#నందమూరి తారక రామారావు వర్ధంతి *_ఆ రోజున అద్భుతం ఆగిపోయింది..!_* ఎన్టీఆర్ వర్ధంతి 18.01.1996 🌸🌸🌸🌸🌸🌸🌸 *అది..19.01.1996* ఆరోజు ఎందుకో ఎప్పటిలా తెల్లారిందని అనిపించలేదు.. ఏదో వెలితి.. ఎక్కడో ఏదో జరగరానిది జరిగిందని అనిపించింది.. ముందు రోజు రాత్రి నుంచే మొదలైంది మనసులో కలవరం..నిద్రపట్టక బయటికి వచ్చి ఆకాశం వైపు చూస్తుంటే *ఒక ధృవతార రాలిపోయినట్టు* క్షణమాత్రంలో అనిపించింది.. పొద్దున్నే ఈ అప్రశాంతత.. అంతలోనే తెలిసింది పిడుగులాంటి కబురు.. *_ఎన్టీఆర్ ఇక లేరని..!_* నిజమా..ఏం జరిగిందో.. ముందు రోజు రాత్రి పెద్దాయన ఇంట్లో చాలా జరిగాయని గుసగుసలు..పొద్దున్న టివిల్లో విపరీతమైన హడావిడి..సరే..ఏది నిజమైనా...ఏది వదంతైనా ఒక శకం..కాదు కాదు.. *_ఒక యుగం ముగిసిపోయింది.._* తన నటనతో శిఖరాగ్రానికి చేరుకుని..రాజకీయ విభవంతో చరిత్రను తిరగరాసిన *నందమూరి తారక రామారావు* అఖండ కీర్తిని.. చెరిగిపోని యశస్సును.. మూడు వందలకు పైగా సినిమాల ప్రశస్తిని.. ఇంతకు మునుపెవ్వరూ సాధించలేని ప్రజాభిమానాన్ని విడిచి భువిని వదిలి నింగికి తరలిపోయాడు. ఏమని వివరించాలి.. ఎన్నని చెప్పాలి.. _వెండితెర రాముడా.._ _చిలిపి కృష్ణుడా.._GVR _అహంకారి రావణుడా.._ _మానధనుడు సుయోధనుడా.._ _ఓరోరి మాయాజ్యూత_ _విజయా మదమదోన్మత్తా_ అంటూ కురుసభలో విరుచుకుపడిన _భీమసేనుడా.._ _స్త్రీలోలుడు కీచకుడా.._ _మహావీరుడు అర్జనుడా.._ అదే కిరీటికి మరో రూపమైన _బృహన్నలా.._ _కురువృద్ధుడు భీష్ముడా...!_ రాకుమారిని వరించిన *తోటరాముడా..* చెల్లి కోసం పరితపించి పోయిన అన్నా..నలుగురు దేవకన్యలను మనువాడిన *జగదేకవీరుడా*.. తండ్రికి ఇచ్చిన మాట కోసం మారువేషం కట్టి గుండమ్మకూతుర్ని పెళ్లాడిన *ఆంజనేయ ప్రసాద్..* *ఉరఫ్ అంజా..* భువనవిజయుడు *శ్రీకృష్ణ దేవరాయలా..* అందమైన *చంద్రగుప్తుడా*.. ముసలి *బడిపంతులా*.. *పోతులూరి* *వీరబ్రహ్మేంద్ర స్వామా..* ఆరేసుకోయి పారేసుకున్న *అడవిరాముడా..* మనవరాలిగా వేసిన పడుచుపిల్లతో ఆకు చాటు పిందె తడిసే అని గంతులేసిన *వేటగాడా..* పోలీస్ గెటప్పులో అదిరిపోయిన *కొండవీటిసింహమా..* న్యాయమూర్తి సెటప్పులో వెలిగిపోయిన *జస్టిస్ చౌదరీ* నా.. తానెవరో కొడుక్కి చెప్పలేక అల్లాడిపోయిన *సర్దార్ పాపారాయుడా..* ఎంతకని వర్ణించాలి..! రాసి మనం అలసిపోవాలి గాని వేసి పెద్దాయన డస్సిపోలేదు..*మనదేశం* నుంచి *నాదేశం* వరకు హిట్టు మీద హిట్టు కొట్టి.. ప్లాపులను పక్కకి నెట్టి నటుడిగా *విశ్వరూపం* ప్రదర్శించి..ప్రేక్షకుల హృదయాల్లో తనకంటూ దుర్భేద్యమైన *కంచుకోట* ను నిర్మించుకుని..1982 లో రాజకీయాల్లో అరంగేట్రం చేసి అక్కడా తానేమిటో నిరూపించుకున్న అనితరసాద్యుడు నందమూరి తారక రామారావు అనే *సమున్నత శిఖరం..!* _క్రమశిక్షణ ఆయన నైజం.._ _మడమ తిప్పని విధం_ _ఆయన పథం.._ _స్వరం ఆయన సంపద.._ ఏ గెటప్పులోనైనా ఇట్టే ఇమిడిపోయే _అద్భుతం ఆయన సొంతం.._ రాజీ పడకూడదన్నది _ఆయన పంతం.._ _గాంభీర్యం ఆయన తీరు.._ తెలుగునాట సంచలనం సృష్టించిన _చైతన్యరధం ఆయన తేరు..!_ ఒక్కో వ్యక్తి గురించి చెబుతూ నూటికో కోటికో ఒక్కరుగా పుడతారని అంటారు. కాని ఎన్టీఆర్ *_అంతకు మించిన అద్భుతం..విశేషం.._* అలాంటి ఓ వ్యక్తి *మళ్లీ పుట్టడు..* ఆయన ఒక్కడు.. *_చరిత్రలో ఒకే ఒక్కడు..!_* 🙏జయహో ఎన్టీఆర్ 🙏