വികസന മുന്നേറ്റ ജാഥയുടെ മലമ്പുഴ, പാലക്കാട്‌ മണ്ഡലങ്ങളുടെ സംയുക്ത സ്വീകരണം . ആവേശത്തിന്റെ അണകെട്ടി മലമ്പുഴ സ്വീകരിക്കുമ്പോൾ, ആശങ്കയുടെ ചോദ്യചിഹ്നമായി പാലക്കാട് മാറുകയാണ്. കോൺഗ്രസിന്റെ ഔദ്യോഗിക ചിഹ്നത്തിൽ വിജയിച്ച് എംഎൽഎ ആയ ഒരാൾ അധികാരത്തിന്റെ സകല സൗഭാഗ്യങ്ങളും കീഴ്പ്പെടുത്തുന്നതിനും സ്ത്രീശക്തിയെ ദുർബലമാക്കുന്നതിനും നിരന്തരം ഉപയോഗിച്ചു. പൊതുപ്രവർത്തകൻ എന്ന നിലയിൽ പാലിക്കേണ്ട യാതൊരു മര്യാദയും പാലിച്ചില്ലെന്ന് മാത്രമല്ല, അയാളെ കയറൂരി വിടുന്ന സമീപനമാണ് പ്രതിപക്ഷം എന്ന നിലയിൽ കോൺഗ്രസ് സ്വീകരിച്ചത്. ഇത് കേരളത്തിലെ സ്ത്രീ സമൂഹത്തിനെതിരെ ഉയരുന്ന ഏറ്റവും പ്രധാനപ്പെട്ട ചോദ്യമാണ്. അന്തിമനിമിഷം വരെ സംരക്ഷിച്ച് തെരഞ്ഞെടുപ്പ് അടുക്കുന്ന സാഹചര്യം വരുമ്പോൾ മാത്രം പുറത്താക്കുന്ന നടപടിയാണ് കോൺഗ്രസ് കൈക്കൊണ്ടത്. അധികാരത്തിലെത്തിയാൽ ഇതിലും നീചമായ വേട്ടയ്ക്ക് കോൺഗ്രസ് കളമൊരുക്കും. അതിനെ ഏതു വിധേനയും പ്രതിരോധിച്ച പറ്റൂ.. സ്ത്രീ ശാക്തീകരണത്തിന് പ്രാധാന്യം നൽകി ഇടതുപക്ഷം മുന്നോട്ടു പോകുമ്പോൾ അതിനെയെല്ലാം പിന്തിരിപ്പിച്ച് നൂറ്റാണ്ടുകൾ പിറകിലേക്ക് വലിക്കുന്ന കോൺഗ്രസിന്റെ അടിമത്ത രാഷ്ട്രീയത്തിനെതിരെ നിതാന്ത ജാഗ്രത പാലക്കാട് ജനാവലി സ്വീകരിക്കുകയാണ്. വികസന മുന്നേറ്റ ജാഥയെ രാഷ്ട്രീയ പ്രതിരോധമായി കണ്ട് പാലക്കാട് സ്വീകരിച്ചു #🆕 ലേറ്റസ്റ്റ് അപ്ഡേറ്റ്