*_11/03/2026 - ఫాల్గున కృష్ణ అష్టమి - శీతలాష్టమి - బసోడా పూజ_* *హోళీ పండుగ తర్వాత వచ్చే సప్తమి, అష్టమి తిధులను శీతలా సప్తమి, శీతలా అష్టమిగా వ్యవహారిస్తారు*. *శీతల అష్టమిని *'బసోడా పూజ'* *అని కూడా పిలుస్తారు. నేడు శీతలా దేవి వ్రతం ఆచరించటం ద్వారా అనేక వ్యాధుల నుండి విముక్తులు అవుతారు అని నమ్ముతారు*. *శీతలా మాతా గాడిదపై ఆశీనురాలై, ఒక చేతితో చీపురు, ఇంకో చేతిలో కుండ పట్టుకొని దర్శనం ఇస్తుంది*. *శీతలా అష్టమి వేడుకలు ఉత్తర భారత రాష్ట్రాలైన రాజస్థాన్, గుజరాత్ మరియు ఉత్తర ప్రదేశ్లలో భక్తులు ఎంతో ఉత్సాహంతో, భక్తితో జరుపుకుంటారు. ఈ సందర్భంగా భారీ ఉత్సవం నిర్వహించబడుతుంది మరియు అనేక సంగీత కార్యక్రమాలు కూడా జరుపుకుంటారు.* *శీతలా అష్టమి నాడు సాంప్రదాయాల ప్రకారం కుటుంబాలు వంట కోసం అగ్నిని వెలిగించరు అందువల్ల వారు ఒక రోజు ముందుగానే ఆహారాన్ని తయారుచేస్తారు. ముందు రోజు వండిన ఆహారాన్ని మాత్రమే శీతలా దేవికి నివేదించే ప్రత్యేకమైన ఆచారం ఉంది*. *భక్తులు ఉదయాన్నే లేచి, సూర్యోదయానికి ముందు స్నానం చేస్తారు. వారు శీతలా దేవి ఆలయాన్ని సందర్శించి, దేవతను 'హల్ది', 'బజ్రా' తో పూజిస్తారు. అనంతరం వారు* *'బసోద వ్రత కథ'* *వింటారు. 'రాబ్రీ', 'పెరుగు' మరియు ఇతర ముఖ్యమైన నైవేద్యాలను శీతలా దేవికి సమర్పిస్తారు. వారి పెద్దల ఆశీర్వాదం తీసుకుంటారు. సిద్ధం చేసిన ఆహారాన్ని శీతలా దేవీ కి నివేదిస్తారు. దీనిని వారు 'బసోడా' అని పిలుస్తారు. అర్పించిన ఆహారాన్ని స్వీకరిస్తారు మరియు ఇతర భక్తులకు కూడా పంచుతారు. ఈ రోజున 'శీతలాష్టకం' చదవడం కూడా అనుకూలంగా భావిస్తారు* *_(సేకరణ)_* #మన సంప్రదాయాలు సమాచారం