🙏 *કસબ અમે શીખી ગયા !* 🙏
*રહીને સ્થિર ફરવાનો*
*કસબ અમે શીખી ગયા ,*
*અમે ભીતર ઊઘડવાનો*
*કસબ અમે શીખી ગયા !!*
*ગણતરી કેટલી મનમાં,*
*અને મગજમાં થઈ પછી ,*
*થઈને બાદ વધવાનો*
*કસબ અમે શીખી ગયા !!*
*હશે હા ડાળ સાથે અમને*
*લાગણી જેવું છતાં ,*
*બધા યે પાન ખરવાનો*
*કસબ અમે શીખી ગયા !!*
*ગમા ને અણગમાના*
*ભારથી અમને એવું થયું ,*
*સવાલો ખુદ્દને કરવાનો*
*કસબ અમે શીખી ગયા !!*
*આ હોવું વારસાગત*
*ક્યાં મળ્યું છે એમને એમ ?*
*બનાવોથી નીખરવાનો*
*કસબ અમે શીખી ગયા !!*
*ગગનને આંબવાના અમારા*
*પાંખના મનસૂબા પણ ,*
*સમયસર પાછા વળવાનો*
*કસબ અમે શીખી ગયા !!*
*વધારે થાય પણ શું બીજું,*
*કહો આ પ્રેમમાં ?*
*હ્રદયને કાને ધરવાનો*
*કસબ અમે શીખી ગયા !!*
🙏 🙏 #कविता की कविता