മറന്നു വയ്ക്കുമ്പോഴൊ ക്കെ ഓർമ്മകളുടെ അടരുകൾ പൊളിച്ച് ഒരു പുഴ ഒഴുകും. കരളിലൊരു മുള്ള് കോറും കാലിലൊരു കല്ല് കുത്തും. മിഴികളിലൊരു വെള്ളച്ചാട്ടം കുതിച്ചൊഴുകും മറന്നുപോവുമെന്നു കരുതിയ ഇടങ്ങളിലൊക്കെ ഒരവേര് വളരും പൂവ് കൊഴിയും പിന്നെയും പിന്നെയും ഒറ്റ ഇലയിലെ നീല ഞരമ്പുകൾ വെയിലേറ്റ് പുളയും. ഓർത്തുവയ്ക്കാൻ പാകത്തിൽ ഒറ്റയടിപ്പാതയും പുൽ മേടുകളും മധുര നാരങ്ങായും പൂങ്കാവനങ്ങളും ഹരിതകാനനവുമുണ്ടെങ്കിലും വിജനതയിൽ ഒക്കെ മരുഭൂമിയിലെയ്ക്ക് കൂടുമാറും: സ്നേഹദൂരത്താൽ പ്രാണഭയത്തിൽ പ്രണയത്തിൻ്റ അനന്തകോടി സ്വപ്നങ്ങളെ വഴിയരികിൽ ഉപേക്ഷിക്കേണ്ടി വന്ന കാലം സ്മൃതി പഥത്തിൽ തെളിയും താഴ്വാരങ്ങളിലെ മഞ്ഞിൽ കണങ്ങളാൽ വെള്ള പുതച്ചൊരു ശൈത്യ ഋതുക്കൾ നെഞ്ചിലെ മരവിപ്പായി മാറും പിന്നെയും പിന്നെയും ഓർമ്മകളുടെ പാളികൾ അടർന്നുവീണ് ഒരു കുഞ്ഞു ഹൃദയം നില തെറ്റി ഉന്മാദത്തിൻ്റെ വരമ്പിലൂടെ ഓടിയാർത്തു മറയും...... ..... 🤗🤗🤗🤗🤗 #🖋 എൻ്റെ കവിതകൾ🧾 #📝 ഞാൻ എഴുതിയ വരികൾ #📋 കവിതകള്‍ #💑 സ്നേഹം