#ਪੁਰਾਣੇ ਸਮਿਆਂ ਦੌਰਾਨ ਵਿਆਹਾਂ ਦੀਆਂ ਢੇਰ ਸਾਰੀਆਂ ਰਸਮਾਂ ਹੁੰਦੀਆਂ ਸਨ ਜੋ ਕਿ ਹੁਣ ਸਿੱਮਟ ਕੇ ਬਹੁਤ ਥੋੜੀਆਂ ਰਹਿ ਗਈਆਂ ਹਨ । ਪੁਰਾਣੇ ਜ਼ਮਾਨਿਆਂ ਵਿੱਚ ਕਈ ਕਈ ਦਿਨ ਵਿਆਹ ਚੱਲਦੇ ਰਹਿੰਦੇ ਸਨ । ਮਹੀਨਾਂ 2 ਮਹੀਨੇ ਪਹਿਲਾਂ ਲਾਗੀਆਂ ਰਾਹੀਂ ਵਿਆਹ ਦੀਆਂ ਗੰਢਾਂ ਭੇਜੀਆਂ ਜਾਂਦੀਆਂ ਸਨ । ਜਿੰਨਾਂ ਵਿੱਚ ਆਪਣੀ-ਆਪਣੀ ਪਹੁੰਚ ਅਨੁਸਾਰ ਗੁੜ, ਬੂੰਦੀ ਅਤੇ ਲੱਡੂ ਹੁੰਦੇ ਸਨ । ਵਿਆਹਾਂ ਤੇ ਜੇ ਕੋਈ ਰਿਸ਼ਤੇਦਾਰ ਰੁਸਿਆ ਵੀ ਹੁੰਦਾ ਸੀ ਤਾਂ ਉਸ ਨੂੰ ਕਈ ਵਾਰ ਲਾਗੀ ਦੀ ਬਜਾਏ ਘਰ ਦਾ ਮੁਖੀਆ ਆਪ ਜਾ ਕੇ ਗੰਢ ਦੇ ਕੇ ਆਉਂਦਾ ਸੀ । ਜਿਸ ਤੇ ਰੁਸਿਆ ਹੋਇਆ ਸਾਰਾ ਪਰਿਵਾਰ ਗੱਡਿਆਂ ਤੇ ਸਵਾਰ ਹੋ ਕੇ ਕੁੱਝ ਦਿਨ ਪਹਿਲਾਂ ਹੀ ਵਿਆਹ ਵਾਲੇ ਘਰ ਪਹੁੰਚ ਜਾਂਦਾ । ਫਿਰ ਸਾਰੇ ਰਿਸ਼ਤੇਦਾਰ ਇਕੱਠੇ ਹੋ ਕੇ ਆਪੋ ਆਪਣੀਆਂ ਕਈ ਵਿਆਹ ਦੀਆਂ ਰਸਮਾਂ ਕਰਦੇ । ਜ਼ਨਾਨੀਆਂ ਆਪਣੇ ਗੁੱਸੇ ਗਿਲਿਆਂ ਨੂੰ #ਸਿੱਠਣੀਆਂ ਤੇ ਗੀਤਾਂ ਰਾਹੀਂ ਆਪਣੇ ਅੰਦਰੋਂ ਬਾਹਰ ਕੱਢ ਕੇ ਤਰੋਤਾਜ਼ਾ ਹੋ ਜਾਂਦੀਆਂ । ਦੂਜੇ ਪਾਸੇ ਬੰਦੇ ਵੀ ਘਰ ਦੀ ਕੱਢੀ ਦੇਸੀ ਦਾਰੂ ਦੇ #ਹਾੜੇ ( ਪੈਗ ) ਮਾਰ ਕੇ ਰਿਸ਼ਤੇਦਾਰੀਆਂ ਨਵੀਆਂ ਕਰ ਲੈਂਦੇ । #ਪਰ ਅੱਜ ਕੱਲ੍ਹ ਦੇ ਨਵੇਂ ਜ਼ਮਾਨੇ ਵਿੱਚ ਰੁੱਸੇ ਹੋਏ ਰਿਸ਼ਤੇਦਾਰਾਂ ਨੂੰ ਇਹ ਦੱਸਣ ਲਈ ਕੋਈ ਨਾ ਕੋਈ ਪ੍ਰੋਗਰਾਮ, ਭਾਵੇਂ ਕਿਸੇ ਨਿਆਣੇ ਸਿਆਣੇ ਦਾ ਜਨਮ ਦਿਨ ਹੀ ਮਨਾਉਂਣਾ ਪਵੇ, ਰੁੱਸੇ ਹੋਏ ਰਿਸ਼ਤੇਦਾਰਾਂ ਨੂੰ ਨਾ ਬੁਲਾਅ ਕਿ ਇਹ ਚਿਤਾਰਿਆ ਜਾਂਦਾ ਹੈ ਕਿ ਅਸੀਂ ਤੇਰੇ ਤੋਂ ਬਿੰਨਾਂ ਵੀ ਸਾਰ ਸਕਦੇ ਹਾਂ । ਜੇ ਵਿਆਹਾਂ ਦੀ ਗੱਲ ਕਰੀਏ ਤਾਂ ਉਹ ਵੀ ਕੰਮ ਮੁਕਿਆ ਹੀ ਪਿਆ ਗੰਢਾਂ ਦੀ ਬਜਾਏ ਅੱਜ ਕੱਲ੍ਹ #ਵੱਟਸਐਪ ਤੇ ਹੀ ਕਾਰਡਾਂ ਵਾਲ਼ਾ ਕੰਮ ਅੱਧੇ ਘੰਟੇ ਵਿੱਚ ਖ਼ਤਮ ਤੇ ਫਿਰ ਵਿਆਹ ਵਾਲੇ ਦਿਨ ਸਵੇਰੇ ਮੈਰਿਜ਼ ਪੈਲੇਸਾਂ ਵਿੱਚ ਜਾ 4 ਵਜੇ ਵਿਆਹ ਵਾਲ਼ਾ ਕੰਮ ਤਿਮਾਂਮ ਕਰਕੇ ਸਭ ਘਰੋ ਘਰੀ ਪਹੁੰਚ ਜਾਂਦੇ ਹਨ । ਰਸਮਾਂ ਕਿਸ ਨੇ ਤੇ ਕਿਵੇਂ ਕਰਨੀਆਂ ? ਅਗਲੀ ਚਰਚਾ ਚੱਲਦੀ ਰਹੇਗੀ ਬਾਕੀ ਰੱਬ ਰਾਖਾ #📜 ਜਨਰਲ ਨੌਲਜ #☬ ਪੰਜਾਬ, ਪੰਜਾਬੀ ਤੇ ਪੰਜਾਬੀਅਤ ☬ #⌚ਪੁਰਾਣੇ ਪੰਜਾਬ ਦੀਆਂ ਯਾਦਾਂ 📷 #🌾ਪੰਜਾਬ ਦੇ ਪਿੰਡ #😍ਸਾਡਾ ਰੰਗਲਾ ਪੰਜਾਬ