#👩‍🍳 പാചകലോകം +------+------+------+------+ _*🌶 ഇന്നത്തെ പാചകം 🍳*_ _*നെയ്മീൻ ഫ്രൈ കറി*_ +------+------+------+-----+ ```ക്രിസ്തുമസ്‌ ആയിട്ട്‌ അൽപ്പം മീൻ കറി കൂടി ആയാലോ..? ഇന്ന് നമുക്ക്‌ നെയ്മീൻ (അയക്കൂറ ) കറി വച്ച്‌ നോക്കാം. വെറും കറിയല്ല. ഫ്രൈ ചെയ്ത ശേഷം ആണ്‌ നാം അയക്കൂറ കറി വക്കുന്നത്‌. .വെറുതെ കറി വക്കുന്നതിലും ഇരട്ടി ടേസ്റ്റ്‌ ആണ്‌ ഫ്രൈ ചെയ്തിട്ട്‌ കറി വക്കുമ്പോൾ..നമുക്ക്‌ ഇത്‌ എങ്ങനെ തയ്യാറാക്കാം എന്ന് നോക്കാം.``` ________________________ _*ആവശ്യമായ ചേരുവകൾ*_ _______________________ _നെയ്മീൻ - അര കിലോ_ _സവാള - രണ്ട് എണ്ണം_ _തക്കാളി - രണ്ട് എണ്ണം_ _മഞ്ഞൾപ്പൊടി - ഒരു ടീസ്പൂൺ_ _മുളകുപൊടി - രണ്ടര ടേബിൾ സ്പൂൺ_ _ജീരകപ്പൊടി - അരടീസ്പൂൺ_ _കശ്മീരി ചില്ലി പൗഡർ - ഒരു ടീസ്പൂൺ_ _ഫിഷ് മസാല - മൂന്ന് ടേബിൾസ്പൂൺ_ _തേങ്ങാപ്പാൽ - അരക്കപ്പ്_ _ഓയിൽ - ആവശ്യത്തിന്_ _കറിവേപ്പില - ആവശ്യത്തിന്_ _ഉപ്പ് - ആവശ്യത്തിന്_ _________________________ _*തയ്യാറാക്കുന്ന വിധം*_ ________________________ ```ആദ്യം തന്നെ നമുക്ക് നെയ്മീൻ ഒന്ന് ഫ്രൈ ചെയ്തെടുക്കണം. എന്നിട്ട് മറ്റൊരു പാത്രം അടുപ്പിൽ വെച്ച് അതിൽ അല്പം ഓയിൽ ഒഴിച്ച് കറിവേപ്പിലയും സവാളയും ചേർത്ത് വഴറ്റിയെടുക്കണം. ഇതിലേക്ക് ആവശ്യത്തിന് ഉപ്പ് കൂടി ചേർത്ത് തക്കാളിയും ചേർത്ത് ഒന്ന് കൂടി വഴറ്റി എടുക്കണം. ഇതിലേക്ക് മഞ്ഞൾപ്പൊടിയും മുളകുപൊടിയും ജീരകപ്പൊടിയും ചേർത്ത് ഇതിൽ തേങ്ങാപ്പാൽ ഒഴിച്ച് അല്പം വെള്ളവും കൂടി ചേർത്ത് മിക്സ് ആക്കി എടുക്കണം. എന്നിട്ട് ഫിഷ് മസാല കൂടി ചേർത്ത് ചൂടാക്കിയതിനുശേഷം ഇതിലേക്ക് നേരത്തെ ഫ്രൈ ചെയ്തു വെച്ച മീൻ ചേർത്ത് കൊടുക്കാം. ഇത് ഒന്നുകൂടി ചൂടായതിനു ശേഷം അല്പം മല്ലിയില കൂടി ചേർത്ത് കൊടുക്കാം. നമ്മുടെ സ്വാദിഷ്ടമായ നെയ്മീൻ ഫ്രൈ കറി റെഡി.``` +------+------+-------+------+