అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Thursday, February 5 🌷🌷🌷 *''రండి... మనలను సృజించిన యెహోవా సన్నిధిని మోకరించుదము'' (కీర్తనలు 95:7).* దానియేలు ఉన్నత స్థానమునకు హెచ్చించబడెను. అతని శత్రువులు అతనికి విరోధముగా ఉన్నను దేవుడు అతనిని ఉన్నత పదవికి హెచ్చించెను. శత్రువు కార్యమును బట్టి నిరాశ చెందకుము. ప్రభువు నిన్ను హెచ్చించుటకు అదే పరిస్థితులను వాడును. శత్రువు నిన్ను క్రిందికి పడద్రోయుటకు ప్రయత్నించును. అయితే నీవు ఈ లోక సంబంధమైన దేవతలకు సాగిలపడుటకు నిరాకరించి, దేవుని ఘనపరచిన యెడల ఆయన నిన్ను ఉన్నతముగా హెచ్చించును. ఇప్పుడు దానియేలునకు మాదీయుల, పారశీకుల రాజ్యములో ఉన్నత స్థానము, అనగా వారి రాజ్యములో 120 మంది అధిపతులపైన ప్రధాన అధిపతి స్థానమివ్వబడెను. అతని శత్రువుల యొక్క అసూయ ఇంకను అధికమయ్యెను. నీవు వివిధ స్థలములలో కష్టపడి పనిచేయుచు, నమ్మకమైన మరియు యథార్థమైన జీవితమును జీవించుచు, దేవుని దయను అనుభవించుచు, లంచము తీసికొనుటకు లేక రాజు భోజనమును భుజించుటకు నిరాకరించినప్పుడు నీ జతపనివారు నీకు విరోధముగా ఏకముగా కూడుదురని నిన్ను ముందుగానే నేను హెచ్చరించుచున్నాను. అనేక దుష్ట పన్నాగములు, దూషణలు మరియు ఇతర విధానముల ద్వారా భక్తిహీనులైన నీ స్వంత బంధువులే నిన్ను హింసించుదురు. వారు నిన్ను క్రిందికి పడద్రోయగలిగిన యెడల ఏదో ఒక రీతిగా తప్పక అలాగున చేయుదురు. దానియేలు యొక్క శత్రువులు అతని ఉన్న స్థానము నుండి అతనిని క్రిందికి పడద్రోయగోరిరి. వారు ఎంతో యుక్తిగా ఒక పన్నాగము పన్నిరి. అయితే దానియేలు దినమునకు ముమ్మారు ప్రార్థించుచుండెను (దానియేలు 6:10). చెప్పుటకు విచారకరము, మనలో అనేకులు మోకరించుటకు సిగ్గుపడుదురు. మన హృదయములలో ఈలాగున అనుకొనెదము, ''నేను మోకరించిన యెడల అతడు లేక ఆమె ఏమనుకొనెదరు? దేవునికి నా హృదయము తెలియును గనుక నేను కూర్చుండి ప్రార్థించెదను''. కొందరు యౌవనస్థులు, కొంచెము డబ్బు సంపాదించువారు కూడా మోకరించుటకు సిగ్గుపడుదురు. వారెంత గర్వముగా ఉండెదరనగా సర్వశక్తుడైన దేవుని సన్నిధిలో కూర్చుండెదరు. దానిని నీవు ప్రార్థన అని పిలిచెదవా? ఓ బుద్ధిహీనమైన, గ్రుడ్డి ప్రజలారా! మీ సృష్టికర్త, మీ దేవుని యెదుట మోకరించుటకు నిరాకరించుదురా? నీవు కష్టములో ఉన్నప్పుడు కనికరము కొరకై ఆయనకు మొర్రపెట్టుదువు. నీవు హెచ్చింపు కోరినప్పుడు, ఎవరైనను వ్యాధితో ఉన్నప్పుడు నీవు ప్రార్థన కోరుదువు. అయితే నీ దేవుడు, నీ రక్షకుని యెదుట మోకరించుటకు మాత్రము నిరాకరించుదువు. దానియేలు దినమునకు ముమ్మారు ప్రార్థించుచు వచ్చెను. ఉన్నత అధికారులందరు అతనిని పట్టుకొనిపోయి గుహలో సింహముల యెదుట పడద్రోసిరి. అయితే దేవుడు వాటి నోళ్లను మూయుటకు తన దూతను పంపెను. దానియేలు, ఒక పరలోకపు రాజువలె సింహములన్నియు అతని చుట్టు చేరి, సింహములు సహితము అతని యెదుట మోకరించినట్లుగా ఉండెను. నీ యెదుట అపవిత్రాత్మలన్నియు సాగిలపడును. ఇప్పుడు నీవు లోపకము యెదట సాగిలపడుటకు నిరాకరించిన యెడల ఈ లోకములో మనుష్యులు నిన్ను అపహసించవచ్చును. అయితే ఒక దినము వచ్చును. అప్పుడు అపవిత్రాత్మలన్నియు నీ యెదుట సాగిలపడును. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com