କନକ ବ୍ୟୁରୋ: ଦିଲ୍ଲୀ-ଏନ୍‌ସିଆର୍‌ରେ ଭୂକମ୍ପ ଝଟକା ।  ଉତ୍ତର ଭାରତର ବିଭିନ୍ନ ସହରରେ କମ୍ପନ ଅନୁଭୂତ । ଶୁକ୍ରବାର ରାତିରେ ଆଫଗାନିସ୍ତାନରେ ୫.୯ ମ୍ୟାଗ୍ନିଚ୍ୟୁଟର ଏକ ଶକ୍ତିଶାଳୀ ଭୂକମ୍ପ ହେବା ପରେ ଏହାର ଝଟକା ଭାରତରେ ପଡିଛି ।  ଦିଲ୍ଲୀ-ଏନ୍‌ସିଆର୍ ଏବଂ ଉତ୍ତର ଭାରତର ବିଭିନ୍ନ ଅଞ୍ଚଳରେ ଭୂକମ୍ପର ଝଟକା ଅନୁଭୂତ ହୋଇଛି । ପ୍ରାୟ ରାତି ୯:୫୦ ମିନିଟ୍ ସମୟରେ ଭୁକମ୍ପର ଝଟକା ଲାଗିଛି । ଫଳରେ ଅନେକ ସହରର ଲୋକ ଆତଙ୍କିତ ହୋଇ ଘର ଏବଂ ଅଫିସ୍ ଭିତରୁ ବାହାରକୁ ଦୌଡ଼ି ଆସିଥିଲେ ।