#😍 ഏറ്റവും മനോഹരമായ എട്ട് മണിക്കൂര്‍; ഡേറ്റിങ് അനുഭവം പങ്കിട്ട് നടി പാര്‍വതി അമേരിക്കൻ സന്ദർശനത്തിനിടെയുണ്ടായ തന്റെ ആദ്യ ഡേറ്റിങ് അനുഭവത്തെക്കുറിച്ച് മനസ്സ് തുറന്ന് നടി പാർവതി തിരുവോത്ത്. 2021-ലെ ബ്രേക്കപ്പിന് ശേഷം മൂന്ന് വർഷത്തോളം സിംഗിൾ ആയിരുന്ന തനിക്ക്, ഒരു സുഹൃത്തിന്റെ നിർബന്ധപ്രകാരമാണ് ഡേറ്റിങ് ആപ്പുകളിൽ അക്കൗണ്ട് തുടങ്ങേണ്ടി വന്നതെന്ന് താരം പറയുന്നു. ​"ലോസ് ആഞ്ചലസിലെത്തിയപ്പോൾ 'ഫീൽഡ്' എന്ന ആപ്പ് പരീക്ഷിക്കാൻ തീരുമാനിച്ചു. അവിടെ വച്ച് കണ്ടുമുട്ടിയ ഒരാൾക്ക് ഒട്ടും വൈകാതെ തന്നെ മെസേജ് അയച്ചു. ദിവസങ്ങളോളം ചാറ്റ് ചെയ്യുന്ന പതിവ് എനിക്കില്ലാത്തതുകൊണ്ട് നേരിട്ട് കാപ്പി കുടിക്കാൻ വരുന്നുണ്ടോ എന്ന് ഞാൻ ചോദിച്ചു. നിക്രാഗ്വൻ വംശജനായ അവൻ ഒരു എൻജിനീയറും സ്റ്റാൻഡ് അപ്പ് കൊമേഡിയനുമായിരുന്നു. സുരക്ഷ മുൻനിർത്തി കാപ്പിക്ക് പകരം സിനിമയ്ക്ക് പോകാമെന്ന് ഞാൻ നിർദ്ദേശിച്ചു. അങ്ങനെ 'കൈൻഡ്‌സ് ഓഫ് കൈൻഡ്‌നെസ്' എന്ന സിനിമ കണ്ടുകൊണ്ടായിരുന്നു ഞങ്ങളുടെ ആ ഡേറ്റിങ്," പാർവതി വിവരിച്ചു.