*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన* *అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷మార్చి 15🌷🌷* *"ఆ దినములలో శిష్యుల సంఖ్య విస్తరించుచున్నప్పుడు..* *సణగ సాగిరి" ( అపో. 6:1)* *దేవుని పని ఎప్పుడైతే విస్తరించునో అప్పుడు సణుగులు ఆరంభమగును.* ప్రతి సమాజములో సణుగులుండును. ఆరంభకాలపు సంఘములో హెబ్రీయుల మీద గ్రీకు భాష మాట్లాడు యూదులు, తమ అవసరతలను నిర్లక్ష్యము చేయుచున్నారని సణగసాగిరి. ఇది చాలా సున్నితమైన ప్రశ్న మరియు చాల కఠినమైన ఆటంకము. అపొస్తలులు దీనినెట్లు జయించిరి? మనము 2వ వచనంలో జవాబును కనుగొందుము. అపొస్తలులు సమాజమంతటిని పిలిచి వారితో "మేము దేవుని వాక్యము బోధించుట మాని, ఆహారము పంచిపెట్టుట యుక్తముకాదు" అనిరి. వారు ఉపవాస ప్రార్ధనలు చేసిన తరువాత పెద్దలను ఏర్పరచి, నియమించిరి. మనలో అనేకులము ఆ విధముగానే శోధించబడుదుము. మన మొదటి పనిని విడచి, రెండవ దానిని చేయునట్లు సాతాను తరచుగా శోధించును. *ఎవరైతే సువార్త ప్రకటించుమని దేవునిచే ఆజ్ఞాపించబడిరో, ఎవరైతే పరిశుద్ధాత్మచే అభిషేకించబడిరో వారు ఇప్పుడు బల్లల యొద్ద పరిచర్య చేయుచున్నారు. వారు "ఎవరో ఒకరు ఈ పని చేయవలెను గదా! మనము చేయకపోతే ఎవరు చేయుదురు?" అని అందురు. నిజమైన విషయమేమనగా, "దేవుడు నిన్ను బల్లల యొద్ద పరిచర్య చేయుటకు పిలిచెనా? లేక వాక్యము ప్రకటించుటకు పిలిచెనా?" నీ అంతట నీవే దీనిని తెలిసికొనవలెను. వాక్య పరిచర్య చేయుమని దేవుని నిన్ను పిలిచిన యెడల "ప్రాధాన్యముగా కనబడు పనుల" ద్వారా ఈడువ బడవద్దు.* విదేశములో నా చదువు ముగించుకొని భారత దేశమునకు వచ్చిన తరువాత నేను కూడా అట్టి సమస్యనే ఎదుర్కొంటిని. నా తండ్రి పంజాబులో ఒక కోర్టు కేసులో చిక్కుకొని, లక్ష రూపాయల కంటే ఎక్కువ నష్టపోయెను. నేను పెద్ద కుమారుని గనుక కుటుంబీకులు నేను వారికి సహాయము చేయవలెనని చూచుచున్నారని, కనీసము 6 నెలలైనను ఉద్యోగము చేయుమని నా తండ్రి నాతో చెప్పెను. నా తమ్ముళ్ల నిమిత్తము మా తండ్రి నన్ను బ్రతిమాలెను. నేను మా తండ్రితో దేవుడు నన్ను సువార్త ప్రకటించుటకు పిలిచెనని చెప్పితిని. రెండు సంవత్సరముల పోరాటం తరువాత నేను నా జీవితమును, సమయమును, నా శక్తిని దేవునికి, ఆయన సేవకు అప్పగించుకొంటిని. నేను దేవునికి అవిధేయత చూపిన యెడల నా తండ్రి మరెక్కువ నష్టమును ఎదుర్కొనవలసి వచ్చెడిది. నేను నా తండ్రితో "నేను నీకు ఏ సహాయము చేయలేను. నిన్ను అపాయము నుండి రక్షించలేను. కానీ దేవుడు చేయగలడు. నీ భద్రత నా విధేయతపై ఆధారపడియున్నది. నేను నా ప్రభువుకు విధేయత చూపిన యెడల తప్పక నీవు, కుటుంబమంతయు ఆశీర్వదించబడునని నేనెరుగుదును. నేను దేవుని యందు విశ్వాసముంచుచున్నాను." అని చెప్పితిని. ఆ మాట వినగానే నా తల్లి ఏడ్చుటకు ఆరంభించెను. నా తండ్రి కూడా ఏడ్చెను. ఆయన తన తల పాగతీసి నా పాదముల వద్ద పెట్టి "కొన్ని నెలలైనను చేయలేవా?" అని నన్ను అడిగెను. మరల నేను ఖండితముగా " లేదు, దేవునికి మొదటి స్థానము ఇవ్వవలెను. నా విధేయత ద్వారా ఒక దినమున మీ కష్టములన్నియు తొలగిపోవును" అని చెప్పితిని. ఆ తరువాత, నేనెప్పుడూ పంజాబు వెళ్లినను, నేను దేవునికి విధేయతను చూపుటను బట్టి దేవుడు వారిని అత్యధికముగా ఆశీర్వదించుటచే వారు నాకు తమ కృతజ్ఞతలు తెలియజేయు చుండెడివారు. నేను ఊహించిన దానికంటే అత్యధికముగా కుటుంబములోని ప్రతి ఒకడును ఆశీర్వదించబడిరి. వారు "మేము ఏమై యున్నామో అది అంతయు నీ ప్రార్థనలను బట్టియే" అని అందురు. దాని ఫలితముగా వారందరి గృహములలో నేను సువార్త ప్రకటించుటకు నాకు ద్వారము తెరువబడినది. నేను వారిని దర్శించి, వారికి దేవుని వర్తమానమును అందించుటకు వారు నా కొరకు కనిపెట్టుకొని అర్థరాత్రి వరకు అట్లే కూర్చొని యుందురు. నేను ఆరంభములో వారి మనవికి లోబడి, దేవుని పిలుపుకు అవిధేయత చూపించుటకు ఎంత అధికముగా శోధించబడితినో ఇంకను నాకు జ్ఞాపకమున్నది. ఎంత గొప్ప నష్టమును ఎదుర్కొనవలసి వచ్చెడిది. అనేకులు ఇట్టి శోధననే ఎదుర్కొనవలసివచ్చును. *చాల మంది దేవుని సేవకులు ఇట్టి ఒత్తిడిని ఎదుర్కొని తమ పిలుపును విడచిపెట్టి, సత్క్రియలు చేయుచు కాలము గడుపు చున్నారు. విశ్వాసము ద్వారా, ప్రార్ధనలో దేవుని సన్నిధిలో కనిపెట్టుట ద్వారా మాత్రమే మనము అన్ని అడ్డంకులను జయించగలము.* Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝