అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Thursday, February 19 🌷🌷🌷 *''ఇశ్రాయేలీయులు యెహోవా చేత సెలవు పొందకయే వారి ఆహారములో కొంత పుచ్చుకొనిరి'' (యెహోషువ 9:14).* యెహోషువ మరియు ప్రజలు దీనులుగా భయముతోనున్న గిబియోనీయులతో ప్రమాణము చేయుటలో ఏ మాత్రము హాని ఉండదని తలంచి ప్రమాణము చేసిరి. కావున వారు దేవుని యుద్ధ సంప్రదించకునే బ్రతిమాలాడుచున్న గిబియోనీయులకు జాలి, దయ చూపించగోరి, వారిని నాశనము చేయమని నిబంధన చేసిరి. యెహోషువ మరియు ఇశ్రాయేలు ప్రజలు గిబియోనీయుల విషయమై దేవుని యొద్ద విచారించి, ఆయన చిత్తమును ఎరుగుటలో తప్పిపోయినట్లు మనము కూడ ఎంతో తరచుగా దేవుని నుండి నడుపుదలను వెదకుటలో తప్పిపోవుదుము. ప్రభువు ద్వారా నడిదపించబడుట దేవుని పిల్లల యొక్క ఆధిక్యత. ఆయన ''నీ మీద దృష్టి యుంచి నీకు ఆలోచన చెప్పెదను'' అని వాగ్ధానము చేసెను (కీర్తన 32:8). మనకందరికి గంభీరమైన హెచ్చరిక. ఏదైనను తీర్మానము చేయుటకు ముందు, ఏమైనను చేయుటకు ముందు, అది కుటుంబ సంబంధమైన, లేక వివాహ సంబంధమైన, లేక ఉద్యోగ సంబంధమైన విషయమైనను మనము నష్టపరచబడకుండ, అవమానపరచ బడకుండు నిమిత్తము నడిపింపుకొరకు ప్రభువు యొద్దకు వెళ్ళుటకు జాగ్రత్త వహించవలెను. కొందరు చిన్న విషయములకు కూడా ప్రభువు యొద్దకు వెళ్ళవలెనా? అని ఆశ్చర్యపడవచ్చును. జ్ఞాపకముంచుకొనుడి, యెహోషువ కూడా గిబియోనీయుల విషయమైన ఇదే అనుమానాస్పదమైన తలంపును తలంచెను. దేవుని ప్రజలముగా, మన బంధువులు, మన స్వత తెగవారు, మన స్నేహితులు, లేక ఇరుగు పొరుగువారు, లేక మరి ఇంకెవరి ద్వారానైనను నడిపించబడకుండునట్లు హెచ్చరిక తీసికొందము. కేవలము దేవుని వాక్యము, పరిశుద్ధాత్మ మరియు దేవుని స్వరము ద్వారా మాత్రమే నడదిపించబడవలెను. దేవుని చిత్తమును కనుగొనుటకు ఒకవేళ ఒక దినముగాని, ఒక వారముగాని, ఐదు సంవత్సరములు గాని, పది సంవత్సరములు గాని, లేక ఇంకా ఎక్కువ గాని పట్టవచ్చును. అది ఎంత కాలమైనప్పటికిని, ఆయన నీతో మాట్లాడుటకు ఇష్టపడునంత వరకు ఓపికతో వేచియుండుము. దాని నిమిత్తము పదే పదే ఉదయము, మధ్యాహ్నము, రాత్రి మరియు ప్రతి దినము ప్రార్థించుము. లేనియెడల మీరు, మీ పిల్లలు నష్టపోవుదురు. ఈ నష్టము అనేక రీతులుగా ఉండవచ్చును. మొట్టమొదటిగా, నీవు ఆత్మీయముగా గ్రుడ్డివాడవగుదువు. నీవు దేవుని వాక్యమును అర్థము చేసికొనలేవు. నీవు ఎంత మాత్రమును ప్రార్థనయందు ఆనందమును అనుభవించలేవు. నీ ఆత్మీయ వినికిడిలో మందుడవైనందున, నీవు దేవుని స్వరమును వినలేవు. శత్రువు నీ జీవితములో ఇంకా, ఇంకా అధికముగా స్థలమును సంపాదించుకొనుచు ఉందును. ప్రభువు భూమిమీదనున్న జనములందరికంటె నిన్ను అత్యధికముగా హెచ్చించుటకు పరలోక స్వాస్థ్యమును నీకివ్వవలెనని కోరుచున్నాడు. ఆయన తనకున్నదంతయు, తన రాజ్యమును, తన అధికారమును నీకివ్వగోరుచున్నాడు. అందుచేతనే కొన్నిసార్లు ఆయన నిన్ను వేచియుండునట్లుగా చేయును. దేవుని యొద్ద నుండి నీవు సమస్తమును పొందగోరుచున్న యెడల శత్రువు కొరకు వెనుక ఒక డెక్క కూడ విడువకుండుటకు నీవు నేర్చుకొనవలెను. నీవు ప్రతి దానిలోను దేవునిచేత నడిపించబడవలెను. ప్రభువు నుండిద పదే పదే హెచ్చరించబడుచున్నప్పటికి అనేకమంది తలిదండ్రులు తమ పిల్లల భవిష్యత్తు విషయమై పొరబాట్లు చేయుచు, మోసపోవుచుండుట ఎంత విచారకరమైన విషయము! కొన్నిసార్లు వారు తమ కుమార్తెలు పెద్దవారైపోవుచున్నారు. వారిని ఎవరును వివాహము చేసికొనరని భయపడుదురు. కావున వారు దేవుని యొద్ద సలహా అడుగకుండానే త్వరపడిద అవిశ్వాసులతో వివాహము చేయుదురు, వివాహమైన పిమ్మట కుమార్తెలు తమ భర్తలను మార్చుకొనగలరని వాదించుదురు. మీరు అలాగున చేసినయెడల మీరు, మీ కుటుంబము మరియు మీ కుమార్తె అనేక సంవత్సరములు కష్టపడవలసివచ్చును, మీకు ఎంతో దు:ఖము కలుగునని మేము ఎంతో విచారముతో మిమ్మును హెచ్చరించుచున్నాము. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com