*అథః చరణశృంగరహిత శ్రీ నటరాజ స్తోత్రం*
*(పతంజలి కృతం)*
*సదంచిత-ముదంచిత నికుంచిత పదం ఝలఝలంచలిత మంజు కటకమ్|*
*పతంజలి దృగంజన-మనంజన-మచంచలపదం జననభంజన కరమ్|*
*కదంబరుచిమంబరవసం పరమమంబుద కదంబకవిడంబక గళం*
*చిదంబుధి మణిం బుధ హృదంబుజ రవిం పర చిదంబరనటం హృది భజ(1)*
*హరం త్రిపుర భంజన-మనంతకృతకంకణమఖండదయ-మంతరహితమ్*
*విరించిసురసంహతిపురందర విచింతితపదం తరుణచంద్రమకుటమ్|*
*పరం పద విఖండితయమం భసిత మండితతనుంమదనవంచన పరం*
*చిరంతనమముం ప్రణవసంచితనిధిం పర చిదంబరనటం హృది భజ(2)*
*అవంతమఖిలం జగదభంగ గుణతుంగమమతంధృతవిధుం సురసరిత్ తరంగ నికురుంబ ధృతి లంపట జటం శమనదంభసుహరం భవహరమ్|*
*శివం దశదిగంతర విజృంభితకరం కరలసన్మ్రగశిశుం పశుపతిం*
*హరం శశిధనంజయపతంగనయనం పర చిదంబరనటం హృది భజ(3)*
*అనంతనవరత్నవిలసత్కటకకింకిణిఝలం ఝలఝలంఝలరవం*
*ముకుందవిధి హస్తగతమద్దల లయధ్వనిధిమిద్ధిమిత నర్తన పదమ్|*
*శకుంతరథ బర్హిరథ నందిముఖ దంతిసుఖ భృంగిరిటిసంఘనికటం భయహరం*
*సనంద సనక ప్రముఖ వందిత పదం పర చిదంబరనటం హృది భజ(4)*
*అనంతమహసం త్రిదశవంద్య చరణం ముని హృదంతరవసంతమమలం*
*కబంధ వియదింద్వవని గంధవహ వహ్నిమఖబంధురవిమంజు వపుషమ్|*
*అనంతవిభవం త్రిజగదంతర మణిం త్రినయనం త్రిపురఖండన పరం*
*సనంద ముని వందిత పదం సకరుణం పర చిదంబరనటం హృది భజ(5)*
*అచింత్యమలివృంద రుచి బంధురగళం కురిత కుందనికురుంబ ధవళం*
*ముకుంద సుర వృంద బల హృంత కృత వందనలసంతమహికుండల ధరమ్|*
*అకంపమనుకంపిత రతిం సుజన మంగళనిధిం గజహరం పశుపతిం*
*ధనంజయ సుతం ప్రణత రంజనపరం పర చిదంబరనటం హృది భజ(6)*
*పరం సురవరం పురహరం పశుపతిం జనిత దంతిముఖ షణ్ముఖమముం*
*మృడం కనక పింగళ జటం సనక పంకజ రవింసుమనసం హిమరుచిమ్|*
*అసంఘమనసం జలధిజన్మగరళం కవలయంతమతులం గుణనిధిం*
*సనంద వరదం శమితమిందు వదనం పర చిదంబరనటం హృది భజ(7)*
*అజం క్షితిరథం భుజగపుంగవగుణం కనక శృంగిధనుషం కరలసత్*
*కురంగ పృథు టంక పరశుం రుచిర కుంకుమ రుచిం డమరుకం చ దధతమ్|*
*ముకుంద విశిఖం నమదవంధ్య ఫలదం నిగమ వృందతురగం నిరుపమం*
*స చండికమముం ఝటితి సంహృతపురం పర చిదంబరనటం హృది భజ(8)*
*అనంగపరిపంథినమజం క్షితి ధురంధరమలంకరుణయంతమఖిలం*
*జ్వలంతమనలం దధతమంతకరిపుం సతతమింద్రసురవందితపదమ్|*
*ఉదంచదరవిందకుల బంధుశత బింబరుచి సంహతి సుగంధి వపుషం*
*పతంజలి నుతం ప్రణవ పంజర శుకం పర చిదంబరనటం హృది భజ(9)*
*ఇతి స్తవమముం భుజగపుంగవ కృతం ప్రతిదినం పఠతి యః కృతముఖః*
*సదః ప్రభుపద ద్వితయదర్శనపదం సులలితం చరణ శృంగ రహితమ్|*
*సరః ప్రభవ సంభవ హరిత్పతి హరిప్రముఖ దివ్యనుత శంకరపదం*
*స గచ్ఛతి పరం న తు జనుర్జలనిధిం పరమదుఃఖజనకందురితదమ్(10)*
*ఇతి శ్రీ పతంజలిముని ప్రణీతం చరణశృంగరహిత శ్రీ నటరాజ స్తోత్రం సంపూర్ణమ్||*
*యదక్షర పదభ్రష్టం మాత్రాహీనంచ యద్భవేత్, తత్సర్వం క్షమ్యతాం దేవ నారాయణ నమోస్తుతే!!*
#"భక్తి సమాచారం" #🙏భక్తి స్పెషల్ #🙏🏻భక్తి కోట్స్📝 #🙏ఆధ్యాత్మిక జీవితం😇 #🙆 Feel Good Status