ଅଦ୍ୟ ବାସନ୍ତୀକ ସପ୍ତମୀ ଚୈତ୍ର ତୃତୀୟ ପାଳି ମଙ୍ଗଳବାର ଯାତ ପ୍ରସୂତେ ସଂସାରଂ ଜନନି ଜଗତୀଂ ପାଳୟତି ବା ସମସ୍ତଂ କ୍ଷିତ୍ୟାଦି ପ୍ରଳୟସମୟେ ସଂହରତି ଚ । ଅତସ୍ତ୍ଵାଂ ଧାତାଦ୍ଧପି ତ୍ରିଭୁବନପତିଃ ଶ୍ରୀପତିରପି ମହେଶୋଦ୍ଧପି ପ୍ରାୟଃ ସକଳମପି କିଂ ସ୍ତୋତି ଭବତୀମ୍ । ମା ମଙ୍ଗଳାଙ୍କ ର ଚୈତ୍ର ଶୁକ୍ଳ ସପ୍ତମୀ ଠାରୁ ବାସନ୍ତୀକ ଦୁର୍ଗୋତ୍ସବ ଆରମ୍ଭ ହେଉଥିବାରୁ ଆଜି ପ୍ରାରମ୍ଭିକ ସମୟ ରୁ ମାଙ୍କ ର ଦ୍ବାରଫିଟା ହୋଇ ମଙ୍ଗଳ ଆଳତୀ ତତ୍ପରେ ମାଜଣା କରାଯାଏ ।ବେଶ ଓ ଚନ୍ଦନ ଲାଗି ବଢି ଅନ୍ଯାନ୍ଯ ନୀତି ନହୋଇ ମନ୍ଦିର ସାହାଣ ମେଲା କରିଦିଆଯାଏ । ପରେ ଅନୁକୂଳ ସମୟ ଦେଖି ମା ମଙ୍ଗଳାଙ୍କୁ ଏକଶତ ଆଠ କୁମ୍ଭ ଜଳ ରେ ମହାସ୍ନାନ କରାନ୍ତି ଷୋଡଶ ଉପଚାର ପୂଜାପଣ୍ଡା । ପୁରଧା ସଂଖ୍ୟା କରନ୍ତି ।ସପ୍ତମୀ ତିଥି ରେ ତିନିପୂଜା ର ସଂକଳ୍ପ ମହାବାକ୍ୟ ହେଲା ପରେ ହିଁ ପ୍ରାୟତଃ ଅପରାହ୍ନ ସମୟ ରୁ ଆରମ୍ଭ ହୁଏ ସୂର୍ଯ୍ୟପୂଜା। ପରେ ସିଂହପୂଜା , ଦ୍ବାରପାଳ ପୂଜା ,ବରୁଣ ପୂଜା ଷୋଡ଼ଶ ଉପଚାର ରେ ବଲ୍ଲଭ , ସକାଳଧୂପ ଆଦି ନୀତି କ୍ରମାନ୍ବୟ ରେ ଅନୁଷ୍ଠିତ ହେଲା ପରେ ପାଟୁଆ ମାନେ ପାଣି ତୋଳି ଆଜ୍ଞାମାଳ ନେଇ ନୃତ୍ଯ କରିଥାନ୍ତି । ମନ୍ଦିର ଶୋଧ ହୋଇ ଦ୍ବିପ୍ରହର ଧୂପ(ଷୋଡଶ ଉପଚାର) ପୂଜା ବସେ ।ପରେ ଭଅଣ୍ଡ ଭୋଗ ପୂଜା ହୋଇ ଠାକୁରାଣୀ ଙ୍କୁ କିଛି ସମୟ ପାଇଁ ଖଟଶେଜ ଲାଗି କରାଯାଏ। ପହୁଡଭାଙ୍ଗି ସଂନ୍ଧ୍ଯା ଆଳତୀ ହୋଇ ମାଙ୍କୁ ଯାତ୍ରାଙ୍ଗୀ ମହାସ୍ନାନ କରାଇ କାତି ଖପର ଧାରିଣୀ ବେଶ ରେ ଭୂଷିତ କରାଯାଇଥାଏ ଏବଂ ଖଡ୍ଗ ଲାଗି ହୁଅନ୍ତି ମା ।ତିନି ପାଳି ଯାତ ହୋଇଥିବା ରୁ ମା ମଙ୍ଗଳାଙ୍କ ବେଶ ବଢିବା ପରେ କାଳିକା ମନ୍ଦିର କୁ ପ୍ରବେଶ କରେ ମା ଙ୍କ ଆଜ୍ଞାମାଳ ଏବଂ ସିନ୍ଦୂର ସହ ଖଡ୍ଗ ଧରି ନାଚି ନାଚି ମାଙ୍କୁ ତ୍ରିବାର ପରିକ୍ରମା କରି କାକଟେଇ ଙ୍କୁ ଥରେ ବେଢା କରି ନୃତ୍ଯ ସମାପନ କରିଥାଏ। ପରେ ସଂନ୍ଧ୍ଯାଧୂପ ପୂଜା ବସେ (ଷୋଡ଼ଶ ଉପଚାର)। ଆଳତୀ ବଢି ବଡସିଂହାର ଭୋଗ ପୂଜା ଅନୁଷ୍ଠିତ ହୁଏ । ମା ଙ୍କ ଭ୍ରମଣୀ ନୀତି ଏବଂ ଭ୍ରମଣୀ ଭୋଗ ବଢି ଠାକୁରାଣୀ ପହୁଡ ହୁଅନ୍ତି । #🚩ସନାତନ ଧର୍ମ💪 #jay maa mangal 🙏🙏🙏