*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷మార్చి 3🌷🌷* *"మీరు అవిశ్వాసులతో జోడుగా ఉండకుడి. నీతికి దుర్ణీతితో ఏమి సాంగత్యము? వెలుగునకు చీకటితో ఏమి పొత్తు?"* *(2 కొరింతి 6:14)* మనము దేవుని స్వకీయజనము గనుక మన పిలుపుకు, పనికి తగినట్లుగా మనము జీవించవలెను. "ఏలయనగా నీ దేవుడైన యెహోవాకు నీవు ప్రతిష్ఠిత జనము. మరియు యెహోవా భూమి మీద నున్న సమస్త జనములలో విశేషముగా తనకు స్వకీయ జనమగునట్లు నిన్ను ఏర్పరచుకొనెను" (ద్వితీయో. 14:2) మన సంభాషణ ద్వారా, మన జీవన విధానము ద్వారా మనము దేవుని సొత్తయినవారమని, ఆయన స్వకీయ జనమని కనబరచుకొనవలెను. ఆ వర్తమానముతోనే ఇశ్రాయేలు ప్రజలు ఐగుప్తులో నుండి వెలుపలికి వచ్చిరి. వారు ఐగుప్తు నుండి బయటకు వచ్చిన వెంటనే దేవుడు ఈ మాటలను మోషే ద్వారా పలికెను, "కాగా మీరు నా మాట శ్రద్ధగా విని నా నిబంధన ననుసరించి నడిచిన యెడల మీరు సమస్త దేశజనులలో నాకు స్వకీయ సంపాద్యమగుదురు. సమస్తభూమియు నాదే గదా. మీరు నాకు యాజకరూపమైన రాజ్యముగాను, పరిశుద్ధమైన జనముగాను ఉందురని చెప్పుము" (నిర్గమ 19:5,6) ఇదే విషయమును మనము 1 పేతురు 2:9 లో చదువుదుము, "మీరు దేవుని సొత్తయిన ప్రజలు", దేవుని సొత్తయిన ప్రజలు అనుమాటకు మార్జిన్ లో "కొనబడిన ప్రజలు" అని ఉన్నది. ప్రభువు మనలను కొనుట వలన మనమాయనకు చెందుదుము. ఇదే తలంపును 1 కొరింతి 6:20 లో చూచుచున్నాము. "విలువబెట్టి కొనబడినవారు గనుక మీ దేహముతో దేవుని మహిమ పరచుడి." ఆయన మహిమను కనబరచు ప్రజలముగా నుండుటకు మనము కొనబడితిమి. మనము ప్రత్యేకించబడిన జీవితము జీవించవలసి యున్నది. *ద్వితీయో. 13: 6-9 లలో అవిశ్వాసులను వివాహము చేసికొనువారికి గంభీరమైన హెచ్చరిక గలదు. విశ్వాసుల మధ్య ఇది సామాన్యమైన బలహీనతగాను, శోధనగాను ఉన్నది. నెమ్మదిగా వారిని ప్రభువు వైపు త్రిప్పవచ్చును లేక ఆకర్షించవచ్చునను ఉద్దేశ్యముతో వారు అవిశ్వాసులను వివాహము చేసికొందురు. దానికి బదులుగా వారే అవిశ్వాసులైన తమ పాలిభాగస్థుల ద్వారా వారి జీవన విధానము వైపు ఆకర్షించబడుదురు. రహస్యముగా వారితో కలిసి సినిమాలకు వెళ్లుదురు. నెమ్మదిగా వారితో కలసి లోక సంబంధులైన వారితో కలిసిపోవుదురు. వారి దేవాలయములకు కూడా వెళ్ళుటకు ప్రారంభించుదురు. మొదట రహస్యముగా ఈ కార్యములు చేయుదురు. ఆ తరువాత దేవుని ఇంటికి వచ్చుట పూర్తిగా మాని వేయుదురు. దేవుడు నీకు ఖండితంగా, కఠినమైన హెచ్చరిక నిచ్చుచున్నాడు. శత్రువు నిన్ను మోసగించనీయకుము. నీ పరలోక స్వాస్థ్యమును, పాలిభాగమును శత్రువు అపహరించనీయకుము.* దేవుని వాక్యము ఈ విధముగా చెప్పుచున్నది, 'రాళ్లతో వారిని చావగొట్టవలెను. ఏలయనగా ఐగుప్తు దేశములో నుండియు దాస్య గృహములో నుండియు నిన్ను రప్పించిన నీ దేవుడైన యెహోవా యొద్ద నుండి వారు నిన్ను తొలగింప యత్నించెదరు" (ద్వితీ. 13:10) చాలామంది విశ్వాసులు అన్యులచేత మోసగించబడిరి (12-14 వచనములు) *పిల్లలు జన్మించినప్పుడు, వివాహ సందర్భములలోను, సమాధి సమయములోను చాలామంది విశ్వాసులు అన్యజనుల ఆచారములు అనుసరించుదురు. వారు ఆ విధముగా చేయుటకు కారణము, అవిశ్వాసులతో విజ్జోడు గా నుండుటయే. కొందరు విశ్వాసులనుసరించు, ఈ అన్యఆచారములను దేవుడు ద్వేషించును. దేవుని వాక్యమే మన మార్గదర్శి. దేవుని సంపూర్ణతను, ఆయన పాలిభాగమును మనము సంపూర్ణముగా అనుభవించవలెననిన మనము సంపూర్ణముగా ప్రత్యేక జీవితమును జీవించవలెను.* మన జీవితములలో, కుటుంబములలో అన్ని రకములైన సంప్రదాయములు ఆచారములు పూర్తిగా విడచిపెట్టవలెను. "నీ దేవుడైన యెహోవా దృష్టికి యదార్ధమైన దాని చేయుచు, నీ దేవుడైన యెహోవా మాట వినునప్పుడు యెహోవా తన కోపాగ్ని నుండి మళ్లుకొని నీ యందు కనికరపడి నిన్ను కరుణించి నీ పితరులతో ప్రమాణము చేసిన రీతిని నిన్ను విస్తరింపజేయునట్లు, నిర్మూలము చేయవలసిన దానిలో కొంచెమైనను నీ యొద్ద ఉంచుకొనకూడదు" (ద్వితీయో. 13:18) నీ మార్గమంతటిలో ఆయనను అనుసరించుటకు కావలసిన కృపను, బలమును, ధైర్యమును దయచేయుమని ప్రభువును అడుగుము. Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝