സ്മൃതി നീയന്നു നൽകിയ യാത്രയിൻ സൗരഭ്യമിന്നുമെൻ ഹൃദയം തേടിടുന്നു നീയന്നു വാർത്തൊരാ പുഞ്ചിരി മലരുകളെന്നിൽ ശൈത്യം പകർന്നിടുന്നു നീയെന്നയോർമ്മകൾ തിരകളായ് മനസ്സിലിന്നും ചിത്രം വരച്ചിടുന്നു നീ ചിരിക്കാ രാത്രികൾ വ്യാധിയായെൻ ഞരമ്പിന്നും തുളച്ചിടുന്നു... നീയെന്ന മഴവില്ലിൽ നിറമേകാൻ മാത്രമായെൻ സ്വപ്നം ചായം തേച്ചിടുന്നു നിയ്യാം മഴയിൽ കുതിരുവാനെത്രയോ വെയിലിൽ ഞാനിന്നുരുകിടുന്നു നിൻ സ്പർശമേകിടും കുളിരിലലിയുവാൻ പൂവ്വെത്ര പൂത്തു കരിഞ്ഞിടുന്നു നിൻ മഴക്കാറിൽ പീലിവിടർത്തുവാൻ നിഴലായി ഞാനിന്നും കാത്തിടുന്നു! നീയകലെ താരങ്ങളോടൊത്തു ചന്ദ്രഹാസം മതിലാക്കി മാറ്റുന്നു നിന്നിൽ വിരിഞ്ഞയെന്നുഷസ്സിനെ സന്ധ്യയിൻ ചുമപ്പിൽ നീ തള്ളിടുന്നു നീലാംബരം മിഴി പൊത്തി കേഴവേയെന്നധരമാ മധുരം കൊതിച്ചിടുന്നു നിലവിളക്കിൻ തിരി തെളിയാതെ നിൻ ജ്വാല ദീപമായപ്പോൾ നുകർന്നിടുന്നു. false. #💑 സ്നേഹം #💞 നിനക്കായ് #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #സ്പെഷ്യൽ സ്റ്റോറീസ് ✍