ജനനത്തിനും മരണത്തിനും ഇടയിലെ നിശ്ചിത സമയമാണ് ജീവിതം മുന്നോട്ടുള്ള യാത്രയിൽ ഒത്തിരി വഴിയാത്രക്കാരെ കാണും. അവരിലൂടെ നമ്മൾ പലതും പഠിക്കും, പലതും നേടും. ചിലർ പ്രിയപ്പെട്ടവരാകും, ചിലർ പാഠങ്ങളാകും. അവരുടേതായ ഇടമെത്തുമ്പോൾ തിരിഞ്ഞു നോക്കി ഒരു പുഞ്ചിരി മാത്രം ബാക്കിവെച്ച് അവരും മടങ്ങും. അപ്പോഴും ജീവിതം ബാക്കിയാകും. കൊഴിഞ്ഞു പോകുന്ന ഓരോ ദിനങ്ങളും, കടന്നുവരുന്ന മുഖങ്ങളും ഈ വലിയ യാത്രയിലെ ചെറിയ നേരമ്പോക്കുകൾ മാത്രമാണ്. ആരൊക്കെ കൂടെയുണ്ടെന്ന് പറഞ്ഞാലും, നമ്മുടെ ഹൃദയത്തിലെ വേദനകൾ നാം തന്നെ ചുമക്കണം. ആ നോവുകൾക്ക് നമ്മളല്ലാതെ മറ്റൊരു അവകാശിയുമില്ല. മറ്റൊരാൾക്ക് നമ്മുടെ വേദനകൾ കണ്ടു നിൽക്കാനല്ലാതെ അത് അനുഭവിച്ചു തീർക്കാൻ കഴിയില്ല. ഓരോ മനുഷ്യനും ഭൂമിയിൽ പിറവി കൊള്ളുന്നതും, ഒടുവിൽ മരണം ഏറ്റുവാങ്ങി ഈ മണ്ണിൽ നിന്നും യാത്രയാകുന്നതും തനിച്ചാണ് കൂടെയുണ്ടാകുമെന്ന് പറഞ്ഞ് ചേർത്തുപിടിക്കുന്ന കൈകൾ പലതും പാതിവഴിയിൽ അയഞ്ഞുപോയേക്കാം. ശ്വാസം നിലയ്ക്കുന്ന ആ അവസാന നിമിഷം നമുക്ക് കൂട്ടായി ആരുമുണ്ടാകില്ല. ഈ ഏകാന്തതയാണ് ജീവിതത്തിന്റെ ഏറ്റവും വലിയ സത്യം. നാം വന്നതും തനിച്ചാണ്, പോകേണ്ടതും തനിച്ചാണ്. ബാക്കിയെല്ലാം വെറും നിഴൽക്കാഴ്ചകൾ മാത്രം.... 🫠🚶🏼‍♀️ അലീന 🖤✍️ #💭 എന്റെ ചിന്തകള്‍ #📝 ഞാൻ എഴുതിയ വരികൾ #🙋‍♀️ എൻ്റെ സ്റ്റാറ്റസുകൾ #❤ സ്നേഹം മാത്രം 🤗