శివ పంచాక్షరి నక్షత్రమాల స్తోత్రము (27 నక్షత్రముల కు ఆయా నక్షత్ర శ్లోకమును నిరంతరము జపించవచ్చు) శ్రీమదాత్మనే గుణైకసిన్ధవే నమః శివాయ ధామలేశధూతకోకబన్ధవే నమః శివాయ | నామశేషితానమద్భావాన్ధవే నమః శివాయ పామరేతరప్రధానబన్ధవే నమః శివాయ || 1॥ (అశ్విని) కాలభీతవిప్రబాలపాల తే నమః శివాయ శూలభిన్న దుష్టదక్షఫాల తే నమః శివాయ | మూలకారణాయ కాలకాల తే నమః శివాయ పాలయాధునా దయాలవాల తే నమః శివాయ || 2 || (భరణి) ఇష్టవస్తుముఖ్యదానహేతవే నమః శివాయ దుష్టదైత్యవంశధూమకేతవే నమః శివాయ | సృష్టిరక్షణాయ ధర్మసేతవే నమః శివాయ అష్టమూర్తయే వృషేన్ద్రకేతవే నమః శివాయ || 3 || (కృత్తిక) ఆపదద్రిభేదటఙ్కహస్త తే నమః శివాయ పాపహారిదివ్యసిన్ధుమస్త తే నమః శివాయ | పాపదారిణే లసన్నమస్తతే నమః శివాయ శాపదోషఖణ్డనప్రశస్త తే నమః శివాయ || 4 || (రోహిణి) వ్యోమకేశ దివ్యభవ్యరూప తే నమః శివాయ హేమమేదినీధరేన్ద్రచాప తే నమః శివాయ | నామమాత్రదగ్ధసర్వపాప తే నమః శివాయ కామనైకతానహృద్దురాప తే నమః శివాయ || 5 || (మృగశిర) బ్రహ్మమస్తకావలీనిబద్ధ తే నమః శివాయ జిహ్మగేన్ద్రకుణ్డలప్రసిద్ధ తే నమః శివాయ | బ్రహ్మణే ప్రణీతవేదపద్ధతే నమః శివాయ జిహ్మకాలదేహదత్తపద్ధతే నమః శివాయ || 6 || (ఆర్ద్ర) కామనాశనాయ శుద్ధకర్మణే నమః శివాయ సామగానజాయమానశర్మణే నమః శివాయ | హేమకాన్తిచాకచక్యవర్మణే నమః శివాయ సామజాసురాఙ్గలబ్ధచర్మణే నమః శివాయ || 7 || (పునర్వసు)) జన్మమృత్యుఘోరదుఃఖహారిణే నమః శివాయ చిన్మయైకరూపదేహధారిణే నమః శివాయ | మన్మనోరథావపూర్తికారిణే నమః శివాయ సన్మనోగతాయ కామవైరిణే నమః శివాయ || 8 || (పుష్యమి) యక్షరాజబన్ధవే దయాలవే నమః శివాయ దక్షపాణిశోభికాఇ్యనాలవే నమః శివాయ | పక్షిరాజవాహహృచ్ఛయాలవే నమః శివాయ అక్షిఫాల వేదపూతతాలవే నమః శివాయ || 9 || (ఆశ్రేష/ఆశ్లేష) దక్షహస్తనిష్ఠజాతవేదసే నమః శివాయ అక్షరాత్మనే నమబ్బిడౌజసే నమః శివాయ | దీక్షితప్రకాశితాత్మతేజసే నమః శివాయ ఉక్షరాజవాహ తే సతాం గతే నమః శివాయ || 10 || (మఖ) రాజతాచలేన్ద్రసానువాసినే నమః శివాయ రాజమాననిత్యమన్దహాసినే నమః శివాయ | రాజకోరకావతంసభాసినే నమః శివాయ రాజరాజమిత్రతాప్రకాశినే నమః శివాయ || 11 ॥ (పుబ్బ/పూర్వఫల్గుణి)) దీనమానవాలికామధేనవే నమః శివాయ సూనబాణదాహకృత్కృశానవే నమః శివాయ | స్వానురాగభక్తరత్నసానవే నమః శివాయ దానవాన్ధకారచణ్డభానవే నమః శివాయ || 12 | (ఉత్తర/ఉత్తరఫల్గుణి) సర్వమఙ్గలాకుచాగ్రశాయినే నమః శివాయ సర్వదేవతాగణాతిశాయినే నమః శివాయ | పూర్వదేవనాశసంవిధాయినే నమః శివాయ సర్వమన్మనోజభఙ్గదాయినే నమః శివాయ || 13 || (హస్త) స్తోకభక్తితోపి భక్తపోషిణే నమః శివాయ మాకరన్దసారవర్షిభాషిణే నమః శివాయ | ఏకబిల్వదానతోపి తోషిణే నమః శివాయ నైకజన్మపాపజాలశోషిణే నమః శివాయ || 14 || (చిత్ర/చిత్త) సర్వజీవరక్షణైకశీలినే నమః శివాయ పార్వతీప్రియాయ భక్తపాలినే నమః శివాయ | దుర్విదగ్ధదైత్యసైన్యదారిణే నమః శివాయ శర్వరీశధారిణే కపాలినే నమః శివాయ || 15 || (స్వాతి) పాహి మాము మామనోజ్ఞదేహ తే నమః శివాయ దేహి మే వరం సితాద్రిగేహ తే నమః శివాయ | మోహితర్షికామినీసమూహ తే నమః శివాయ స్వేహిత ప్రసన్న కామదోహ తే నమః శివాయ || 16 ॥ (విశాఖ) మఙ్గలప్రదాయ గోతురఙ్గ తే నమః శివాయ గఙ్గయా తరఙ్గతోత్తమాఙ్గ తే నమః శివాయ | సఙ్గరప్రవృత్తవైరిభఙ్గ తే నమః శివాయ అఙ్గజారయే కరేకురఙ్గ తే నమః శివాయ || 17 || (అనూరాధ) ఈహితక్షణప్రదానహేతవే నమః శివాయ ఆహితాగ్నిపాలకోక్షకేతవే నమః శివాయ | దేహకాన్తిధూతరౌప్యధాతవే నమః శివాయ గేహదుఃఖపుణధూమకేతవే నమః శివాయ || 18 || (జ్యేష్ఠ) త్ర్యక్ష దీనసత్కృపాకటాక్ష తే నమః శివాయ దక్షసప్తతన్తునాశదక్ష తే నమః శివాయ | ఋక్షరాజభానుపావకాక్ష తే నమః శివాయ రక్ష మాం ప్రపన్నమాత్రరక్ష తే నమః శివాయ || 19 ॥ (మూల) న్యఙ్కుపాణయే శివఙ్కరాయ తే నమః శివాయ సఙ్కటాబ్ధితీర్ణకిఙ్కరాయ తే నమః శివాయ | కఙ్కభీషితాభయఙ్కరాయ తే నమః శివాయ పఙ్కజాననాయ శఙ్కరాయ తే నమః శివాయ || 20 ॥ (పూర్వాషాఢ) కర్మపాశనాశ నీలకఠ్ణ తే నమః శివాయ శర్మదాయ నర్యభస్మకణ తే నమః శివాయ | నిర్మమర్షిసేవితోపకఠ్ణ తే నమః శివాయ కుర్మహే నతీర్నమద్వికుణ తే నమః శివాయ || 21 || (ఉత్తరాషాఢ) విష్టపాధిపాయ నమ్రవిష్ణవే నమః శివాయ శిష్టవిప్రహృద్గుహాచరిష్ణవే నమః శివాయ | ఇష్టవస్తునిత్యతుష్టజిష్ణవే నమః శివాయ కష్టనాశనాయ లోకజిష్ణవే నమః శివాయ || 22 || (శ్రవణం) అప్రమేయదివ్యసుప్రభావ తే నమః శివాయ సత్ప్రపన్నరక్షణస్వభావ తే నమః శివాయ | స్వప్రకాశ నిస్తులానుభావ తే నమః శివాయ విప్రడిమ్భదర్శితార్ణభావ తే నమః శివాయ || 23 || (ధనిష్ఠ) సేవకాయ మే మృడ ప్రసీద తే నమః శివాయ భావలభ్య తావకప్రసాద తే నమః శివాయ | పావకాక్ష దేవపూజ్యపాద తే నమః శివాయ తవకాజ్ఞిభక్తదత్తమోద తే నమః శివాయ || 24 || (శతభిషం) భుక్తిముక్తిదివ్యభోగదాయినే నమః శివాయ శక్తికల్పితప్రపణ్యభాగినే నమః శివాయ | భక్తసఙ్కటాపహారయోగినే నమః శివాయ యుక్తసన్మనఃసరోజయోగినే నమః శివాయ || 25 || (పూర్వాభాద్ర) అన్తకాన్తకాయ పాపహారిణే నమః శివాయ శాన్తమాయదన్తిచర్మధారిణే నమః శివాయ | సన్తతాశ్రితవ్యథావిదారిణే నమః శివాయ జన్తుజాతనిత్యసౌఖ్యకారిణే నమః శివాయ || 26 || (ఉత్తరాభాద్ర) శూలినే నమో నమః కపాలినే నమః శివాయ పాలినే విరిణ్యితుణ్డమాలినే నమః శివాయ | లీలినే విశేషరుణ్ణమాలినే నమః శివాయ శీలినే నమః ప్రపుణ్యశాలినే నమః శివాయ || 27 || (రేవతి) శివపఞ్చక్షరముద్రాం చతుష్పదోల్లాసపద్యమణిఘటితామ్ | నక్షత్రమాలికామిహ దధదుపకణం నరో భవేత్సోమః || ౨౮|| ఇతి శ్రీమత్పరమహంసపరివ్రాజకాచార్యస్య శ్రీగోవిన్దభగవత్పూజ్యపాదశిష్యస్య శ్రీమచ్ఛఙ్కరభగవతః కృతౌ శివపఞ్చక్షరనక్షత్రమాలాస్తోత్రం సమ్పూర్ణమ్ || #☀️శుభ మధ్యాహ్నం #🙏🏻ఆదివారం భక్తి స్పెషల్ #🌼ఆదివారం స్పెషల్ విషెస్ #🙏హ్యాపీ మహాశివరాత్రి📿 #🪔శివరాత్రి పూజ విధి & వ్రత విధానం🧾