*_@ధర్మం /అధర్మం_*
*నువ్వు మహా ధర్మాత్ముడివి అంటారే నీ తండ్రి దశరథ మహారాజుని సత్యము నందు నిలబెట్టడానికి అరణ్యానికి వచ్చావని చెప్తారే.?*
*నేను వేరే వాళ్ళతో యుద్ధం చేస్తుంటే ఒక చెట్టు చాటు నుండి బాణంతో కొట్టడానికి నీకు సిగ్గుగా లేదా రామా.?అసలు ఏ విషయంలోనూ నీకు నాకూ గొడవ లేదే నేను మీ రాజ్యంలోకి రాలేదే, నువ్వే మా రాజ్యంలోకి వచ్చావ్. నేను చెట్టు ఆకుల్ని, ఫలాల్ని తినే శాఖా మృగాన్ని నువ్వు మనుష్యుడివి. ధర్మం అనే తొడుగు కప్పుకున్న మహా పాపాత్ముడివి నీ భార్యని అపహారించిన రావణుడు నా కింకరుడు నువ్వు నాకు చెప్తే రావణున్ని ఒక పశువుని తెచ్చినట్టు నీ కాళ్ళ దగ్గర పడేసేవాడిని. అలా చేయకుండా నన్నే గెలవలేని సుగ్రీవుడిని ఆశ్రయించి సీతమ్మని తీసుకురావాలని ప్రయత్నించావ్. సుగ్రీవుడికోసం నన్ను చంపావ్ ఇది కిరాయి హత్య కాదా.? ఏ కారణం లేకుండా నన్ను బాణంతో ఎందుకు కొట్టావ్ నువ్వు చేసింది దోషాలు కావా నాకు జవాబు చెప్పు అని వాలి రాముడిని అడిగాడు.*
*దానికి రాముడు ఇలా చెప్పాడు. వాలి నీకు ధర్మం గురించి తెలీదు నీ తండ్రి మరణించే ముందు నిన్ను కిష్కిందకి రాజును చేసాడు నీ తమ్ముడు సుగ్రీవుడు నీకు కొడుకుతో సమానం. అలాంటి సుగ్రీవుడి భార్య నీకు కోడలుతో సమానం సుగ్రీవుడు బ్రతికి ఉన్నాడని తెలిసి కూడా అతని భార్య రుమతో నువ్వు కామ సుఖాల్ని పొందుతున్నావ్. ధర్మంశాస్త్రంలో దీనికి మరణ శిక్ష తప్ప ఇంకో శిక్ష లేదు నువ్వు పరిపాలిస్తున్న ఈ కిష్కింద రాజ్యం మా ఇక్ష్వాకు రాజ్యంలోకి వస్తుంది. అందుకే నిన్ను శిక్షించా లేదంటే నేను అధర్మం చేసిన వాడిని అవుతాను నువ్బు నాతో స్నేహం ఎందుకు చేయలేదు సుగ్రీవుడితో ఎందుకు చేసావ్ అన్నావ్ అధర్మాత్ముడితో నేను స్నేహం చేయను.*
*చెట్టు చాటు నుండి కనిపించకుండా చంపావ్ దోషం కాదా అన్నావ్ నేను మానవున్ని నువ్వు శాఖా మృగానివి జంతువువి. ఒక క్షత్రియుడు మృగాన్ని చంపాలంటే చాటు నుండి కొట్టచ్చు, వల వేసి కొట్టచ్చు, అప్రమత్తంగా ఉన్నా, పడుకుని ఉన్నా, తింటూ ఉన్నా ఎప్పుడైనా కొట్టచ్చు. కానీ ఒక స్త్రీ మృగంతో సంగమిస్తుంటే మాత్రం బాణ ప్రయోగం చేయకూడదు. నిన్ను ఎలా కొట్టినా నాకు పాపం రాదని కొట్టాను వాలి నువ్వు ఒక పిల్లాడు మాట్లాడినట్టు మాట్లాడుతున్నావ్ నీదే తప్పు అని రాముడు చెప్పాడు.*
*ఇదంతా విన్న వాలి మహానుభావా రామచంద్రా... నీది ఏ తప్పు లేదు నువ్వు ధర్మాత్ముడివి అని వాలి అన్నాడు...* #మన సంప్రదాయాలు సమాచారం