#👩‍🍳 പാചകലോകം +------+------+------+-------+ _*🌶️ ഇന്നത്തെ പാചകം 🍳*_ *ആലു ഫ്രൈ* +------+------+------+-------+ ```സ്നാക്സ് എല്ലായിപ്പോഴും രുചികരമാകുമ്പോൾ ആരോഗ്യപ്രദവുമായിരിക്കണം എന്നു കൂടി ആഗ്രഹിക്കുന്നവരാണ് ഏവരും. ലോകത്തെവിടെയും ലഭ്യമായ ഒന്നാണ് ഉരുളക്കിഴങ്ങ്. കാർബോഹൈഡ്രേറ്റ്സും, വിറ്റാമിനും, പ്രോട്ടീനും ആവശ്യത്തിന് ഇതിൽ അടങ്ങിയിട്ടുണ്ട്. അതിനാൽ അടുക്കളയിലെ പ്രധാനി തന്നെയാണ് ഉരുളക്കിഴങ്ങ്. കറികളിൽ മാത്രമല്ല വ്യത്യസ്തമായ ഇൻസ്റ്റൻ്റ് സ്നാക്കുകൾ തയ്യാറാക്കാനും ഇത് ഉപയോഗിക്കാറുണ്ട്. അത്തരത്തിലൊരു ക്രിസ്പ്പി സ്നാക്കിൻ്റെ റെസിപ്പിയാണ് ഇന്ന് ഇവിടെ തയ്യാറാക്കുന്നത്. ``` _______________________ *ചേരുവകൾ* ______________________ _ഉരുളക്കിഴങ്ങ് - 3 എണ്ണം_ _കോൺഫ്ലോർ - അര കപ്പ്_ _മല്ലി പൊടി - അൽപ്പം_ _വറ്റൽമുളക് ചതച്ചത് - ഒരു ടീസ്പൂൺ_ _ഒറിഗാനോ - ഒരു ടീസ്പൂൺ_ _ഉപ്പ് - ആവശ്യത്തിന്_ _കുരുമുളക് പൊടി - ഒരു ടീസ്പൂൺ_ ______________________ *തയ്യാറാക്കുന്ന വിധം* _______________________ ```മൂന്ന് ഉരുളക്കിഴങ്ങ് വേവിച്ച് തൊലി കളഞ്ഞ് ഉടച്ചതിലേക്ക് അര കപ്പ് കോൺഫ്ലോർ, അൽപ്പം മല്ലിപ്പൊടി, ഒരു ടീസ്പൂൺ വറ്റൽമുളക് ചതച്ചത്, ഒരു ടീസ്പൂൺ ഒറിഗാനോ, ആവശ്യത്തിന് ഉപ്പ്, ഒരു ടീസ്പൂൺ കുരമുളകുപൊടി എന്നിവ ചേർത്ത് നന്നായി ഇളക്കി മാവ് തയ്യാറാക്കുക. അടി കട്ടിയുള്ള ഒരു പാത്രം അടുപ്പിൽ വെച്ച് എണ്ണയൊഴിച്ചു ചൂടാക്കി തയ്യാറാക്കിയ മാവിൽ നിന്നും അൽപ്പം എടുത്ത് ഇഷ്ടമുള്ള ആകൃതിയിലാക്കി എണ്ണയിൽ വറുത്തെടുക്കുക.``` +------+------+------+------+