അയലത്തെ അമ്പിളി " കാവ്യയുടെ സ്വഭാവം അങ്ങനെ തന്നെ തുടർന്നപ്പോൾ പതിയെ പതിയെ എനിക്ക് അവളോട് ദേഷ്യമായി തുടങ്ങി. എന്റെ വിദ്യാഭ്യാസത്തെ പ്രതി.... എന്റെ സൗന്ദര്യത്തെ പ്രതി.... പലതും പറഞ്ഞു പല തവണ അവൾ എന്നെ കളിയാക്കിയിട്ടുണ്ട്... ഒരു തവണ അങ്ങനെയൊക്കെ പറഞ്ഞു കളയാക്കുന്നതിന്റെ ഇടയിലാണ് ഇഷ്ടമില്ലാതെയാണ് അവളെന്നെ കല്യാണം കഴിച്ചതെന്ന് തുറന്നു പറയുന്നത്. അതിനു മുൻപ് എത്രയോ തവണ ഞാൻ അവളോട് ചോദിച്ചിട്ടുണ്ടെന്നോ എന്താണ് അവളുടെ പ്രശ്നം എന്ന്... അപ്പോഴൊന്നും അവൾ എന്നോട് ഒന്നും തുറന്നു പറഞ്ഞിട്ടില്ല. ഒരുപക്ഷേ പ്രതാപനുമായി അടുപ്പമായി കഴിഞ്ഞ ശേഷമായിരിക്കണം അവൾ എന്നോടത് തുറന്നു പറഞ്ഞത്.... ഞങ്ങൾ ഒരുമിച്ച് മുന്നോട്ടു പോവില്ല എന്ന് എനിക്ക് മനസ്സിലായത് അപ്പോൾ മുതലാണ്. അപ്പോൾ മുതലാണ് ഞാൻ ഡിവോഴ്സിനെ കുറിച്ച് ചിന്തിച്ചു തുടങ്ങിയത്.... അവൾ കൂടെ ഇല്ലാത്ത ഒരു ജീവിതത്തിന് എന്റെ മനസ്സിനെ പാകപ്പെടുത്തി തുടങ്ങിയത്.... ഇനി ഒരുമിച്ച് പോകാൻ കഴിയില്ല എന്ന് മനസ്സിലാക്കി, പിരിയാം എന്ന് തന്നെ ചിന്തിച്ചിരിക്കുമ്പോൾ ആണ് അവൾ അങ്ങനെയൊക്കെ ചെയ്ത് കളഞ്ഞത്. അവൾ മറ്റൊരാളെ സ്നേഹിച്ചത് ഞാൻ തെറ്റായി കാണുന്നില്ല.... ഒരുപക്ഷേ എന്നിൽ അവൾ ഒരുപാട് കുറവുകൾ കണ്ടിട്ടുണ്ടായിരിക്കണം.... അതു കൊണ്ടായിരിക്കാം അവൾ.... " രുദ്രൻ കുറച്ചു നിമിഷങ്ങൾ നിശബ്ദനായി ഇരുന്നു. പിന്നെയും തുടർന്നു.... " പക്ഷേ... എന്റെ താലി കഴുത്തിലണിഞ്ഞു കൊണ്ട് .... എന്റെ ഭാര്യയായിരിക്കേ..... മറ്റൊരുവന്റെ കുഞ്ഞിനെ ഗർഭം ധരിച്ചത്..... അതെനിക്ക് സഹിക്കാനാവില്ല... പൊറുക്കാനാവില്ല.... ഞാൻ അദ്ധ്വാനിച്ച് ഉണ്ടാക്കിയ പണം മോഷ്ടിച്ചു കൊണ്ടു പോയത്, എന്റെ കുഞ്ഞിനെ അനാഥാലയത്തിൽ ഉപേക്ഷിച്ചത്.... അതൊന്നും ക്ഷമിക്കാൻ ആവില്ല എനിക്ക്.... അവൾ അന്ന് ഇറങ്ങി പോയപ്പോ എനിക്ക് സങ്കടം തോന്നിയിരുന്നു.... അവളോട് വല്ലാത്ത ദേഷ്യം തോന്നിയിരുന്നു... എപ്പോഴൊക്കെയോ പ്രാണനെപ്പോലെ സ്നേഹിച്ചിരുന്നതല്ലേ ഞാൻ അവളെ.... അത് കൊണ്ടായിരിക്കും..... പക്ഷേ ഇപ്പോ..... എനിക്ക് അവളോട് സ്നേഹമില്ല.... ഒന്നും.... ഒന്നും തോന്നുന്നില്ല... തിരികെ വന്നാലും എനിക്ക് അവളെ സ്വീകരിക്കാൻ പറ്റില്ല. " രുദ്രൻ ഉറപ്പിച്ചു പറഞ്ഞു. " അങ്ങനെ ഒരു ഉറച്ച തീരുമാനം നിനക്കുണ്ടെങ്കിൽ പിന്നെ എന്തിനാടാ ഈ വിഷമം? " അച്ചായന് ചോദിക്കാതിരിക്കാനായില്ല. " അപ്പു മോള്.... അവളെ ഓർത്താ... എനിക്ക്... " " മോള് നിന്നെ വിട്ടു പോകുമെന്ന് നിനക്ക് തോന്നുന്നുണ്ടോ? " ഒരു നിമിഷം പോലും ചിന്തിക്കാതെ രുദ്രൻ ഇല്ല എന്ന് തലയാട്ടി. " ആഹാ.... കൊള്ളാം. അതും അവന് ഉറപ്പാണ്.... എന്നിട്ടാണ് ഇങ്ങനെ വന്നിരുണ് കരയുന്നത്? " സ്റ്റീഫൻ അച്ചായൻ വേദനിപ്പിക്കാതെ അവന്റെ തോളത്ത് തല്ലി . " എന്തായാലും അവള് തിരിച്ചു വന്ന സ്ഥിതിക്ക് നീ ഒരു കാര്യം ചെയ്യ്. നല്ലൊരു വക്കീലിനെ പോയി കാണ്. എന്നിട്ട് ബന്ധം പിരിയാനുള്ള കാര്യങ്ങളൊക്കെ നോക്ക്..... ന്യായം നിന്റെ ഭാഗത്താണ്..... അപ്പു മോള് പോലും നിന്റെ കൂടെ നിൽക്കും. പിന്നെ എന്താ നിനക്ക്? എല്ലാം ശരിയാവും..... നീ വിളിക്കുന്ന ദൈവങ്ങള് നിന്നെ രക്ഷിക്കും.... വിഷമിക്കാതെ.... ഞങ്ങളൊക്കെ ഇല്ലേ കൂടെ? " അച്ചായൻ ഒന്നുകൂടി അവന്റെ തോളത്ത് തട്ടി... മനസ്സിൽ ഉണ്ടായിരുന്നതൊക്കെ തുറന്നു പറഞ്ഞപ്പോൾ രുദ്രന് വല്ലാത്ത ആശ്വാസം തോന്നി. ഉള്ളിൽ കെട്ടി നിന്ന് വെറുപ്പ് മുട്ടിച്ചിരുന്നത് എന്തൊക്കെയോ ഒഴുകി അകന്നതു പോലെ.... " മ്മ്.... എല്ലാം ശരിയാകും... " അവൻ സ്വയം വിശ്വസിപ്പിക്കാൻ എന്നോണം മെല്ലെ പറഞ്ഞു. " ആഷിഷേ ഒരു സ്ട്രോങ്ങ് ചായ.... " സ്റ്റീഫൻ അച്ചായൻ അവിടെ ഇരുന്നു കൊണ്ട് തന്നെ തന്റെ സഹായിയോട് വിളിച്ചു പറഞ്ഞു. " നല്ലൊരു ചായ കുടിക്ക്. ഒന്ന് ഉഷാറാകട്ടെ.... " രുദ്രനെ ആകെയോന്ന് പിടിച്ചു കുലുക്കിക്കൊണ്ട് സ്റ്റീഫൻ അച്ചായൻ ചിരിയോടെ പറഞ്ഞതും രുദ്രനും ഒന്ന് ചിരിക്കാൻ ശ്രമിച്ചു. 🌜 നവ്യ ജോലി കഴിഞ്ഞു വരുമ്പോൾ കാവ്യ വീട്ടിലുണ്ട്. കലയാണ് വിവരങ്ങളൊക്കെ നവ്യയോട് പറഞ്ഞത്. ഒക്കെ കേട്ട് കഴിഞ്ഞും നവ്യയ്ക്ക് കാവ്യയോട് സഹതാപം ഒന്നും തോന്നിയില്ല. ദേഷ്യവും കാണിച്ചില്ല. അവളോട് മിണ്ടാതെ പോയില്ല. കാവ്യ എന്നൊരു വ്യക്തി ആ വീട്ടിലുള്ളതായിട്ട് പോലും നവ്യ ഭാവിച്ചില്ല. എന്തുകൊണ്ടോ അത്ര പെട്ടെന്നൊന്നും കാവ്യയോട് ക്ഷമിച്ചു കൊടുക്കാൻ നവ്യക്കും കഴിയുമായിരുന്നില്ല. നവ്യയുടെ മുഖത്ത് നോക്കാനോ മിണ്ടാനോ കാവ്യക്കും വല്ലാത്ത മടി തോന്നി. പിറ്റേന്ന് തന്നെ കാവ്യയെ സഹോദരിയുടെ അടുത്തേക്ക് കൊണ്ടു വിടണം എന്നുള്ള ശ്രീധരന്റെ ഉദ്ദേശം പക്ഷേ നടന്നില്ല. അവരെന്തോ യാത്രയിലാണ്. റിട്ടയർ ആയ ശേഷം ഇടക്കിടെ ഇങ്ങനെ ആരോടും പറയാതെ യാത്ര പോകുന്ന ശീലം ഉണ്ട് അവർക്ക്. ഒറ്റയ്ക്കായതു കൊണ്ട് ആരുടെയും അനുവാദത്തിന് കാത്തു നിൽക്കേണ്ട കാര്യമില്ലല്ലോ? അതോടെ അവർ വരുന്നത് വരെ കാവ്യയെ വീട്ടിൽ നിർത്തുകയല്ലാതെ ശ്രീധരന് മറ്റ് വഴികൾ ഇല്ലാതായി. 🌜 വീൽചെയറിൽ ഇരുന്ന കിഷോറിനെ അമ്പിളി താങ്ങി പിടിച്ച് കട്ടിലിലേക്ക് കിടത്തി. ആദ്യമൊക്കെ അമ്പിളിക്ക് അത് ഒറ്റയ്ക്ക് പ്രയാസം ആയിരുന്നു. ഇപ്പോൾ അത്ര കണ്ട് പ്രയാസമായി അവൾക്ക് തോന്നാറില്ല. " കിഷോറേട്ടൻ ഉറങ്ങിക്കോ... ഞാനേ അപ്പുമോള് സ്കൂളിൽ നിന്ന് വരുമ്പോ അവക്ക് കഴിക്കാൻ വേണ്ടി എന്തെങ്കിലും ഉണ്ടാക്കട്ടെ.... " അമ്പിളി പോകാനൊരുങ്ങി. " അമ്പിളി.... എന്താ ഉണ്ടാക്കുന്നെ? " കിഷോർ പോകാൻ തുടങ്ങിയവളുടെ കയ്യിൽ പിടിച്ചു. " ഉഴുന്ന് വട.... " " എനിക്കൂടെ കൊണ്ട് തരോ ? " കിഷോറിന്റെ കണ്ണുകൾ ചുരുങ്ങി. അവന് ഇതൊക്കെ വലിയ ഇഷ്ടം ആയിരുന്നു... മുൻപ്.... ഇങ്ങനെ കിടപ്പിൽ ആകും മുൻപ്.... അതിന് ശേഷം ആ ഇഷ്ടങ്ങൾ ഒക്കെ അവൻ മറന്നേ പോയിരുന്നു.... ജീവിതത്തോട് തന്നെ വിരക്തി ആയിരുന്നു.... ഇങ്ങനെ കിടക്കുന്നതിൽ ഭേദം മരിക്കുന്നതാണ് എന്ന് കരുതി ഇരുന്നവന് എങ്ങനെ ആശകൾ ഉണ്ടാകാനാണ് ? ഇപ്പൊ... വീണ്ടും ജീവിക്കാൻ കൊതി തോന്നി തുടങ്ങിയിട്ടുണ്ട്... എഴുന്നേറ്റ് നടക്കാൻ കഴിയും എന്ന പ്രത്യാശയുണ്ട്. അത് കൊണ്ടാവണം പഴയ കുഞ്ഞ് കുഞ്ഞ് മോഹങ്ങൾ ഒക്കെ തിരികെ വരുന്നത്. " വൈദ്യർ എന്താ പറഞ്ഞത്? " അമ്പിളി എളിക്ക് കൈ കുത്തി നിന്നു. " എണ്ണ ഒന്നും അധികം ഉപയോഗിക്കരുതെന്ന്.. " " അപ്പൊ അത് അറിയാല്ലോ? " " കൊതി ആയിട്ടല്ലേ ഡി.... " അവൻ കണ്ണ് ചുരുക്കി അവളോട് കെഞ്ചി. അമ്പിളിക്ക് അവന്റെ ഭാവം കണ്ട് ചിരി വന്നു. അവൾ കുനിഞ്ഞ് അവന്റെ കവിളിൽ ഒരുമ്മ കൊടുത്തു..... കിഷോറിന്റെ കവിളുകൾ ഒരു നിമിഷം കൊണ്ട് ചുവന്നു പോയി. അവന്റെ ചുവന്ന മുഖം കണ്ട് അമ്പിളിക്ക് നാണം വന്നു.... " ഹ്മ്മ്... ഒരെണ്ണം.... ഇത് ശീലമാക്കരുത്.... " അവളത് മറച്ചു കൊണ്ട് താക്കീത് പോലെ വിരൽ ചൂണ്ടിയതും അവൻ ചിരിയോടെ തലകുലുക്കി. " ഞാനേ ഉണ്ടാക്കി കഴിഞ്ഞു കൊണ്ട് തരാം. മുൻ വാതിൽ പുറത്ത് നിന്നും പൂട്ടിയിട്ട് പോകാം. " അമ്പിളി താക്കോലും കയ്യിൽ എടുത്തു മുന്നിലേക്ക് നടന്നു. കുറേ നേരം ശ്രമിച്ചിട്ടും മുന്നിലെ വാതിൽ അവൾക്ക് പൂട്ടാൻ കഴിഞ്ഞില്ല. അകത്തു കയറി അകത്തു നിന്നും പൂട്ടാൻ നോക്കിയിട്ടും കഴിഞ്ഞില്ല. " ഛെ... ഇന്നലെ രാത്രി കൂടി പൂട്ടിയതല്ലേ? ഇതിപ്പോ എന്തോ പറ്റി? " പറഞ്ഞു കൊണ്ട് അമ്പിളി വാതിൽ ചേർത്തടച്ചു മുകളിലെ കുറ്റി ഇട്ടു. " കിഷോറേട്ടാ... മുന്നിലെ വാതിൽ പൂട്ടാൻ പറ്റണില്ല. പൂട്ടിന് എന്തോ കുഴപ്പം ഉണ്ടെന്നാ തോന്നുന്നേ... തത്കാലം ഞാൻ അത് അകത്തു നിന്ന് കുറ്റി ഇട്ടിട്ടുണ്ട്. അടുക്കള വാതിൽ വഴി പോവാം ഞാൻ. അത് പക്ഷെ പുറത്തൂന്ന് പൂട്ടാൻ പറ്റൂല്ല. കൊണ്ടി ഇട്ടേക്കാം. " " അത് മതി അമ്പിളി. ഇവിടിപ്പോ ആര് വരാനാ? " കിഷോറും അങ്ങനെ പറഞ്ഞതോടെ അമ്പിളി അടുക്കള വാതിൽ വഴി പുറത്തേക്ക് കടന്ന് രുദ്രന്റെ വീട്ടിലേക്ക് നടന്നു. അമ്പിളി നടന്ന് മറഞ്ഞതും മതിലിനോരം മറഞ്ഞു നിന്ന ആ രൂപം പുറത്തേക്ക് വന്നു. ക്ളീറ്റസ്....! പിന്നെയും കുറച്ചു സമയം കൂടി അവിടെ തന്നെ നിന്നതിനു ശേഷമാണ് ക്ളീറ്റസ് അമ്പിളിയുടെ വീട്ട് മുറ്റത്തേക്ക് നടന്നത്. 🌜 ഭയാനകമായൊരു സ്വപ്നം കണ്ട് കൊണ്ടാണ് കിഷോർ കണ്ണുകൾ വലിച്ച് തുറന്നത്. അവനാകെ വിയർത്തു കുളിച്ചിരുന്നു..... കണ്ണ് തുറന്ന് നോക്കിയത് തൊട്ട് മുന്നിലുള്ള ക്ളീറ്റസിന്റെ മുഖത്തേക്കാണ്. കിഷോർ കണ്ണ് തുറന്നെന്ന് കണ്ടതും ക്ളീറ്റസ് നന്നായോന്ന് ചിരിച്ചു കാണിച്ചു. 🌜 🌜 🌜 🌜 🌜 അപ്പൊ രഹസ്യങ്ങളുടെ ചുരുളുകൾ അഴിയാൻ പോകുന്നു.... എല്ലാവരും കാത്തിരിക്കൂ ട്ടൊ.... കിഷോർ നല്ലവനോ കെട്ടവനോ...? ഉടനെ അറിയാം.... #📚 ട്വിസ്റ്റ് കഥകൾ #📔 കഥ #✍ തുടർക്കഥ #💞 പ്രണയകഥകൾ #📙 നോവൽ