*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷ఫిబ్రవరి 17🌷🌷* *"..మృతులలో నుండి లేపిన సమాధాన కర్తయగు దేవుడు" ( హెబ్రీ. 13:20)* శిష్యులు యెరూషలేములో ఒక గదిలో చేరి కూడియున్నప్పుడు తిరిగి లేచిన ప్రభువు ఈస్టరు సాయంకాలముననే అయిదవసారి వారికి ప్రత్యక్షమయ్యెను. వారు ఇంటి తలుపులు మూసికొని యుండగా ప్రభువు లోపలికి వచ్చి, వారి మధ్యను నిలిచెను. ఆయన మొదటి మాటలు ఏమనగా, " మీకు సమాధానము కలుగును గాక" ( యోహాను 20:19) 21 వ వచనము లో కూడా ఆయన ఈ మాటలు చెప్పెను, గనుక మన సమాధానమును కాపాడుకొనుట ద్వారానే ఆయన పునరుర్ధాన శక్తిని ఎడతెగక అనుభవించగలమని ఇది మనకు చూపుచున్నది. *శత్రువు మన చెంతకు వచ్చి, మన సమాధానమును కలత పరచును. దీనిని బట్టి అంతమున వాడు మన హృదయములోనికి అన్ని విధములైన భయములు, సందేహములు, మోసయుక్తమైన, శరీర సంబంధమైన శోధనలను తీసికొనివచ్చును. అయితే మనలను మనము తగ్గించుకొని, ఆయన ప్రశస్త రక్తము యొక్క శుద్ధీకరణ శక్తిని మనము ఎడతెగక కోరుకొను కొలది సమస్త జ్ఞానమునకు మించిన ఆయన గొప్ప సమాధానమును అనుభవించగలము.* దేవుని వాక్యము ఈలాగున చెప్పుచున్నది, " నీ ధర్మ శాస్త్రమును ప్రేమించువారికి ఎంతో నెమ్మది కలదు వారు తూలి తొట్రిల్లుటకు కారణమేమియు లేదు" (కీర్తన 119:165) మరియు " సమాధాన కర్తయగు దేవుడు సాతానును మీ కాళ్ళ క్రింద శీఘ్రముగా చితుక త్రొక్కించును" (రోమా 16:20) మనము ఎంతగా సమాధానమును కలిగియుందుమో అంతగా శత్రువు యొక్క ప్రతి విధమైన దాడిపై విజయమును పొందగలము. అయితే శత్రువు మన సమాధానమును మన నుండి అపహరించుటకు మనము అనుమతించక, ఈ సమాధానమును మన హృదయములలో ఏలనిచ్చి , నదివలె ప్రవహించుటకు మన విశ్వాసమును అత్యంత బలముగా అభ్యాసము చేసికొనవలెను. అట్టి పరిస్థితిలో మనము ఆయన కృప ద్వారా, దీనత్వముతో దేనినైనను దేవునితోను, మనుష్యులతోను వెంటనే సరిచేసి కొనగలము. వృద్ధి చెందుచున్న, అధిక మగుచున్న, అంతరంగ, ఈ ఆత్మీయ సమాధానము ద్వారా ఆయన చిత్తమును గురించిన నిశ్చయతను కలిగి యుండగలము. మనము ఈ అంతరంగ సమాధానమును కలిగి యున్నప్పుడే ఆయన మనలను ఎక్కడికి పంపినను వెళ్ళుటకు ఇష్టపడుదుము. మరియు ఆయన మహిమార్థము ఏ ప్రశ్న వేయకుండా ఆయన కోరినదంతయు ఇచ్చుటకు సిద్ధముగా ఉండెదము.. ఆయన శిష్యులతో ఈ మాట చెప్పి వారి మీద ఊది " పరిశుద్ధాత్మను పొందుడి" అనెను (యోహాను 20:22) మనము ఆయనకు లోబడు కొలది, ఆయన ఆజ్ఞలను మనము సంతోషముగా నెరవేర్చుటకు ఆయన తాజాగా పరిశుద్ధాత్మతో మనలను అభిషేకించును. Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝