കോട്ടയം ഗവൺമെന്റ് മെഡിക്കൽ കോളേജിന്റെ മുഖച്ഛായ മാറ്റുന്ന 283 കോടി രൂപയുടെ വികസന പദ്ധതികൾ നാടിന് സമർപ്പിച്ചു. കിഫ്ബി സഹായത്തോടെ നിർമ്മിച്ച അത്യാധുനിക സർജിക്കൽ ബ്ലോക്ക്, രണ്ടാമത്തെ കാത്ത്‌ലാബ്, സംസ്ഥാനത്തെ രണ്ടാമത്തെ സ്‌കിൻ ബാങ്ക് തുടങ്ങി സാധാരണക്കാരായ ജനങ്ങൾക്ക് ലോകോത്തര ചികിത്സ ഉറപ്പാക്കുന്ന വിപുലമായ സൗകര്യങ്ങളാണ് ഇന്ന് ഉദ്‌ഘാടനം ചെയ്തത്. കഴിഞ്ഞ പത്ത് വർഷത്തിനുള്ളിൽ 1,200 കോടിയിലധികം രൂപയുടെ നിക്ഷേപമാണ് ഈ മെഡിക്കൽ കോളേജിൽ മാത്രം സർക്കാർ നടത്തിയത്. ആർദ്രം മിഷനിലൂടെ നമ്മുടെ പൊതുജനാരോഗ്യ മേഖലയിലുണ്ടായ സമാനതകളില്ലാത്ത മുന്നേറ്റത്തിന്റെ ഉത്തമ ഉദാഹരണമാണ് ഈ നേട്ടങ്ങൾ. നിർഭാഗ്യവശാൽ, നാടിന്റെ ഇത്തരം വികസന നേട്ടങ്ങളെ അംഗീകരിക്കാൻ കഴിയാത്ത ചിലർ അടിസ്ഥാനരഹിതമായ ആരോപണങ്ങളുമായി രംഗത്തിറങ്ങുന്നുണ്ട്. കേരളത്തിന്റെ ആരോഗ്യ മേഖല തകർന്നു എന്ന് വ്യാജ പ്രചരണം നടത്തുന്നവർ ഇവിടെ ഉണ്ടായ മികവിന്റെ കുതിപ്പുകളെ കണ്ടില്ലെന്ന് നടിക്കുകയാണ്. അപവാദ പ്രചാരണങ്ങളെ ഇച്ഛാശക്തിയോടെ തള്ളിക്കളഞ്ഞു വികസനത്തിന്റെയും ജനക്ഷേമത്തിന്റെയും പാതയിൽ കേരളം അഭിമാനത്തോടെ മുന്നോട്ടു പോകും. #🆕 ലേറ്റസ്റ്റ് അപ്ഡേറ്റ്