#तरंग… तरंग म्हणजे आमच्यादृष्टीने खांबकाठी.. आज समुद्राच्या पार्श्वभूमीवर ही देवीमाऊली दिसणारी आणि लोपणाऱ्या सूर्याबरोबरची सोमवती अमावस्येचा चांदणा आज चक्क भगव्या झाला.. मागे विशाल जलतत्व आणि त्याका चल बनवणारा आदिशक्तीचा अफाट तत्व.. मावळता सूर्य.. तेजोमय सागर आणि अंधाराची तेजोमय कहाणी.. कुणकेश्वरच्या त्या चांदणचुरा पडलेल्या वाळूत आज अंधार प्रकाशात न्हाऊन निघेल.. मी हा फोटो मागून घेतला.. त्याने मला विचारलं तूला व्हिडीओ हवाय.. मला शब्दांचा खेळ आवडतो.. ज्यांना तरंग हा शब्द कळला नसेल त्यांच्यासाठी ही जी देवीप्रतिमा आहे त्याला आम्ही तरंग म्हणतो.. उत्सवाच्या वेळी गावोगावी, समुद्रकिनारी किंवा नदीकाठी नेली जाणारी. हे स्थिर मूर्तीचे नव्हे तर चैतन्याचे चल स्वरूप आहे. शिवाला भेटायला आलेल्या आदिम गंगेचे हे स्वरुप असेल तर तीचा सोहळेकरी साक्षात समुद्रच असू शकतो.. समुद्र म्हणजे मालवणच्या दांडेश्वरला भेटून तिकडून वेंगुर्ल्याच्या मानसीश्वराला भेटून कुणकेश्वर किनारी जातो ना तोच सगळ्या जगाला जोडतो ना.. मी एका ठिकाणी वाचलं होतो… समुद्राला Collective Unconsciousचे प्रतीक मानले आहे. मानवजातीच्या सामूहिक स्मृतींचा अथांग सागर. देवीचा तरंग जेव्हा समुद्राला स्पर्श करतो, तेव्हा ती केवळ एका गावाची देवी राहत नाही; ती वैश्विक चेतनेशी एकरूप होते. हा क्षण म्हणजे वैयक्तिक श्रद्धेचा सार्वत्रिक अध्यात्माशी संगम. आम्ही मोदयाक देवाबरोबर आंघोळ करतो आणि चैतन्यतत्व सगळ्या जगाचा होता ना.. तरंग हा शब्दही अर्थपूर्ण आहे, लाट, स्पंदन, कंपन. आधुनिक विज्ञान सांगते की विश्वातील सर्व काही ऊर्जा-तरंगांनी बनलेले आहे. अध्यात्मात यालाच नादब्रह्म म्हणतात. देवीचा तरंग म्हणजे त्या विश्वस्पंदनाशी एकरूप होण्याचा प्रयत्न. खांबकाठीत तरंग म्हणूनच कदाचित म्हणत असतील ना.. त्यात आज सोमवती अमावस्या. म्हणजे सोमवार आणि अमावस्या यांचा संयोग अत्यंत पवित्र मानला जातो. सोमवार हा शिव यांचा दिवस; अमावस्या म्हणजे पूर्ण अंधार आमच्या जड भाषेत चंद्रशून्यता.. शैव आणि शक्ती तत्त्वज्ञानानुसार शिव म्हणजे शून्य, आणि शक्ती म्हणजे स्पंदन. अमावस्येच्या अंधारात शक्तीचे आवाहन म्हणजे शून्यातून प्रकाश निर्माण करण्याचा आध्यात्मिक संकल्प. आज न समजणाऱ्या त्या वायव्यमुखीच्या नादात ह्या जा 'पश्चिमाभिमुख' तेज हा ता विसरता नये.. कुबेरान रास पाडल्यान हा पावलापावलावर.. आदिशक्तीचा तेज झाडपेड, कवळकाड, माणूसमेळो आणि अंधारमेळा बनान तुमच्या नजरेसमोर हा.. खोट्याक नको भुला.. चलत रवा.. अंधार असलो तर तीच येतली दिवटी बनान.. आणि न्हिमार जड झाला तर सावळी बनान.. आपणाक कोण काय म्हणता यापेक्षा आपणाक काय दिसता आणि आपण तेका काय म्हणतव तेवढाच आपण लाईक आणि शेअर करायचा.. “Myths are public dreams, dreams are private myths.” बाकी मोबाईलच्या जमान्यातय डीएसएलआर कित्याक होयो.. आणि रिलवाल्यांपेक्षा टेक्स्टवाले कित्याक हाताक नाय गावनत येवढा कळला तरी ह्या कशाक लिवलय ता पोचला असा समजान ! आणि ता समजला की तरंग कधी वाचताना हातार खांब म्हणून उमटतले ते कळाचे पण नाय.. ऋषी श्रीकांत देसाई #सुप्रभात #☀️गुड मॉर्निंग मोशन व्हिडीओ☺ #🌹☕गुड मॉर्निंग Special☕🌹 #☕good morning Friends🌞 #☀️गुड मॉर्निंग☀️