தமிழக மக்களிடையே பெரும் வரவேற்பைப் பெற்றுக் கொண்டிருக்கும் விஜய் தொலைக்காட்சி சீரியல் "அய்யனார் துணை" தற்போது டிஆர்பி ரேட்டிங்கில் நம்பர் 1 இடத்தை பிடித்து சாதனை படைத்து வருகிறது. குடும்ப ரசிகர்களின் மனதை கவரும் கதைக்களம், உணர்ச்சிபூர்வமான நடிப்பு மற்றும் திருப்புமுனை சம்பவங்கள் இந்த சீரியலை நாளுக்கு நாள் மேலும் பிரபலமாக்கி வருகிறது. இந்த நிலையில், அய்யனார் துணை சீரியலில் நடித்துவரும் நடிகர் - நடிகையின் திருமண செய்தி தற்போது ரசிகர்களிடையே பெரும் உற்சாகத்தை ஏற்படுத்தியுள்ளது. அய்யனார் துணை சீரியலில் நிலாவை கடுப்பேற்றுவதற்காக சோழன், காயத்ரி என்ற பெண்ணை காதலிப்பது போல நடித்துக் காட்டினார். ஆரம்பத்தில் நாடகமாக தொடங்கிய இந்த சம்பவம், பின்னர் அவருக்கு பெரும் பிரச்சனையாக மாறியது. இதையடுத்து நிலா, காயத்ரியிடம் நேரில் பேசி பிரச்சனையை முடிவுக்கு கொண்டு வந்தார். பின்னர் சோழன் நேரடியாக காயத்ரியிடம் சென்று மன்னிப்பும் கேட்டார். இந்த கதாபாத்திரத்தில் காயத்ரியாக நடித்த நடிகை ஆயிஷா, அதே சீரியலில் நடிக்கும் நடிகர் சல்மான் உடன் தற்போது நிச்சயதார்த்தம் செய்து கொண்டுள்ளார். நடிகை ஆயிஷாவுக்கும் நடிகர் சல்மானுக்கும் சமீபத்தில் நிச்சயதார்த்தம் நடந்து முடிந்துள்ளது. விரைவில் இவர்களின் திருமணம் நடைபெறவுள்ளதாக தகவல்கள் வெளியாகியுள்ளன. இந்த செய்தி வெளியானதைத் தொடர்ந்து சமூக வலைதளங்களில் ரசிகர்கள் இந்த ஜோடிக்கு வாழ்த்துகளை குவித்து வருகின்றனர். சீரியலில் பிடித்த ஜோடி… நிஜ வாழ்க்கையிலும் ஜோடியாக இணையும் இந்த இருவருக்கும் ரசிகர்கள் வாழ்த்துகளை தெரிவித்து வருகின்றனர். அய்யனார் துணை சீரியல் மூலம் தனக்கென தனி ரசிகர் பட்டாளத்தை உருவாக்கியுள்ள ஆயிஷாவும், சல்மானும் நிஜ வாழ்க்கையிலும் ஜோடியாக இணைவது ரசிகர்களுக்கு மிகப்பெரிய மகிழ்ச்சியை அளித்துள்ளது.இந்த அழகிய ஜோடிக்கு மனமார்ந்த வாழ்த்துகள் #🥰அய்யனார் துணை சீரியல் ப்ரோமோ🥰 ## நட்சத்திரங்களின் நிச்சயதார்த்தம்