*📖നേർവായന*
എപ്പിസോഡ് : 1343
ഇന്നത്തെ വിഷയം:
നോമ്പ് : സുപ്രധാനമായ പത്ത് കാര്യങ്ങൾ
▪️ ഭാഗം - 02
➖➖➖➖➖➖➖➖➖
🔲നബി ﷺ പറഞ്ഞു:
صُومُوا لِرُؤْيَتِهِ
(ചന്ദ്രപ്പിറവി) കണ്ടാൽ നിങ്ങൾ നോമ്പെടുക്കുക. [ബുഖാരി: 1909, മുസ്ലിം: 1081]
ശഅ്ബാൻ പൂർത്തിയാക്കുന്നതിൻ്റെ തെളിവ് നബി ﷺ യുടെ വചനമാണ്:
فَإِنْ غُمَّ عَلَيْكُمْ فَأَكْمِلُوا عِدَّةَ شَعْبَانَ ثَلَاثِينَ
ഇനി നിങ്ങൾക്ക് മേൽ (മേഘം മൂടിയത് കാരണം) അത് അവ്യക്തമായാൽ ശഅ്ബാൻ മുപ്പത് ദിവസമായി നിങ്ങൾ പൂർത്തിയാക്കുക. [ബുഖാരി: 1909]
➖➖➖➖➖➖➖➖
Join Our WhatsApp Group:
https://qr1.be/4M9V
➖➖➖➖➖➖➖➖
ഗോളശാസ്ത്രപരമായ കണക്കുകൂട്ടലുകൾ (ഹിസാബുൽ ഫലക്കി) നോമ്പ് ആരംഭിക്കാനോ അവസാനിപ്പിക്കാനോ പരിഗണിക്കാവതല്ല. അത് പ്രമാണങ്ങൾക്കും പണ്ഡിത ഏകോപനത്തിനും (ഇജ്മാഅ്) എതിരാണ്. നബി ﷺ നമ്മോട് കൽപ്പിച്ചത് “കണ്ടാൽ നോമ്പെടുക്കുക” എന്നാണ്. അല്ലാഹു ഈ ആരാധനയെ നമുക്ക് ലളിതമാക്കി തന്നിരിക്കുന്നു. കണ്ടാൽ നോൽക്കുക, കണ്ടില്ലെങ്കിൽ ശഅ്ബാൻ മുപ്പത് പൂർത്തിയാക്കുക.
നബി ﷺ പറഞ്ഞു:
هَلَكَ الْمُتَنَطِّعُونَ
അനാവശ്യമായി സൂക്ഷ്മത നടിക്കുന്നവർ (മതത്തിൽ കടുപ്പിക്കുന്നവർ) നശിച്ചിരിക്കുന്നു. [മുസ്ലിം: 2670]
➖➖➖➖➖➖➖➖
Join Our Telegram:
https://t.me/DailyNervazhi
➖➖➖➖➖➖➖➖
ജനങ്ങളെ ഗോളശാസ്ത്ര കണക്കുകൾ അനുസരിക്കാൻ നിർബന്ധിക്കുന്നത് മതത്തിൽ കാഠിന്യം വരുത്തലാണ്. നോമ്പിനും പെരുന്നാളിനും ഗോളശാസ്ത്ര കണക്കുകളെ അവലംബിക്കാൻ പാടില്ല എന്നതിൽ ഇമാം ഖറാഫി (رَحِمَهُ ٱللّٰهُ), ശൈഖുൽ ഇസ്ലാം ഇബ്നു തൈമിയ്യ (رَحِمَهُ ٱللّٰهُ) തുടങ്ങി അനേകം പണ്ഡിതന്മാർ ഏകോപനം രേഖപ്പെടുത്തിയിട്ടുണ്ട്.
➖➖➖➖➖➖➖➖
Join Our Facebook Group:
https://www.facebook.com/WisdomMediaChannel/
➖➖➖➖➖➖➖➖
രണ്ടാം വിഷയം: സംശയമുള്ള ദിവസം നോമ്പെടുക്കൽ (صوم يوم الشك)
ശഅ്ബാൻ മുപ്പതിനാണ് ‘യൗമുശ്ശക്ക്’ (സംശയമുള്ള ദിവസം) എന്ന് പറയുന്നത്. മാസപ്പിറവി കാണുന്നതിൽ എന്തെങ്കിലും പിഴവുകളോ, അല്ലെങ്കിൽ ആകാശം മേഘാവൃതമായത് കൊണ്ട് ചന്ദ്രൻ ഉണ്ടായേക്കാം എന്ന സാധ്യതയോ പരിഗണിച്ച് ഒരു മുൻകരുതൽ എന്ന നിലയ്ക്ക് അന്നേ ദിവസം നോമ്പെടുക്കാൻ പാടുണ്ടോ?
ഉത്തരം: സംശയമുള്ള ദിവസം നോമ്പെടുക്കൽ അനുവദനീയമല്ല. മറിച്ച് അത് ഹറാമാണ് എന്നതാണ് പണ്ഡിതന്മാരുടെ ശരിയായ അഭിപ്രായം. അമ്മാർ ബിൻ യാസിർ (رَضِيَ ٱللّٰهُ عَنْهُ) പറഞ്ഞതാണ് ഇതിന് തെളിവ്:
مَنْ صَامَ الْيَوْمَ الَّذِي يُشَكُّ فِيهِ فَقَدْ عَصَى أَبَا الْقَاسِمِ
ആരെങ്കിലും സംശയമുള്ള ദിവസം നോമ്പെടുത്താൽ അവൻ അബുൽ ഖാസിമിനോട് (നബി ﷺ യോട്) അനുസരണക്കേട് കാണിച്ചിരിക്കുന്നു. [തിർമിദി: 686, നസാഇ: 2188]
➖➖➖➖➖➖➖➖➖
Source: Kanzul uloom
#wisdomyouth #harisbinsaleem #peaceradio