിൽ ലഭ്യമാണ്. അത്തരത്തിലൊന്നാണ് കാരറ്റ് ചമ്മന്തി. തേങ്ങ ചേർക്കാതെ കാരറ്റ് മാത്രം ഉപയോഗിച്ചാണിതു തയ്യാറാക്കുന്നത്.കാരറ്റ് ആയതിനാൽ രുചിയിൽ വ്യത്യാസം ഉണ്ടാകും എന്ന ചിന്ത വേണ്ട. ഉപ്പും മഞ്ഞൾപ്പൊടിയും ചേർത്തു നന്നായി വേവിച്ച് അരച്ചെടുത്താൽ അടിപൊളി ചമ്മന്തി തയ്യാറാക്കാം. ധാരാളം ആരോഗ്യഗുണങ്ങളാണ് കാരറ്റിനുള്ളത്. അതിനാൽ കുട്ടികളുടെ ഭക്ഷണക്രമത്തിൽ ഇടയ്ക്ക് ഈ സ്പെഷ്യൽ ചട്നി കൂടി ഉൾപ്പെടുത്തിക്കോളൂ.``` ______________________ *ചേരുവകൾ* ________________________ _കാരറ്റ് - 2 എണ്ണം_ _വറ്റൽമുളക് - 4 എണ്ണം_ _വെളുത്തുള്ളി - 4 എണ്ണം_ _കറിവേപ്പില - ആവശ്യത്തിന്_ _സവാള - 1 എണ്ണം_ _മഞ്ഞൾപ്പൊടി - കാൽ ടീസ്പൂൺ_ _തക്കാളി - 1 എണ്ണം_ _ഉപ്പ് - ആവശ്യത്തിന്_ _കടുക് - കുറച്ച്_ _______________________ *തയ്യാറാക്കുന്ന വിധം* _______________________ ```ഒരു പാൻ അടുപ്പിൽ വെച്ച് അൽപ്പം എണ്ണയൊഴിച്ചു ചൂടാക്കി നാല് വെളുത്തുള്ളി, അൽപ്പം കറിവേപ്പില, നാല് വറ്റൽമുളക് എന്നിവ ചേർത്ത് വറുക്കുക. ഒരു ഇടത്തരം സവാള ചെറുതായി അരിഞ്ഞതും ആവശ്യത്തിന് ഉപ്പും ചേർത്തു വഴറ്റുക. കാൽ ടീസ്പൂൺ മഞ്ഞൾപ്പൊടി, രണ്ട് ഇടത്തരം കാരറ്റ്, ഒരു തക്കാളി എന്നിവ ചെറിയ കഷ്ണങ്ങളാക്കിയതും ചേർത്തിളക്കി അടച്ചുവെച്ച് വേവിക്കുക. ചൂടാറിയതിനു ശേഷം ഇത് അരച്ചെടുക്കുക. ഒരു പാൻ അടുപ്പിൽ വെച്ച് അൽപ്പം എണ്ണയൊഴിച്ചു ചൂടാക്കി അൽപ്പം കടുകും കറിവേപ്പിലയും വറുത്തത് അരച്ചു വെച്ചിരിക്കുന്ന കാരറ്റ് ചമ്മന്തിയിലേക്കു ചേർക്കുക.``` +------+------+-------+-------+