അതി ജീവനം Last ഈയൊരു താലി തന്റെ കഴുത്തിൽ ചാർത്തി തന്നെ സ്വന്തമാക്കുവാൻ സാമുവൽ സാറിനെയും സിനിയെയും കൂട്ട് പിടിച്ചു ജിത്തേട്ടൻ നടത്തിയ നാടകത്തെക്കുറിച്ച് അറിഞ്ഞപ്പോൾ തനിയ്ക്കുണ്ടായ ഞെട്ടൽ പ്രവചനാതീതമായിരുന്നു. ചെറുതായി ദേഷ്യം തോന്നിയെങ്കിലും ജിത്തേട്ടന്റെ കണ്ണുകളിൽ നിറഞ്ഞ തന്നോടുള്ള അടങ്ങാത്ത സ്നേഹം കണ്ടപ്പോൾ അതൊക്കെ ക്ഷമിക്കുവാനല്ലാതെ മറ്റൊന്നിനും തനിക്ക് കഴിയുമായിരുന്നില്ല. തന്റെയുള്ളിലും അറിയാതെ ജിത്തേട്ടനോട് പ്രണയം മൊട്ടിട്ടിരുന്നുവോ ആവോ...അദ്ദേഹമടുത്തുള്ളപ്പോൾ പലപ്പോഴും തനിക്കൊരു സുരക്ഷിതത്വം അനുഭവപ്പെടാറുണ്ടായിരുന്നു എന്നുള്ളത് സത്യമാണ്..... താലിയിൽ പിടിച്ച് കൊണ്ട് കണ്ണാടിയിലേക്ക് നോക്കി നിൽക്കുമ്പോൾ ശ്വേതയുടെ മനസ്സ് ചിന്തകളാൽ നിറഞ്ഞു... ആർദ്രമായ മനസ്സോടെ അല്പനിമിഷങ്ങൾ കൂടിയാ താലിയിലേക്ക് നോക്കി നിൽക്കവേ ശ്വേതയുടെ മനസ്സിൽ പറഞ്ഞറിയികുവാൻ കഴിയാത്തൊരനുഭൂതി നിറഞ്ഞു തുളുമ്പി... ഒരു പുഞ്ചിരിയോടെ താലിയിൽ അവളൊന്ന് ചുണ്ടമർത്തി... പൊടുന്നനെ രണ്ട് കൈകൾ അവളുടെ ഇടുപ്പിലൂടെ പൊതിഞ്ഞപ്പോൾ അവൾ കണ്ണാടിയിലേക്ക് നോട്ടമയച്ചു. തന്നെയും ചേർത്ത് പിടിച്ചു കൊണ്ട് തന്റെ പുറകിൽ നിൽക്കുന്ന ഇന്ദ്രജിത്തിന്റെ രൂപം കണ്ണാടിയിൽ ദർശിച്ചപ്പോൾ കണ്ണാടിയിലേക്ക് നോക്കി അവളയാൾക്കൊരു പുഞ്ചിരി സമ്മാനിച്ചു... ഒരു പുഞ്ചിരിയോടെ ഇന്ദ്രജിത്ത് ശ്വേതയെ പിന്നിലൂടെ പുണർന്നു കൊണ്ടവളുടെ ചുമലിൽ തന്റെ താടിയമർത്തി നിന്ന് കൊണ്ട് കണ്ണാടിയിൽ നോക്കിയൊരു പുഞ്ചിരിയവൾക്കും നൽകി... തന്നെ ചുറ്റിപ്പിടിച്ച ഇന്ദ്രജിത്തിന്റെ കൈകൾക്ക് മുകളിലൂടെ ശ്വേത തന്റെ കരങ്ങളമർത്തിപ്പിടിച്ചു.... ശ്വേതയുടെ ചുമലിൽ അമർത്തിയ മുഖമൊന്നു ചരിച്ചു കൊണ്ട് ഇന്ദ്രജിത്തവളുടെ വെൺശംഖ് പോലെ മൃദുലമായ കഴുത്തിൽ തന്റെ ചുണ്ടുകൾ അമർത്തി ചുംബിച്ചു... അയാളുടെ ചുണ്ടുകളും മീശയും കഴുത്തിൽ പതിഞ്ഞപ്പോൾ ഇക്കിളിയെടുത്തെന്ന പോലെ യൊരു ചിണുങ്ങലോടെ അവളൊന്ന് ഇളകി... കണ്ണാടിയിലേക്ക് നോക്കി നിന്ന ശ്വേതയുടെ ഇരു ചുമലുകളിലും പിടിച്ചു കൊണ്ട് ഇന്ദ്രജിത്തവളെ തിരിച്ചു തനിയ്ക്കഭിമുഖമായ് നിർത്തി.... പ്രണയസാഗരവീചികൾ നിറഞ്ഞാടുന്ന അയാളുടെ നോട്ടത്തെ അഭിമുഖീകരിക്കുവാൻ കഴിയാതെ ലജ്ജാവിവശയായ് മാറിയ ശ്വേത തന്റെ ശിരസ്സ് കുനിച്ചു നിന്നു... തുടർന്ന് ടേബിളിൽ വച്ച പാൽ ഗ്ലാസ്സ് എടുത്ത ഇന്ദ്രജിത്ത് അതിൽ നിന്നും പാതി കുടിച്ച ശേഷം നമ്രശിരസ്കയായി നിൽക്കുന്ന ശ്വേതയുടെ നേരെ നീട്ടി.... വിറയാർന്ന കൈകളാൽ അത് വാങ്ങിയ ശ്വേത അതിലവശേഷിച്ച പാല് കുടിച്ചു തീർത്തു.... മുമ്പ് നടന്ന വിവാഹബന്ധത്തിൽ ഇതൊക്കെ അന്യമായത് കൊണ്ടാവും തന്റെ മനസ്സൊരു നവവധുവിനെപ്പോലെ വ്രീളാഭരിതമാകുന്നത്. പ്രണയാർദ്രമായ് തനിയ്ക്ക് നേരെയുള്ളയീ നോട്ടം പോലും തന്റെ ആദ്യാനുഭവമാണല്ലോ....പാല് കുടിച്ചു കൊണ്ടിരിക്കുമ്പോൾ ശ്വേത മനസ്സിൽ ചിന്തിച്ചു... അതിനിടയിൽ ഇന്ദ്രജിത്ത് തന്റെ കൈയിൽ നിന്നും ഗ്ലാസ്സ് വാങ്ങിയത് ശ്വേത അറിയുന്നുണ്ടായിരുന്നു.... ഇപ്രായത്തിലും താനൊരു പതിനെട്ടു കാരിയെപ്പോലെ ലജ്ജാവിവശയായി മാറിപ്പോകുന്നല്ലോ എന്ന് ശ്വേതയപ്പോൾ ചിന്തിച്ചു.... ശ്വേതയുടെ കൈയിൽ നിന്നും ഗ്ലാസ് വാങ്ങിയ ശേഷമത് ടേബിളിൽ വച്ച ഇന്ദ്രജിത്ത് അവളുടെ താടിത്തുമ്പിൽ പിടിച്ചുയർത്തി... "മഞ്ജൂ"...ശ്വേതയുടെ മുഖം പിടിച്ചുയർത്തി അവളുടെ മിഴികളിലേക്ക് പ്രണയപുരസരം നോട്ടമെറിഞ്ഞു കൊണ്ട് ഇന്ദ്രജിത്തവളെ വിളിച്ചു... അയാളുടെ മിഴികളെയ്യുന്ന അനംഗവിശിഖങ്ങളെ ഏറ്റു വാങ്ങുമ്പോൾ മന്ദാക്ഷത്തിൻ ചാരുകാന്തശോണിമ കപോലങ്ങളിൽ പടരവേ അവളുടെ മിഴികൾ പാതി കൂമ്പി നിന്നു... തന്റെ തൂനെറ്റിയിൽ അയാളുടെ അധരങ്ങളുടെ തണുപ്പ് പടരുന്നതറിഞ്ഞപ്പോൾ അവളുടെ കൂവളനയനങ്ങൾ കൂമ്പിയടഞ്ഞു.... ഇന്ദ്രജിത്തിന്റെ ചുണ്ടുകൾ തന്റെയടഞ്ഞ മിഴികളിൽ അമരുമ്പോൾ അറിയാതെ തന്റെ ഹൃദയമിടിപ്പുകൾ വർദ്ധിക്കുന്നത് ശ്വേതയറിഞ്ഞു.... "മഞ്ജൂ"....പ്രണയപരവശനായ ഇന്ദ്രജിത്തിന്റെ സ്വരം തന്റെ കാതുകളിൽ പതിയുമ്പോൾ അവൾടെ പവിഴാധരങ്ങൾ വിറ കൊണ്ടു.... തുടർന്നു അരുണവർണ്ണം തൂകിയ അവളുടെ രത്നാധരങ്ങളിൽ ഇന്ദ്രജിത്ത് തന്റെ അധരങ്ങളെ പാനം ചെയ്തു കൊണ്ട് കവിതകൾ രചിയ്ക്കവേ ശ്വേത തന്റെ കൈകളാൽ അയാളുടെ ഷേർട്ടിൽ അമർത്തിപ്പിടിച്ചു... ദീർഘനേരത്തെ ചുംബനത്തിന് ശേഷം തന്റെയധരങ്ങൾ സ്വതന്ത്രമായതറിയുമ്പോഴുമാ ചുംബനം പകർന്ന അവാച്യമായ അനുഭൂതിയുടെ നീഹാരകണങ്ങൾ തന്നിൽ നിന്നുമകലാതെ ദേഹമാകെ തരളിതമാക്കുന്നത് ശ്വേതയറിഞ്ഞു.... "മഞ്ജൂ"....ഇന്ദ്രജിത്ത് വിളിച്ചപ്പോൾ പതിയെ കണ്ണ് തുറന്ന് നോക്കിയ ശ്വേത തന്നെയും നോക്കി പുഞ്ചിരി തൂകുന്ന ഇന്ദ്രജിത്തിനൊരു പുഞ്ചിരി സമ്മാനിച്ചെങ്കിലും അവളുടെ ശിരസ്സ് നാണത്താൽ കുനിഞ്ഞു... തന്നെയും നോക്കി മലരമ്പുകളെയ്യുന്ന തന്റെ പുരുഷനെ അവൾ ഒളികണ്ണിട്ട് നോക്കികൊണ്ടിരുന്നു.... ശ്വേതയുടെ മുഖത്തേക്കൽപ്പ നിമിഷം നോക്കി നിന്ന ഇന്ദ്രജിത്ത് പതിയെ അവളെ തന്റെയിരുകൈകളാലും കോരിയെടുത്തു... ഇന്ദ്രജിത്തിന്റെ പൊടുന്നനെയുള്ള പ്രവൃത്തിയിൽ ഒരു വേള പകച്ചു പോയ ശ്വേതയ്ക്ക് ബാലൻസ് നഷ്ടപ്പെട്ടെങ്കിലും ഞൊടിയിടയിൽ തന്നേയയാളുടെ കഴുത്തിലൂടെ തന്റെ കൈകൾ ചേർത്ത് പിടിച്ചു.... ശ്വേതയുടെ മിഴികളിലേക്ക് പ്രണയാർദ്രമായ് നോട്ടമയച്ചു കൊണ്ട് ഇന്ദ്രജിത്തവളെയും കൊണ്ട് കട്ടിലിന് അടുത്തേക്ക് നടന്നു. കട്ടിലിന് അടുത്തെത്തിയപ്പോൾ അയാളവളെ പതിയെ കട്ടിലിലേക്ക് കിടത്തി... ശ്വേതയുടെ അടുത്ത് ശയനസ്ഥനായ ഇന്ദ്രജിത്ത് അവളുടെ നെറ്റിയിലും ശിരസ്സിലും കവിളിണകളിലുമൊക്കെ പതിയെ തഴുകിക്കൊണ്ടിരുന്നു.... പ്രണയത്തിൻ പാഥോനാഥവീചികൾ തുളുമ്പുന്ന മിഴികളോടെ ശ്വേത അയാൾക്ക് നേരെ നോട്ടമെയ്തു കൊണ്ടിരുന്നു... നിമിഷങ്ങളോളം തന്റെ പ്രണയലീലകൾ തുടർന്ന ഇന്ദ്രജിത്ത് ശ്വേതയുടെ നെറ്റിയിലും ഇരുമിഴികളിലും ചുംബനമർപ്പിച്ചു.... "മഞ്ജൂ"...പതിഞ്ഞ സ്വരത്തിൽ ഇന്ദ്രജിത്ത് ശ്വേതയെ അവളുടെ മിഴികളിലേക്ക് നോക്കിക്കൊണ്ട് വിളിച്ചു... മറുപടിയായി ശ്വേത അയാളെയൊന്ന് നോക്കുക മാത്രം ചെയ്തു... "മഞ്ജൂ... എല്ലാ അർത്ഥത്തിലും ഞാൻ തന്നെ സ്വന്തമാക്കിക്കോട്ടെ"...? ശ്വേതയുടെ ശിരസ്സിൽ തലോടിക്കൊണ്ട് ഇന്ദ്രജിത്ത് പ്രണയവും വാത്സല്യവും കലർന്ന സ്വരത്തിൽ ചോദിച്ചു.... ശ്വേത മറുപടിയൊന്നും നൽകാതെ മന്ദാക്ഷമണിഞ്ഞ മുഖഭാവത്തോടെ ഇന്ദ്രജിത്തിനെയൊന്ന് നോക്കി പുഞ്ചിരിയണിയുക മാത്രം ചെയ്തു... അവളുടെ മൗനം സമ്മതമായെടുത്ത ഇന്ദ്രജിത്ത് അവളുടെ രുധിരവർണ്ണാധരങ്ങളെ തന്റെയധരങ്ങളാൽ പൊതിഞ്ഞു ജിഹ്വാൽ കാവ്യശീലുകൾ രചിക്കുവാനാരംഭിച്ചു.. തുടർന്നയാളുടെ അധരങ്ങൾ അവളുടെ കഴുത്തിലും നെഞ്ചിലും വസനാവരണം ചെയ്യപ്പെട്ട മാറിടങ്ങളിലും വയറിലും ഇളം രോമരാജികൾ നിറഞ്ഞ പ്രസൃതകളിലും ചായങ്ങൾ പൂശിയ പാദാംഗുലികൾ നിറഞ്ഞ പാദപുടകിനികളിലും മൃദുലമായ പാദമൂലങ്ങളിലുമൊക്കെ ഒഴുകി നടന്നു.... അയാളുടെ അധരങ്ങൾ തന്റെ ശരീരത്തിൽ നടത്തിയ പ്രകടനത്തിൽ ശ്വേതയാകെ പുളകമണിഞ്ഞു പോയ്‌... നിമിഷങ്ങൾക്കുള്ളിൽ തന്റെ ശരീരത്തിൽ നിന്നും വസ്ത്രങ്ങൾ അനാവരണം ചെയ്യപ്പെടുന്നത് ശ്വേതയറിഞ്ഞു... അവസാനത്തെ നൂൽബന്ധവും തന്നിൽ നിന്നകലുന്നതറിഞ്ഞപ്പോൾ ശ്വേത പതിയെ തന്റെ മിഴികൾ തുറന്ന് നോക്കവേ അടങ്ങാത്ത ദാഹത്തോടെ തന്റെ ഗാത്രത്തിലേക്ക് നോട്ടമയയ്ക്കുന്ന ഇന്ദ്രജിത്തിന്റെ രൂപമവളുടെ മിഴികളിൽ പതിഞ്ഞു.... സ്ത്രീസഹജമായ നാണത്താൽ സ്വയമേവ അവളവളുടെ വക്ഷോജങ്ങളെ തന്റെ പ്രകോഷ്ഠങ്ങളാൽ മറച്ചു പിടിച്ചു കൊണ്ട് മിഴികളടച്ചു പോയി.... അവളുടെ കുചദ്വയങ്ങളെ മറച്ച കൈകളെ അയാൾ ബലമായി പിടിച്ചകറ്റി. നാല്പ്പാമരവർണ്ണമാർന്ന മൊട്ടുകളോട് കൂടിയ കുചദ്വയങ്ങളിൽ അയാൾ മൃദുവായി കരപരിലാളനകൾ അർപ്പിയ്ക്കവേ അവളുടെ മേനിയാകെ കോൾമയിർ കൊണ്ടെന്നവണ്ണം തരളിതമായ്.... കരപരിലാളനകൾക്ക് ശേഷമാ പൂമൊട്ടുകളിൽ അയാൾ ചുണ്ടുകളാൽ മധുപത്തെപ്പോലെ തേൻ നുകരുകയും ജിഹ്വാൽ കവിതകൾ രചിക്കുകയും ചെയ്യുമ്പോൾ ഒരു സീൽക്കാരത്തോടെ അവളുടെ പാണീതലങ്ങളയാളുടെ മുടിയിഴകളിൽ പരൽമീൻ കണക്കെ പാഞ്ഞു കൊണ്ടിരുന്നു.... അധരങ്ങളാലും ജിഹ്വാലുമുള്ള പരിലാളനകൾ കുചദ്വയങ്ങൾക്ക് ശേഷം തുന്ദത്തിലും അണിവയറിന്റെ സ്നിഗ്ദ്ധതയിലേക്കൂളിയിട്ട് കൊണ്ടവളുടെ സ്ത്രീത്വത്തിലമർന്നു കാവ്യരചനകളായി മാറവേ ഒരു കുറുകലോടെ അവളുടെ ഗാത്രമൊന്നിളകി. തനിയ്ക്കിപ്പോൾ ശ്വാസം മുട്ടിപ്പോകുന്നത് പോലെയൊരു പ്രതീതിയനുഭവപ്പെട്ടപ്പോൾ അയാളുടെ മുടിയിഴകളിൽ അമർത്തി വിരലുകളോടിച്ചു കൊണ്ടവളൊന്ന് ആഞ്ഞു കുറുകി.... "ജിത്തേട്ടാ".... ഉച്ചത്തിൽ കുറുകിയ ശ്വേതയുടെ ശരീരം അവളറിയാതെ ഉയർന്നു താണു... നിമിഷങ്ങളോളം നീണ്ട ജിഹ്വാലും അധരങ്ങളാലും തുടർന്ന ലീലകൾക്കൊടുവിൽ അയാളുടെ പുരുഷത്വം തന്റെ സ്ത്രീത്വത്തിലേക്ക് പതിയെ പെയ്തിറങ്ങുമ്പോൾ ശ്വേതയുടെ മനസ്സ് അതിദ്രുതമൊരു വേപഥുവോടെ മിടിച്ചു കൊണ്ടിരുന്നു.... തന്റെ സ്ത്രീത്വത്തിലേക്ക് ഇന്ദ്രജിത്തിലെ പുരുഷൻ ആഴ്ന്നിറങ്ങുമ്പോൾ ശ്വേതയിൽ നിന്നുമുതിർന്ന ആർത്തനാദത്തെ അയാൾ തന്റെയധരങ്ങളാൽ ബന്ധനത്തിലമർത്തവേ അതൊരു തേങ്ങലായി പുറത്തേക്ക് ഒഴുകിക്കൊണ്ടിരുന്നു.... തേങ്ങൽ സീൽക്കാരങ്ങൾക്ക് വഴി മാറി പിന്നീടത് രതികൂജനങ്ങളായ് മാറവേ ശ്വേത തന്റെ ജീവിതത്തിലാദ്യമായി രതിമൂർച്ഛയനുഭവിക്കുമ്പോൾ ഇന്ദ്രജിത്ത് തന്റെ പെണ്ണിനെയെല്ലാ അർത്ഥത്തിലും സ്വന്തമാക്കുന്നതിന്റെ ആനന്ദനിർവൃതിയിലായിരുന്നു.. അവളുടെ സ്ത്രീത്വത്തിന്റെ സാഗരതീരത്ത് അയാളുടെ പുരുഷത്വം കൃപീഡപാലകല്ലോലങ്ങളൊഴുക്കവേ അയാളുടെ പുറത്ത് നഖക്ഷതങ്ങൾ പകർന്ന ശ്വേതയുടെ മിഴികൾ നീരണിഞ്ഞു.... രതിക്രീഡയുടെ അന്ത്യത്തിലൊരു തളർച്ചയോടെ ഉള്ളിൽ നിറഞ്ഞ ആനന്ദനിർവൃതിയിൽ ഇന്ദ്രജിത്ത് ശ്വേതയുടെ നീരണിഞ്ഞ മിഴികളിൽ ചുംബനങ്ങൾ പകർന്നു... "മഞ്ജൂ....ഐ ലവ് യൂ"...ശ്വേതയുടെ ശിരസ്സിൽ അരുമയായി തഴുകിക്കൊണ്ട് ഇന്ദ്രജിത്ത് മന്ത്രിച്ചു... ഭോഗാലസ്യത്തോടെ ശയനീയത്തിൽ മലർന്ന് കിടന്ന ഇന്ദ്രജിത്തിന്റെ വക്ഷത്തിൽ ശ്വേത തന്റെ ശിരസ്സർപ്പിച്ചു.... ഒരു കാലത്ത് ഘോരമർദ്ദനങ്ങളേറ്റ തന്റെ നഗ്നഗാത്രത്തിൽ ജിത്തേട്ടൻ തന്റെ ലീലകളാടുമ്പോൾ തന്നെ വിടാതെ പിന്തുടരുന്ന അപസ്മാരം വന്ന് പോകുമോ എന്ന് താൻ ഭയന്നിരുന്നു. എന്നാൽ ജിത്തേട്ടന്റെ സ്നേഹപരിലാളനകളിൽ താൻ മറ്റൊരു ലോകത്തെത്തിച്ചേർന്നു. ആദ്യമായി രതിമൂർച്ഛയിലെത്തിയ തനിക്കിതൊക്കെ പുതിയ അനുഭവങ്ങളായിരുന്നു. കവികളും കഥാകൃത്തുക്കളും വർണ്ണിയ്ക്കുന്ന രതിയുടെ മാധുര്യം ഇന്ന് താനാദ്യമായ് അറിഞ്ഞിരിക്കുന്നു...ഇന്ദ്രജിത്തിന്റെ നെഞ്ചിൽ നഖചിത്രമെഴുതിക്കൊണ്ട് ശ്വേത അൽപ്പം മുമ്പ് വരെയുള്ള കാര്യങ്ങളോർത്തു... ഒരു നിറപുഞ്ചിരിയോടെ ഇന്ദ്രജിത്തിന്റെ നെഞ്ചിൽ നിന്നും തലയുയർത്തിയ ശ്വേത അയാളുടെ ശിരസ്സിന് അടുത്തേക്ക് മുഖമടുപ്പിച്ചു കൊണ്ടയാളുടെ മുഖത്തൊക്കെ തഴുകിക്കൊണ്ടിരുന്നു... "ജിത്തേട്ടാ"....പ്രണയാതുരമായ സ്വരത്തിൽ ശ്വേത ഇന്ദ്രജിത്തിനെ വിളിച്ചു... അവളുടെ കരപരിലാളനകളേറ്റ് വാങ്ങിക്കൊണ്ട് ഇന്ദ്രജിത്ത് അവളെ നോക്കിയൊന്ന് പുഞ്ചിരിച്ചു... "ഐ ലവ് യൂ"...മിഴികളിൽ പ്രണയസാഗരകല്ലോലങ്ങൾ നിറച്ചു കൊണ്ടയാളുടെ നെറ്റിയിലും മിഴികളിലും ചുംബനങ്ങളർപ്പിച്ചു കൊണ്ട് ശ്വേത ഇന്ദ്രജിത്തിനോട്‌ മൊഴിഞ്ഞു.... ഇന്ദ്രജിത്തവളെ തന്റെ നെഞ്ചിലേക്ക് അമർത്തി പൊതിഞ്ഞു പിടിച്ചു.... ശ്വേതയൊരു പുഞ്ചിരിയോടെ തന്റെ പുരുഷനിലേക്ക് അമർന്നു..... ശുഭം.... NB : അങ്ങനെ അതിജീവനം ഇവിടെ അവസാനിക്കുകയാണ്. നേരത്തെ സൂചിപ്പിച്ച പോലെ ഇതൊരു സ്ത്രീയുടെ അവരനുഭവിച്ച പീഡനങ്ങളുടെ അവഗണനയുടെ യഥാർത്ഥ ജീവിതകഥയാണ്. എന്റെ എഴുത്ത് ജീവിതത്തിൽ ഇത്രയും മാനസികസംഘർഷം അനുഭവിച്ചു കൊണ്ട് എഴുതിയ വേറെ കഥയില്ല. പല സീനുകളും എഴുതിക്കഴിഞ്ഞപ്പോൾ അതിലെ രംഗങ്ങൾ എന്നെ ദിവസങ്ങളോളം എഴുതാൻ കഴിയാത്ത വിധത്തിൽ വേട്ടയാടിക്കൊണ്ടിരുന്നു. പല എഴുത്തുകാരോടും അവരീ കഥ പറഞപ്പോൾ അവരൊന്നും തയ്യാറാകാതെ നിന്നപ്പോൾ ഒരു വെല്ലുവിളിയായി ഏറ്റെടുത്തു കൊണ്ട് ഞാനെഴുതി തുടങ്ങുകയായിരുന്നു. യഥാർത്ഥ കഥയിൽ നിന്നും സന്ദർഭവും അവസാനഭാഗവും അടക്കമൊരു പത്ത് ശതമാനത്തോളം ഞാനെന്റെ സങ്കൽപ്പങ്ങൾ ചേർത്തിട്ടുണ്ട്. വിധി തന്നിലേൽപ്പിച്ച പ്രതിസന്ധികളോട് പട വെട്ടിക്കൊണ്ട് ഇന്നുമവർ ജീവിയ്ക്കുന്നു. അവരുടെ യഥാർത്ഥ ജീവിതത്തിലൊരു സാമുവലോ ഇന്ദ്രജിത്തൊ വന്നിട്ടില്ല. ആ സ്ത്രീയ്ക്ക് നല്ലൊരു ജീവിതം ലഭിയ്ക്കട്ടെ എന്ന് പ്രാർത്ഥിച്ചു കൊണ്ട് ഞാനീ കഥയിവിടെ അവസാനിപ്പിക്കുകയാണ്... അവർക്ക് വേണ്ടി പ്രാർത്ഥിക്കണമെന്ന് പ്രിയപ്പെട്ട വായനക്കാരോടും ഞാനഭ്യർത്ഥിക്കുകയാണ്.... അവസാനിച്ചു #📙 നോവൽ #✍ തുടർക്കഥ #📔 കഥ #💞 പ്രണയകഥകൾ #📚 ട്വിസ്റ്റ് കഥകൾ