#😇My Status #శ్రీ జానకి మాత జయంతి
*దివ్యమూర్తి శ్రీ జానకీమాత జయంతి*
*ఫిబ్రవరి - 09 సీతాష్టమి*
*సీతాదేవి ధార్మికజీవన స్రవంతికి మూలాధారం. జీవితంలో అగ్ని పరీక్షతో పునీతురాలైన సాధ్వి-సహనానికీ, భర్త పై అపారప్రేమకు నిదర్శనం. అనసూయాదేవి వంటి మహోన్నత వ్యక్తుల ఆశీస్సులందుకున్న పుణ్యమూర్తి.*
*మాఘమాస బహుళ అష్టమిని 'సీతాష్టమి' అనీ, 'కాలాష్టమి' అని జ్యోతిషగ్రంథాలు చెబుతున్నాయి. చతుర్వర్గ చింతామణి గ్రంథంలో మంగళావ్రతం ఈనాడు చేస్తారని విపులంగా వర్ణిం చారు. మాఘమాసం పుణ్య ప్రదమైనమాసం, బహుళ అష్టమి కల రోజును 'జానకి జయంతి'గా ఉత్తర భారతదేశంలో జరుపుతారు.*
*బీహారులోని మిథిలప్రాంతంలో జనకమహారాజుకు నాగేటి చాలులో ఆడబిడ్డ లభించింది. నాగేటి చాలును 'సీత' అంటారు. 'సీత' అని జనకమహర్షి నామకరణం చేశాడు. ఆయన ఒకయోగి, రాజయోగి, జనకుని కూతురుకావున జానక్. ఏ దేవతా స్త్రీ పేరున జయంతులు లేవు. కాని జానకి జయంతి ప్రచారంలో ఉంది. అయితే అయోనిజ అయిన సీతమ్మకు 'జయంతి' ఏమిటి? అనే ప్రశ్న ఉదయిస్తుంది. ఆయా మహనీయులను స్మరించుకోవడానికే గోకులాష్టమి, హనుమజ్జయంతి పురాణ పురుషుల పేరుతో జరుపు కుంటాము. అలాగే జానకి జయంతిని జరుపుకోవటం అనాదిగా కనిపిస్తున్నది.*
*సీతాష్టమినాటి కార్యకలాపం*
*ఈనాడు సీతాదేవి భక్తులు సూర్యోదయానికి పూర్వమే నిద్ర లేచి కాలకృత్యాదులు ముగించి ముందుగా దీపారాధన చేస్తారు. ఆపైన సంకల్పంచేసి ఉపవాసదీక్ష స్వీకరిస్తారు.*
*గంగాజలాలతో సీతారాముల విగ్రహాలకు స్నానాదికాలు పూర్తిచేసి తగినవేదిక పై వారి విగ్రహాలను అమరుస్తారు. షోడశపూజా కార్యక్రమాలు సభక్తికంగా నిర్వ హిస్తారు. దైవశక్తుల సాధనకోసం ధ్యానం కొనసాగిస్తారు. అష్టోత్తరం పఠిస్తారు.*
*సాయంకాలం హారతికి ముందు యధాశక్తి నైవేద్యాలు సమర్పిస్తారు. ఆ నైవేద్యప్రసాదాలను భక్తులకు వితరణ చేస్తారు. వివాహితస్త్రీలు ఈ దీక్ష వహిస్తారు. భర్త ఆయురారోగ్యసిద్ధికై ప్రధానంగా ఈ దీక్ష కొనసాగుతుంది.*
*ధార్మికప్రవర్తనతో నడుచుకుంటామని దీక్షా కంకణబద్ధుల వుతారు. దానాలు చేయడం ముఖ్యమైనకార్యము.*
*ఈ వ్రతనియమాల వెనుక ఉన్న రహస్యం ఏమిటంటే సీతాసాధ్వి ధర్మతత్పరతకు, సహనానికీ, పవిత్రతకు ప్రతీకగా ఉన్నందున ఈ రోజు వాల్మీకిరామాయణం లేదా రామచరిత మానస్ పఠనాన్ని స్త్రీలు సామూహికంగా పఠిస్తారు. సీతామాత ఆవిర్భవించిన పవిత్రదినమిది.*
*సీతాదేవి ధార్మికజీవన స్రవంతికి మూలాధారం. జీవితంలో అగ్ని పరీక్షతో పునీతురాలైన సాధ్వి సహనానికీ, భర్తపై అపార ప్రేమకు నిదర్శనం. అనసూయాదేవి వంటి మహోన్నత వ్యక్తుల ఆశీస్సులందుకున్న పుణ్యమూర్తి.*
*సీతాయనం*
*రాముని అయనం రామాయణం. అయనం అంటే పురోగ మనం. రామ+అయనం అనేగాక రామా+అయనం అని కూడా పండితులు విశ్లేషిస్తారు. రామా అంటే సీతాదేవి. అందు వలన వాల్మీకి, సీతారాముల పయనం స్ఫురించేలా రామా యణం అని నామకరణం చేశాడు.*
*రామాయణంలో శ్రీరామునికెంత ప్రాధాన్యముందో, జానకీ దేవికీ అంతే ప్రాధాన్యం ఉంది. సీతారాముల రూపంలోనూ సామ్యం ఉందని హనుమంతుని మాటల్లో గోచరిస్తుంది. అశోకవృక్షచ్ఛాయలలో సీతమ్మను మెదటిసారిగా చూసిన హనుమంతుడు సీతారాముల వ్యక్తిత్వాల మధ్య ఉన్న ఏక త్వాన్ని దర్శించాడు. శ్రీరాముని రూపంతో పోలిన రూపాన్ని సీతలో చూసి హనుమ ఆశ్చర్యచకితుడయ్యాడు.*
*బాలకాండ అంతా జానకి మాట్లాడదు. వివాహానికి పూర్వం గానీ, వివాహసమయంలోగాని ఆమె ఒక్క మాట కూడా మాట్లాడలేదు. ఆమె శరీర సౌందర్యవర్ణన కూడా వాల్మీకి సుదీర్ఘంగా వర్ణించలేదు. అసాధారణ శౌర్యపరాక్రమం చిన్న తనంలోనే చూపిన శ్రీరామచంద్రునికి సహధర్మచారిణిగా ఆమెను జనకుడు బహుమానంగా అందించాడు.*
*"ఇయం సీతా మను సుతా' అని కన్యాదానం చేశాడు. వారి వివాహవర్ణన కూడా క్లుప్తంగానే సాగింది.*
*సీతారాములు ఆదర్శదంపతులు ఇప్పటికీ వివాహ ఆహ్వాన పత్రికలలో*
*జానక్యాః కమలాంజలిపుటే యాః పద్మరాగయితాః*
*న్యస్తా రాఘవమస్తకే చ విలసత్ కుంద* *ప్రసూనాయితాః*
*ప్రస్తాః శ్యామల కాయకాంతి కలితా యా ఇంద్రనీలాయితాః*
*ముక్తాస్తా శుభదా భవంతు భవతాం శ్రీరామ వైవాహికాః!*
*అనే ప్రసిద్ధశ్లోకాన్ని ప్రచురిస్తున్నారు.*
*┈┉━❀꧁మాత్రేనమః꧂❀━┉┈*
*ఆధ్యాత్మిక అన్వేషకులు*
🍁🌹🍁 🙏🕉️🙏 🍁🌹🍁
